Gujarati News

Gujarati News

News of Tuesday, 17th April 2018

રાઇએ લોન્ચ કર્યું નવું પોર્ટલ :ગ્રાહકો બધા ટેરિફ પ્લાનની કરી શકશે તુલના

ટેલીકોમ રેગ્યુલેટરી ઓથોરિટી ઓફ ઇન્ડિયા (TRAI) નવું પોર્ટલ લોન્ચ કર્યું છે. પોર્ટલ દ્વારા ગ્રાહકો દેશના ટેલીકોમ ઓપરેટર્સના બધા ટેરીફ પ્લાનની તુલના કરી શકે છે.TRAI ટેરીફ પ્લાન્સમાં પારદર્શિતા લાવવાની કોશિશ કરી રહી છે અને પગલું કારણે લેવામાં આવ્યું છે. હાલમાં પોર્ટલ બીટા સ્ટેજ પર છે.

  ટેલિકોમ રેગ્યુલેટરી ઓથોરિટી ઓફ ઇન્ડિયા (TRAI) જણાવ્યું હતું કે, પોર્ટલ અંગે જાહેર જનતા અને લાગતા-વળગતા હિતધારકો પાસેથી અભિપ્રાયો મંગાવવામાં આવ્યા છે અને આખરે પોર્ટલ પર તમામ સર્કલ માટે ઉપલબ્ધ તમામ ટેરિફ પ્લાનની માહિતી હશે.

   TRAIના સેક્રેટરી સુનિલ ગુપ્તાએ જણાવ્યું હતું કે, પોર્ટલના દેખાવ, અનુભવ અને ઉપોયોગ કરવા અંગે પ્રતિભાવ આપવા અમે ગ્રાહકો અને હિતધારકોને ૧૫ દિવસનો સમયગાળો આપ્યો છે, ત્યાર બાદ સર્વિસ અન્ય તમામ સર્કલ સુધી વિસ્તારવામાં આવશે.

  પોર્ટલનું બીટા વર્ઝન નિયમિત ટેરિફ, સ્પેશિયલ ટેરિફ વાઉચર, પ્રમોશનલ ટેરિફ અને વેલ્યૂ-એડેડ સર્વિસ પેક સહિતની વિગતો બતાવશે, પરંતુ હાલના તબક્કે સુવિધા દિલ્હી સર્કલ પૂરતી સીમિત છે.

  TRAI સોમવારે એક નિવેદનમાં જણાવ્યું હતું કે, TRAI એક્ટ,1997 મુજબ અમારા માટે પારદર્શકતા સૌથી મહત્ત્વની બાબત છે. ટેલિકોમ સર્વિસ પ્રોવાઇડર્સ અત્યારે તેમની વેબસાઇટ્સ પર ટેરિફ દર્શાવે છે.

(1:24 am IST)
  • અમદાવાદ:રાજ્યના પુર્વ ઇન્ચાર્જ DGP પી.પી.પાન્ડેની પાસપોર્ટ પરત આપવાની અરજી CBI કોર્ટે માન્ય રાખી: CBI કોર્ટે 2 મહિના માટે પાન્ડેને પાસપોર્ટ પરત કરવા કર્યો આદેશ: પી.પી.પાન્ડેએ USA જવા માટે પરત માગ્યો હતો પાસપોર્ટ access_time 1:28 am IST

  • મોર્ગન સ્ટેનલીની આગાહી :2019માં મોદીનો ભવ્ય વિજય થશે અથવા કોંગ્રેસ બાજી મારશે જે પણ પરિણામ આવે શેરબજાર ઝળહળતું રહેશે :સેન્સેક્સ 41500ને સ્પર્શશે access_time 10:50 pm IST

  • આઈડિયા સેલ્યુલર મોબાઈલના વિસ્તાર માટે આદિત્ય બીઓર્લાં ગ્રુપ 1 બિલિયન ડોલર 7000 કરોડ ઉભા કરશે access_time 10:50 pm IST