Gujarati News

Gujarati News

News of Saturday, 17th April 2021

દિલ્હીમાંથી શ્રમિક મજૂરોએ ઊચાળા ભરવાનું શરૂ કર્યું

કોરોના કહેરથી દિલ્હીમાં વિકેન્ડ લોકડાઉનની અસર : દિલ્હી અને નોઈડાને જોડતા એક્સપ્રેસ વે પર મજૂરની ભીડ છેલ્લા કેટલાક દિવસોથી દેખાવા માંડી

નવી દિલ્હી, તા. ૧૬ : મહારાષ્ટ્રની જેમ દિલ્હીમાં પણ વિક એન્ડમાં લોકડાઉન લગાવવાની જાહેરાત બાદ હવે રાજધાનીમાં પૂરેપુરુ લોકડાઉન લાગે તેવો ડર લોકોને લાગી રહ્યો છે અને તેની સૌથી વધારે અસર અન્ય રાજ્યોમાંથી આવનારા શ્રમિકો પર પડી રહી છે.

મહારાષ્ટ્રની જેમ હવે દિલ્હીમાંથી પણ પર પ્રાંતિય શ્રમિકોએ ઉચાળા ભરવાનુ શરુ કરી દીધુ છે. દિલ્હી અને નોઈડાને જોડતા એક્સપ્રેસ વે પર મજૂરની ભીડ છેલ્લા કેટલાક દિવસોથી દેખાવા માંડી છે. જરુરિયાતની વસ્તુઓ સાથે તેઓ પોતાના ગામડાઓ તરફ જવા માટે આતુર હોય તેમ દેખાઈ રહ્યુ છે.

બસોની રાહ જોતા આ લોકો કલાકો સુધી ઉભેલા નજરે પડે છે. આ લોકોમાં બિહાર, પશ્ચિમ બંગાળ જેવા રાજ્યોના શ્રમિકોનો સમાવેશ થાય છે. તેમને ડર છે કે, લોકડાઉન લાગુ થશે તો કામ તો નહીં મળે પણ ઘરે જવાના પણ ફાંફા પડી જશે. કારણકે ગયા વર્ષે લોકડાઉન દરમિયાન તેમને સેંકડો કિલોમીટર પગપાળા ચાલીને જવુ પડ્યુ હતુ.એટલે હવે તેઓ અત્યારથી જ દિલ્હી છોડીને ઘરે જવા માંગે છે અને આ માટે હાથમાં આવ્યુ તે વાહનનો તેઓ ઉપયોગ કરી રહ્યા છે.

(12:00 am IST)
  • બજાજ કંપનીએ ચેતક ઇલેક્ટ્રિક સ્કૂટરનું બુકીંગ બંધ કર્યું : 13 એપ્રિલના રોજ ગુડી પડવાને દિવસે શરૂ કરેલા બુકીંગનો ક્વોટા 48 કલાકમાં પૂરો : ઓનલાઇન બુકીંગ માટે બેંગ્લુરુ તથા પુણેમાંથી ભારે ધસારો જોવા મળ્યો : ફરીથી બુકિંગની તારીખ હવે પછી જાહેર કરશે access_time 8:21 pm IST

  • ૬૩ હજાર કેસો સાથે મહારાષ્ટ્ર દેશમાં કોરોના કેસમાં સતત પ્રથમ નંબરે: ઉત્તર પ્રદેશ ૨૭ હજાર અને દિલ્હી ૧૯ હજાર કેસ સાથે મોખરે રહેલ છે: પુણે ૧૧ હજાર અને મુંબઈ ૮૮૨૫: ગુજરાતમાં ૯ હજાર એ આંક પહોંચવા આવ્યો: એમપી ૧૧ હજાર, કર્ણાટક ૧૪ હજાર અને છત્તીસગઢ ૧૫ હજાર કેસ સાથે હાહાકાર મચાવે છે access_time 11:04 am IST

  • આજે રાજકોટ શહેર - જિલ્લામાં કોરોના સંક્રમણમાં આંશિક રાહત : આજે સાંજ સુધીમાં રાજકોટ શહેરમાં 412 અને ગ્રામ્યના 82 કેસ સાથે કુલ 494 નવા કોરોના ના કેસ નોંધાયા access_time 8:09 pm IST