Gujarati News

Gujarati News

News of Thursday, 17th May 2018

સરકારી ખાતા આપસના આર્થિક વિવાદને કોર્ટમાં પડકારી નહીં શકે

સરકારે આ માટે નવી યંત્રણાની જાહેરાત કરી

નવી દિલ્હી તા. ૧૭ : સરકારે સરકારી ખાતાં અને જાહેર ક્ષેત્રનાં ઉપક્રમો વચ્ચેના આર્થિક વિવાદ ઉકેલવા નવી યંત્રણા બુધવારે જાહેર કરી હતી. આવા વિવાદમાં તેઓ અદાલતમાં જઇ નહિ શકે અને કેબિનટ સેક્રેટરીનો નિર્ણય અંતિમ ગણાશે. આમ છતાં, રેલવે, આવકવેરા વિભાગ, કસ્ટમ્સ અને આબકારી જકાત વિભાગને લગતા આર્થિક વિવાદને આ નવી સૂચનામાંથી બાકાત રખાયા છે.

અહીં સત્તાવાર નિવેદનમાં જણાવાયું હતું કે સરકારી ખાતાં અને જાહેર ક્ષેત્રના ઉપક્રમો વચ્ચેના આર્થિક વિવાદ ઝડપી ઉકેલવા માટે બે સ્તરની સંસ્થાકીય વ્યવસ્થા ઊભી કરાશે અને આવા વિવાદ અદાલતની બહાર જ ઉકેલવા પડશે. પ્રથમ તબક્કામાં આવા વિવાદ જે મંત્રાલયોની વચ્ચે હશે તેઓના સચિવો અને કાનૂની સચિવનો સમાવેશ કરતી સમિતિને મોકલાશે.

જે બે મંત્રાલય વચ્ચે આર્થિક વિવાદ હોય તેઓના નાણાકીય સલાહકારો પોતાના મંત્રાલય વતી આ સમિતિ સમક્ષ રજૂઆત કરશે. જો આવો વિવાદ એક જ મંત્રાલયના બે વિભાગ વચ્ચે હોય તો તેની સુનાવણી કરનારી સમિતિમાં સંબંધિત મંત્રાલયના સચિવ, કાયદા સચિવ અને પબ્લિક એન્ટરપ્રાઇઝીસ વિભાગના સચિવ રહેશે. આવા કિસ્સામાં મંત્રાલયના આર્થિક સલાહકાર અને સંયુકત સચિવ દ્વારા રજૂઆત કરાશે.

આ વિવાદ સમિતિ દ્વારા નહિ ઉકેલાય તો બીજા તબક્કામાં તે કેબિનેટ સેક્રેટરીને મોકલાશે અને તેમનો નિર્ણય અંતિમ રહેશે. પ્રથમ તબક્કામાં વિવાદ ત્રણ મહિનામાં જ ઉકેલવો પડશે.

(11:49 am IST)
  • શપથ લેવા રાજભવન જઇ રહેલ યેદિયુરપ્પાના કાફલાને રોકવાનો અને હુમલાનો પ્રયાસઃ મોટો ખળભળાટઃ સંજયનગર વિસ્તારમાં કોંગ્રેસના કાર્યકરોએ આ કાફલા પર હુમલો કર્યો : (ઝી ન્યુઝનો અહેવાલ) access_time 10:57 am IST

  • પાકિસ્તાનના પૂર્વ વડાપ્રધાન નવાઝ શરીફને રાહત :રાજદ્રોહનો કેસ ચલાવવાની માંગણી કરતી અરજી લાહોર હાઇકોર્ટે ફગાવી :નવાઝે એક ઇન્ટરવ્યૂમાં મુંબઈ હુમલામાં પાકિસ્તાની આતંકીઓનો હાથ હોવાનું કહેતા તેના વિરુદ્ધ રાજદ્રોહનો કેસ કરવા અરજી કરાઈ હતી :નવાઝ વિરુદ્ધ આ અરજી પાકિસ્તાન ઝિંદાબાદના મુખ્યા અને વકીલ આફતાબ વિર્કે કરી હતી :લાહોર હાઇકોર્ટે કહ્યું કે અરજીકર્તાએ ઉચિત ફોરમ પાસે જવું જોઈએ access_time 1:08 am IST

  • અફઘાનમાં રાત્રી લોહિયાળઃ ૪૪ આતંકીઓનો સફાયોઃ ૧૦ જવાનો શહીદ થયા: કાબૂલ : અફઘાનમાં રાત આખી આતંકીઓ અને સેના વચ્ચે લોહિયાળ અથડામણો ચાલી હતી, જેમાં ૪૪ ત્રાસવાદીઓના મોત થયા છેઃ ૧૦ જવાનો શહીદ થયા છે access_time 11:35 am IST