Gujarati News

નવી દિલ્હી, તા.૧૭: આઇટી પ્રોફેશનલ્સ માટે બેંક ઓફ અમેરિકાનો એક રીપોર્ટ આવ્યો છે જે તેમના માટે ચિંતાજનક છે. બેંક ઓફ અમેરિકાએ કહયું છે કે 'ઓટોમેશન'ને કારણે ભારતીય આઇટી કંપનીમાં વર્ષ ૨૦૨૨ સુધીમાં મોટા પાયે કર્મચારીઓની છટણી કરશે. જેમાં ટીસીએસ, ઇન્ફોસીસ અને એચસીએલ જેવી આઇટી કંપનીઓનો સમાવેશ થાય છે. આ કંપનીઓ ૩૦ લાખ કર્મચારીઓને 'રજા' આપી દેવાના મુડમાં છે. જેનાથી તેઓ૧૦૦ બિલિયન ડોલરની બચત કરશે.

જેટલી ઝડપે ઈંડસ્ટ્રીઝમાં ઓટોમેશનની દખલગીરી વધી રહી છે. ટેકનોલોજીના ક્ષેત્રમાં કામ કરતા કર્મચારીઓ માટે એટલો જ વધારે નોકરીનો ખતરો સામે આવી રહ્યો છે. એક રિપોર્ટમાં દાવો કરવામાં આવ્યો છે કે, ઘરેલૂ સોફ્ટવેર કંપનીઓ જયાં અત્યારે ૧.૬ કરોડ કર્મચારીઓ કામ કરે છે. ૨૦૨૨ સુધી ૩૦ લાખ કર્મચારીઓની દ્યરભેગા કરી દેશે. તેમનાથી વાર્ષિક ૧૦૦ બિલિયન ડોલરની બચત કરવામાં મદદ મળશે.

એક રિપોર્ટમાં જણાવ્યા અનુસાર, સ્થાનિક આઈટી ક્ષેત્રે આશરે ૧૬ મિલિયન લોકો કામ કરે છે, જેમાંથી લગભગ ૯ મિલિયન લોકો ઓછી કુશળ અને બીપીઓમાં કામ કરે છે. આ ૯ મિલિયન ઓછી કુશળ સેવાઓ અને બીપીઓમાંથી, ૨૦૨૨ સુધીમાં ૩૦% અથવા લગભગ ૩ મિલિયન તેમની નોકરી ગુમાવશે, મુખ્યત્વે રોબોટિક પ્રોસેસ ઓટોમેશન અથવા આરપીએને કારણે તેમની નોકરી જવાની છે.

રિપોર્ટ અનુસાર ટીસીએસ, ઇન્ફોસીસ, વિપ્રો, એચસીએલ, ટેક મહિન્દ્રા અને કોગ્નિઝન્ટ અને અન્ય દ્યણી કંપનીઓ પણ આરપીએ અપ-સ્કીલિંગને કારણે ૨૦૨૨ સુધીમાં ૩ મિલિયન ઓછી કુશળ લોકોને બહાર કાઢવાની યોજના બનાવી રહી છે. રિપોર્ટમાં કહેવામાં આવ્યું છે કે ભારત આધારિત સંસાધનોની વાર્ષિક કિંમત ૨૫,૦૦૦ ડોલર છે અને યુએસ સંસાધનો વાર્ષિક ૫૦,૦૦૦ ખર્ચ કરે છે. છટણી કર્યા પછી, કંપનીઓ પગાર અને કોરર્પોરેટ સંબંધિત ખર્ચમાં લગભગ ૧૦૦ અબજ ડોલરની બચત કરશે.

ઘરેલું કંપનીઓમાં આશરે ૭ લાખ લોકો એકલા આરપીએ દ્વારા બદલવામાં આવશે. અને બાકીના તકનીકી અપગ્રેડ અને અપસ્કિલિંગ દ્વારા હશે. આરપીએની સૌથી ખરાબ અસર અમેરિકામાં થશે, જયારે બુધવારે જાહેર થયેલા બેંક ઓફ અમેરિકાના અહેવાલ મુજબ, અહીં ૧૦ મિલિયન લોકોની નોકરીઓ ખોવાઈ શકે છે.

સૌથી મોટી અસર ભારત અને ચીન પર પડશે. જયારે આસિયાન, પર્સિયન ગલ્ફ અને જાપાનમાં ઓછામાં ઓછું જોખમ છે. કદાચ સૌથી ચિંતાજનક વલણ એ છે કે ભરતી બજારની નોકરીઓ ઓટોમેશનના સૌથી વધુ જોખમમાં છે કારણ કે ઉત્પાદન જેવા ક્ષેત્રોની નીચી / મધ્ય-કુશળ પ્રકૃતિ તેમને અકાળ ડી-ઔદ્યોગીકરણના જોખમો સામે લાવે છે. ભારતે તેનું ઉત્પાદન ટોચ ૨૦૦૨ માં જોયું હતું, જયારે તે ૧૯૭૦માં જર્મનીમાં, ૧૯૯૦ માં મેકિસકોમાં થયું હતું.