Gujarati News

નવી દિલ્હી : બિહારના પૂર્વ નાયબ મુખ્યમંત્રી તેજસ્વી સામયીકના કાર્યક્રમમાં ભાગ લેવા આવ્યા હતા અને તેમણે ૨૦૧૯ની લોકસભાની ચૂંટણીના મુદ્દે પોતાની રણનીતિની ચર્ચા કરી હતી. આ યુવા નેતાએ વડાપ્રધાન મોદી ઉપરાંત બિહારના મુખ્યપ્રધાન નીતીશ કુમાર પર પણ પ્રહાર કર્યા હતા.

મોદીને કેવી રીતે પડકારશો? એવા સવાલના જવાબમાં તેજસ્વીએ કહ્યું હતું કે મોદીને હું એકલો જ નહિં, બલકે દેશના જે જે યુવાનોને મોદીએ ઝાંસા આપ્યા છે અને નોકરી આપી નથી તે તમામ પડકારશે. મને લાગે છે કે આ સરકાર માત્ર શહેરોના નામ બદલવામાં જ વ્યસ્ત છે. બાકી લોકોની જરાય ચિંતા નથી.