Gujarati News

Gujarati News

News of Monday, 17th June 2019

રાજસ્થાનની સુમન રાવ બની 'ફેમિના મિસ ઈન્ડિયા ૨૦૧૯'

કોલેજ વિદ્યાર્થિની સુમન રાવ હવે 'મિસ વર્લ્ડ-૨૦૧૯' સ્પર્ધામાં ભારતનું પ્રતિનિધિત્વ કરશે

મુંબઈ, તા.૧૭: – રાજસ્થાનનિવાસી સુમન રાવે 'ફેમિના મિસ ઈન્ડિયા ૨૦૧૯'નો તાજ જીત્યો છે. શનિવારે સાંજે અહીં વરલી સ્થિત સરદાર વલ્લભભાઈ પટેલ ઈન્ડોર સ્ટેડિયમ ખાતે ૫૬મી મિસ ઈન્ડિયા સૌંદર્ય સ્પર્ધાના ગ્રાન્ડ ફિનાલે કાર્યક્રમમાં સુમન રાવને વિજેતા જાહેર કરવામાં આવી હતી.

૨૨ વર્ષની સુમનને તાજ પહેરાવ્યો હતો ગયા વર્ષની 'મિસ ઈન્ડિયા'અનુકૃતિ વ્યાસે.

જયૂરીના એક સવાલના જવાબમાં સુમને કહ્યું, 'જયારે તમે જીવનમાં સ્વયંને કોઈ વિશેષ લક્ષ્ય માટે સમર્પિત કરો છો ત્યારે તમારા શરીરની નસેનસ તમારી જીત માટે એ દિશામાં કામ કરવાનું શરૂ કરી દે છે.'

કોલેજ વિદ્યાર્થિની સુમન રાવ હવે 'મિસ વર્લ્ડ-૨૦૧૯' સ્પર્ધામાં ભારતનું પ્રતિનિધિત્વ કરશે. 'મિસ વર્લ્ડ' સ્પર્ધા આ વર્ષની ૭ ડિસેંબરે થાઈલેન્ડના પટ્ટાયામાં યોજાવાની છે.

શનિવારના કાર્યક્રમમાં બિહારની શ્રેયા શંકરે 'મિસ ઈન્ડિયા યુનાઈટેડ કોન્ટિનેન્ટ્સ-૨૦૧૯' તાજ જીત્યો હતો જયારે છત્તીસગઢની શિવાની જાધવે શ્નમિસ ગ્રેન્ડ ઈન્ડિયા-૨૦૧૯'નો તાજ જીત્યો હતો.

કાર્યક્રમમાં જયૂરી સભ્યો હતાંૅં બોલીવૂડ કોરિયોગ્રાફર રેમો ડીસોઝા, અભિનેત્રીઓ હુમા કુરૈશી, ચિત્રાંગદા સિંહ, ફેશન ડિઝાઈનર ફાલ્ગુની શેન પીકોક, ફૂટબોલ ખેલાડી સુનીલ છેત્રી.

ફિલ્મી સિતારાઓથી સભર કાર્યક્રમમાં કરણ જોહર, દિયા મિર્ઝા, નેહા ધુપીયા, હુમા કુરૈશી, ચિત્રાંગદા સિંહે હાજરી આપી હતી. કેટરીના કૈફ, વિકી કૌશલ, મૌની રોય અને નોરા ફતેહી જેવા કલાકારોએ સ્ટેજ પરફોર્મન્સ રજૂ કર્યો હતો.

કાર્યક્રમનું સંચાલન કરણ જોહર અને મનીષ પૌલે કર્યું હતું.

(11:41 am IST)
  • બિહારના ચમકી તાવ અંગે કેન્દ્રીય આરોગ્ય મંત્રી સામે રાવ :બિહારમાં જીવલેણ ચમકી તાવે ૧૨૯ બાળકોના જીવ લીધાઃ કેન્દ્રીય સ્વાસ્થ્ય પ્રધાન હર્ષવર્ધન અને મંગલ પાંડે વિરૂધ્ધ કેસ દાખલઃ ૨૪ જુને સુનાવણી હાથ ધરાશેઃ સામાજીક કાર્યકર્તા તમન્ના હાસમીએ કોર્ટમાં ફરીયાદ દાખલ કરી access_time 4:25 pm IST

  • બિહારમાં ગરમીનો પ્રકોપ : સરકારે ૧૪૪મી કલમ લગાવી લોકોને ગરમીના પ્રકોપથી બચાવવા ગયામાં ૧૪૪મી કલમ લાગુ કરી દેવાઈ access_time 5:53 pm IST

  • જામનગર-કચ્છ-ધ્રોલ-દ્વારકા-ઓખામાં બપોરે રII વાગ્યાથી પ૦ કિ.મી. ઝડપે તોફાની પવન : કચ્છમાં પહોંચેલા વાયુ વાવાઝોડાને કારણે જામનગર-ઓખા-દ્વારકા-ધ્રોલ-મીઠાપુર-ખંભાળીયા-કચ્છમાં બપોરે રII વાગ્યાથી પ૦ કિ.મી. ઝડપે તોફાની પવન ફુંકાવાનું શરૃઃ વિજ તંત્રે સંખ્યાબંધ ફીડરો બંધ કર્યાઃ અનેક સ્થળે તાર તૂટી ગયા access_time 4:25 pm IST