Gujarati News

Gujarati News

News of Thursday, 17th May 2018

આરકોમ સામે બેંકકરપ્સીની કાર્યવાહી કરવા ઇનસોલ્વન્સી ટ્રાઇબ્યુનલનો આદેશ

મુંબઇ : રીલાયન્સ કોમ્યૂનિકેશન-આરકોમ સામે બેન્કરપ્સીની કાર્યવાહી શરૂ કરવાનો ઇનસોલ્વન્સી ટ્રાઇબ્યૂનલે આદેશ આપ્યો છે. અનિલ અંબાણીની માલિકીની આ ટેલિકોમ કંપનીને તેમના ભાઇ મુકેશ અંબાણીની રીલાયન્સ જિઓ ઇન્ફોકોમને 18,000 કરોડ રૂપિયામાં વેચવામાં આ કારણે મુશ્કેલી સર્જાશે
  .એનસીએલટીની મુંબઇ બેન્ચની 8 મહિના ચાલેલી કાનૂની લડાઇ બાદ આરકોમ અને તેની સબસિડિયરીઝ વિરુદ્ધ સ્વીડનની ટેલિકોમ ગિયર કંપનીમાં એરિક્શનની ત્રણ અરજીઓ સ્વીકારી લેવાઇ છે. એરિક્શનના આકરોમ પાસેથી આશરે 1,150 કરોડ જેટલી રકમ લેવાની બાકી છે, જે વસૂલવા આ અરજીઓ કરી હતી. આ સાથે એરસેલ બાદ બેન્કરપ્સી કાર્યવાહીમાં જવાવાળી બીજી કંપની આરકોમ બની ગઇ છે. જોકે આ નિર્ણય વિરુદ્ધ આરકોમ નેશનલ કંપની લૉ અપિલેટ ટ્રાઇબ્યૂનલમાં અપીલ કરી શકે છે.
   દેવું ચૂકવવા માટે થઇને ગત વર્ષે આરકોમે જિઓ સાથે પોતાના સ્પેકટ્રમ, ટાવર્શ, ફાઇબર અને સ્વિચિંગ નોડ્ઝ વેચવાની ડીલ સાઇન કરી હતી. હવે આ ડીલ અટકી જવાની સંભાવના છે. જેને કારણે મુકેશ અંબાણી પણ પોતાના ભાઇને મદદ નહીં કરી શકે તેવી સ્થિતિ સર્જાઇ ગઇ છે.

(12:00 am IST)
  • કર્ણાટક કોંગ્રેસના ફૂટ : કોંગ્રેસના વરિષ્ઠ નેતા અને વિધાનસભાના પૂર્વ અધ્યક્ષ કે. બી. કોલીવાડએ કહ્યું સિદ્ધારામૈયા અસલમાં કોંગ્રેસી નથી : સિદ્ધારામૈયા પોતાને પાર્ટીના બોસ મને છે પરંતુ તેઓના કારણે કોંગ્રેસનું ઘણું નુકશાન થયું access_time 11:15 pm IST

  • બીટકોઈન તોડ મામલો: CID ક્રાઇમની સૌથી મોટી કાર્યવાહી: નલિન કોટડીયા વિરુદ્ધ લુકાઆઉટ નોટિસ જારી: દેશભર ના એરપોર્ટને જાણ કરાઈ: નલિન કોટડીયાની મિલકત પણ કરાશે જપ્ત: બીટકોઈન કેસ માટે રચાયેલ SIT ની મળી મેગા મિટિંગ: CID ક્રાઇમના DG આશિષ ભાટિયાની અધ્યક્ષતામાં મળી મિટિંગ: DIG, SP, 2 DYSP, 2 PI, PSI અને સાયબર એક્સપર્ટ મિટિંગમાં હાજર: નવી એફ આઈ આર નોંધવા માટે ઘડાઈ રણનીતિ: ટૂંક સમયમાં CID કરી શકે છે નવો ધડાકો:નલિન કોટડીયા ના લોકેશન માટે પણ કરાઈ ચર્ચા access_time 12:19 am IST

  • કોંગી ધારાસભ્યને ઇડીના દરોડાની ધમકી અપાઇ : જેડીએસના મુખિયા કુમારસ્વામીનો ધડાકોઃ બેંગલુરૂના રિસોર્ટમાંથી ગુમ થયેલ કોંગી ધારાસભ્ય આનંદસિંઘને ''ઇડી''ના દરોડાની ધમકી આપવામા આવી હતી. access_time 4:26 pm IST