Gujarati News

Gujarati News

News of Monday, 17th May 2021

કોરોનાથી મારવાડી મોજડી લુપ્ત થવા લાગીઃ કારીગરો અન્ય રોજગાર તરફ વળ્યા

પગને સંપૂર્ણ રક્ષણ આપતી હોવાથી ''પગરખી'' નામ પડયું : રાજસ્થાનની અનેક કળાઓમાંની એક મોજડીના વ્યવસાય સાથે જોડાયેલ લોકોની સ્થિતિ ખરાબ

જયપુર તા. ૧૭: પગમાં પહેરવામાં આવતી ચામડીની મોજડી હવે લુપ્ત પ્રાયઃ થવા લાગી છે. ગામડાઓમાં ભૂતકાળમાં મહિલાઓ પુરૂષો મોજડી પહેરતા હતા. જયારે આજે ગણ્યા ગાંઠયા ઘરોમાં જ તેનું ચલણ છે.

હવેના સમયમાં શોખથી કે પછી લગ્ન કે તહેવારમાં જ મોજડી પહેરવામાં આવે છે. મોજડી પ્રત્યે લોકોનો લગાવ ઓછો થતો જાય છે. બજારમાં આવતા તૈયાર માલથી પરંપરાગત મોજડી બનાવનાર લોકોની રોજગારી ઉપર અસર પડી છે. મોજડીના વ્યવસાય સાથે જોડાયેલ કારીગર હવે અન્ય કામ-ધંધામાં ચડી રહ્યા છે. ઉપરથી કોરોનાની થપાટે મોજડીના વ્યવસાયની કમર જ ભાંગી નાંખી છે.

ગ્રામ્ય વિસ્તારોમાં થતા લગ્નોમાં વર-વધુને ચામડાની મોજડી પહેરાવાનો રિવાજ છે. પણ છેલ્લાં બે વર્ષથી કોરોનાના લીધે આ વ્યવસાયને ગ્રહણ લાગ્યું છે. રાજસ્થાનની મોજડી વિશ્વમાં પ્રસિધ્ધ છે. સમદડીમાં લગભગ સોથી વધુ ઘરોમાં મોજડી બને છે.

આ ઘરોમાં પુરૂષો મોજડી તૈયાર કરે છે અને મહિલાઓ તેમાં રંગ પુરી આકર્ષક બનાવે છે. ચામડીની મોજડી એકદમ ટકાઉ હોય છે. મોટા ભાગે ખેડૂતો તેનો ઉપયોગ કરે છે. પગને સંપૂર્ણ રક્ષણ આપતી હોવાથી તેનું નામ પગરખી પડયું છે. મોજડી બનાવવા માટેનું ચામડું કાનપુર, ચૈન્નઇ અને ભીનમાલ ક્ષેત્રમાં મળે છે.

ચામડાનો ભાવ પણ આસમાને છે. હાલ ૩૦૦ રૂપિયા પ્રતિ કિલોના ભાવથી પણ ચામડુ નથી મળતું પડતર મોંઘી થવાથી તેની વેંચાણ કિંમત પણ વધી જાય છે. એક જોડી મોજડી બજારમાં પ૦૦ થી ૧ હજાર રૂપિયા સુધી વેંચાય છે. જયારે તેને તૈયાર કરવામાં મહેનતની સાથે પડતર વધુ હોવાથી મોજડી વ્યવસાય સાથે સંકળાયેલ લોકોને મજુરી પુરતી ન મળતા આ વ્યવસાયથી મોહ ભંગ પણ થવાનું કારણ છે.

(3:14 pm IST)
  • આજે ૧૦ વાગ્યા આસપાસ હવામાન ખાતાએ મહારાષ્ટ્રના રાયગઢ, પાલઘર, મુંબઈ, થાણે અને રત્નાગીરી વિસ્તારમાં ૩ કલાકમાં ૯૦ થી ૧૦૦ કિ.મી. ઝડપે તોફાની પવન અને મધ્યથી ભારે વરસાદ પડવાની આગાહી કરી છે : સાથે જ સવારે ૩ કલાક માટે મુંબઈ એરપોર્ટ ઉપર કાર્યવાહી થંભાવી દેવામાં આવી હતી access_time 12:14 pm IST

  • દક્ષિણ મુંબઈના લગભગ તમામ વિસ્તારોમાં સવારથી જ ભારે વરસાદ પડી રહ્યો છે. વાવાઝોડાની અસર આસપાસના જિલ્લાઓમાં પણ જોવા મળી રહી છે. અરબી સમુદ્રમાંથી ચક્રવાત 'તાઉ તે' નો ખતરો ગુજરાત, મહારાષ્ટ્ર અને કર્ણાટક સહિત 7 રાજ્યો પર યથાવત છે. 5 રાજ્યોમાં અત્યાર સુધી 11 લોકોનાં મોત નીપજ્યાં છે. વાવાઝોડાના કારણે મહારાષ્ટ્રમાં મુંબઇ સહિતના દરિયાકાંઠાના વિસ્તારોના ઘણા જિલ્લાઓમાં વેક્સિનેશન બંધ કરવું પડ્યું છે. અહીં મુંબઇ સહીત ઘણા શહેરોમાં એલર્ટ જાહેર છે. મંગળવારે સવારે વાવાઝોડું પોરબંદર અને મહુવા (ભાવનગર)ની વચ્ચે ગુજરાત કાંઠે ટકરાશે. આ દરમિયાન વાવાઝોડાગતિ પ્રતિ કલાક 185 કિલોમીટર સુધી હોઇ શકે છે. access_time 5:28 pm IST

  • શ્રીનગરની ભાગોળે બે આતંકીઓ ઠાર મરાયા : બાકીના સાથે મૂઠભેડ ચાલુ : શ્રીનગરને અડીને આવેલા ખાન મોહ વિસ્તારમાં બે આતંકવાદીઓને સુરક્ષાદળોએ ઠાર માર્યા છે, જયારે બીજા ૨ થી ૩ આતંકવાદીઓ સાથે મૂઠભેડ ચાલુ છે : આજે વ્હેલી સવારે આ વિસ્તારમાં આતંકીઓ જોવા મળ્યાની જાણ થતાં એસઓજી, લશ્કર અને સીઆરપીએફની સંયુકત ટુકડી પહોંચી ગયેલ અને એક મકાનમાં છુપાયેલા આતંકીઓ સાથે મૂઠભેડ શરૂ થયેલ : સુરક્ષા કર્મીઓ ઘર-ઘરની તલાશી લેતા હતા ત્યારે એક મકાનમાં છુપાયેલા આ આતંકીઓએ નજીક આવેલા જવાનો ઉપર ગોળીબાર શરૂ કરેલ : સુરક્ષાદળોએ આત્મસમર્પણ કરવા કહ્યુ છતા આતંકીઓએ ગોળીબાર ચાલુ રહેતા બે ને ઠાર મારવામાં આવેલ access_time 12:15 pm IST