Gujarati News

Gujarati News

News of Thursday, 17th May 2018

વ્હોટ્સઅેપમાં નવા પાંચ ફીચર્સનો ઉમેરોઃ અેડમીન કંટ્રોલ, ગ્રુપ કેચઅપ, અેડમીન પરમીશન સહિતના ફીચર્સનો સમાવેશ

નવી દિલ્હીઃ ફેસબુકના સ્વામિત્વવાળા વોટ્સએપમાં સતત નવા ફીચર્સ અને અપડેટ જાહેર થઇ રહ્યા છે. વોટ્સએપનો યૂજર્સને સારા એક્સપીરિયંસ આપવાની જરૂર છે. ઇંસ્ટેંટ મેસેજિંગ એપે હવે વોટ્સએપ ગ્રુપ માટે કેટલાક નવા ફીચર લોંચ કર્યા છે. કંપનીએ એક આધિકારિક પોસ્ટમાં કહ્યું 'વોટ્સએપ એક્સપીરિયંસની વાત કરીએ તો એક મહત્વપૂર્ણ ભાગ છે, વાત ભલે દુનિયાભરમાં ફેલાયેલા ફેમિલી મેંબર્સ સાથે જોડાયેલી હોય અથવા પછી બાળપણના મિત્રો સાથે વર્ષો બાદ કનેક્ટ થવાની હોય. હવે નવા પ્રકારના વોટ્સએપ ગ્રુપ્સ જેમ કે સપોર્ટની શોધ કરી રહેલા નવા પેરેંટ્સ, ગ્રુપ સ્ટડી માટે વિદ્યાર્થીઓ અને કુદરતી આફતમાં રાહત પહોંચાડનાર લોકો પણ ગ્રુપ તરીકે સાથે આવી રહ્યા છે. આજકાલ આપણે તે સુધારાને શેર કરી રહ્યા છીએ જેમને આપણે ગ્રુપ્સ માટે બનાવ્યા છે. 

લોકપ્રિય મેસેજિંગ એપે વોટ્સએપ ગ્રુપમાં 5 નવા ફિચર એડ કર્યા છે. તેમાં ગ્રુપ ડિસ્ક્રિપ્શન, એડમિન કંટ્રોલ, ગ્રુપ કેચ અપ, પાર્ટિસિપેંટ સર્ચ અને એડમિન પરમિશન સામેલ છે. 

વોટ્સએપ યૂજર્સ પાસે હવે હંમેશા માટે ગ્રુપ છોડવાનો વિકલ્પ હશે. એટલે કે હવે ગ્રુપ છોડવા છતાં વારંવાર સામેલ કરવાની પરમિશનમાંથી મુક્તિ મળી જશે. આ ઉપરાંત જે યૂજરે ગ્રુપ બનાવ્યું છે, તેને ગ્રુપમાંથી હટાવી શકાશે. નવા અપડેટ બાદ યૂજર્સ સરળતાથી તે મેસેજને શોધી શકશે, જે ગ્રુપ કનવર્સેશનમાં મેંશન કરવામાં આવ્યું છે. 

તાજેતરમાં જ વોટ્સએપ દ્વારા પોતાના બિઝનેસ એપમાં એક નવું ફીચર એડ કરવાના સમાચાર આવ્યા હતા. વોટ્સએપ દ્વારા 'ચેટ ફિલ્ટર્સ' ફીચર આપવાના સમાચાર છે જેથી વોટ્સએપ બિઝનેસ એકાઉન્ટને જલ્દી સર્ચ કરી શકાશે.  

(12:00 am IST)
  • શપથ લેવા રાજભવન જઇ રહેલ યેદિયુરપ્પાના કાફલાને રોકવાનો અને હુમલાનો પ્રયાસઃ મોટો ખળભળાટઃ સંજયનગર વિસ્તારમાં કોંગ્રેસના કાર્યકરોએ આ કાફલા પર હુમલો કર્યો : (ઝી ન્યુઝનો અહેવાલ) access_time 10:57 am IST

  • બીટકોઈન તોડ મામલો: CID ક્રાઇમની સૌથી મોટી કાર્યવાહી: નલિન કોટડીયા વિરુદ્ધ લુકાઆઉટ નોટિસ જારી: દેશભર ના એરપોર્ટને જાણ કરાઈ: નલિન કોટડીયાની મિલકત પણ કરાશે જપ્ત: બીટકોઈન કેસ માટે રચાયેલ SIT ની મળી મેગા મિટિંગ: CID ક્રાઇમના DG આશિષ ભાટિયાની અધ્યક્ષતામાં મળી મિટિંગ: DIG, SP, 2 DYSP, 2 PI, PSI અને સાયબર એક્સપર્ટ મિટિંગમાં હાજર: નવી એફ આઈ આર નોંધવા માટે ઘડાઈ રણનીતિ: ટૂંક સમયમાં CID કરી શકે છે નવો ધડાકો:નલિન કોટડીયા ના લોકેશન માટે પણ કરાઈ ચર્ચા access_time 12:19 am IST

  • કર્ણાટક કોંગ્રેસના ફૂટ : કોંગ્રેસના વરિષ્ઠ નેતા અને વિધાનસભાના પૂર્વ અધ્યક્ષ કે. બી. કોલીવાડએ કહ્યું સિદ્ધારામૈયા અસલમાં કોંગ્રેસી નથી : સિદ્ધારામૈયા પોતાને પાર્ટીના બોસ મને છે પરંતુ તેઓના કારણે કોંગ્રેસનું ઘણું નુકશાન થયું access_time 11:15 pm IST