Gujarati News

રાજકોટ, તા. ૧૭ : ગીર સોમનાથ જીલ્લાના ગીરગઢડા પંથકમાં ભારે વરસાદના કારણે તબાહી સર્જતા પરિસ્થિતિની સમીક્ષા અને હવાઈ નિરીક્ષણ માટે મુખ્યમંત્રી શ્રી વિજયભાઈ રૂપાણી આજે બપોર બાદ મુખ્યસચિવ જે.એન.સિંઘ સહિતના ઉચ્ચ અધિકારીઓને સાથે રાખીને વેરાવળ- સોમનાથ પહોંચ્યા છે. સવારે રાજય સરકારના એરક્રાફટમાં ગયેલા પણ તેનું ખરાબ હવામાનના કારણે ઉતરાણ ન થઈ શકતા ગાંધીનગર પરત આવી ફરી એરફોર્સના મોટા વિમાનમાં ગયા છે. ગીર ગઢડામાં બપોરથી વરસાદનો વિરામ થયો છે. એનડીઆરએફની ૩ ટીમ બચાવમાં હતી. ૨૫ જવાનોની વધુ એક ટીમ બોલાવવામાં આવી છે. વાતાવરણ વાદળછાયુ છે.(૩૭.૯)