News of Thursday, 17th May 2018

જેઠમલાણી પણ કોંગ્રેસ સાથેઃ સુપ્રિમમાં પહોંચ્યા

વજુભાઇ વાળાના નિર્ણય સામે સુપ્રિમમાં 'રામ' ની અરજી

નવી દિલ્હી તા.૧૭: કર્ણાટકની રાજય લડાઇમાં હવે વરિષ્ઠ વકીલ રામ જેઠમલાણી પણ કુદી પડયા છે. રામ જેઠમલાણી એ કર્ણાટકના રાજયપાલ દ્વારા ભાજપને સરકાર રચવાનું આમંત્રણ આપવા વિરુધ્ધ સુપ્રિમનો દરવાજો ખટખટાવ્યો છે જેઠમલાણી એ રાજયપાલના નિર્ણયને સંવૈધાનિક શકિતનો

ઘોર દુરપયોગ ગણાવ્યો છે. ચીફ જસ્ટિસ દિપક મિશ્રાની નેતૃત્વવાળી પીઠે તાત્કાલીક સુનાવણી માટે દાખલ કરેલી જેઠમલાણીની અરજીપર વિચાર કર્યો અને કહયું કે આજે કર્ણાટક મામલાની સુનાવણી કરતી ત્રણ સભ્યોની સ્પેશ્યલ બેંચ આવતી કાલે તેના પર સુનાવણી કરશે.

રામ જેઠમલાણીએ કર્ણાટક રાજયપાલના નિર્ણય વિરુધ્ધ સુપ્રિમમાં મામલો ઉઠાવીને કહયું કે, હુંઆ મામલે વ્યકિતગત રીતે મારો પક્ષ રાખવા માગું છું. તેના પર કોર્ટે ધ્યાન આપવું જોઇએ હું વ્યકિતગત રીતે આવ્યો છું કોઇ પક્ષ તરફથી નહિ તેના પર ચીફ જસ્ટિસ દિપક મિશ્રાએ કહયું કે આ મામલો જસ્ટિસ એ કે સિકરીની નેતૃત્વવાળી બેંચ સંભાળી રહી છે ત્યારબાદ જેઠમલાણીએ કોર્ટની બહાર નિકળીને રાજયપાલ ના આદેશને સંવૈધાનિક અધિકારનો દુરુપયોગ ગણાવ્યો.

ઉલ્લેખનીય છે કે, કર્ણાટકમાં યેદિયુરપ્પા સરકારની રચના થઇ ગઇ છે પરંતુ તેના પર વિવાદ સતત ચાલુ છે જોકે કોર્ટે રાજયપાલના નિર્ણય પર રોક લગાવાનો ઇન્કાર કરી દીધો હતો. અને આજે યેદિયુરપ્પાએ કર્ણાટકના મુખ્યપ્રધાન તરીકે શપથ લીધા હતા.

(3:23 pm IST)
  • બીટકોઈન તોડ મામલો: CID ક્રાઇમની સૌથી મોટી કાર્યવાહી: નલિન કોટડીયા વિરુદ્ધ લુકાઆઉટ નોટિસ જારી: દેશભર ના એરપોર્ટને જાણ કરાઈ: નલિન કોટડીયાની મિલકત પણ કરાશે જપ્ત: બીટકોઈન કેસ માટે રચાયેલ SIT ની મળી મેગા મિટિંગ: CID ક્રાઇમના DG આશિષ ભાટિયાની અધ્યક્ષતામાં મળી મિટિંગ: DIG, SP, 2 DYSP, 2 PI, PSI અને સાયબર એક્સપર્ટ મિટિંગમાં હાજર: નવી એફ આઈ આર નોંધવા માટે ઘડાઈ રણનીતિ: ટૂંક સમયમાં CID કરી શકે છે નવો ધડાકો:નલિન કોટડીયા ના લોકેશન માટે પણ કરાઈ ચર્ચા access_time 12:19 am IST

  • બીટકોઈન કૌભાંડ મામલે નલીન કોટડીયા સામે બિનજામીનપાત્ર વોરન્ટ નીકળ્યુ અમદાવાદ સિવિલ અને સેશન્સ કોર્ટે કર્યુ વોરન્ટ ઈસ્યુ access_time 6:11 pm IST

  • કર્ણાટકના કોંગ્રેસના એક ધારાસભ્ય રીસોર્ટમાંથી બહાર નીકળતા રાજકીય ગરમાવો : હોર્સ ટ્રેડીંગથી બચવા કોંગ્રેસે તેના ધારાસભ્યોને ઈગલટન રીસોર્ટમાં રાખ્યા હતા : જયાંથી ધારાસભ્ય રાજશેખર પાટીલ ખરાબ તબિયતનું કારણ આપી બહાર નીકળી જતાં કર્ણાટકના રાજકારણમાં ગરમાવો આવી ગયો છે access_time 6:10 pm IST