Gujarati News

Gujarati News

News of Tuesday, 17th April 2018

ડો. તોગડિયા સાથે હાર્દિક પટેલે હાથ મિલાવ્યાઃ નવા સમીકરણો ?

હાર્દિકના પિતા પ્રતિનિધીરૂપે ઉપવાસ આંદોલનમાં જોડાયાઃ વિહિપના પૂર્વ આંતરરાષ્ટ્રીય પ્રમુખ લડી લેવાના મુડમાં: નવા સંગઠનની રચના નિશ્ચિત

અમદાવાદ તા.૧૭: વીએચપીમાંથી ડો. પ્રવિણ તોગડિયાની હાકલપટ્ટી બાદ તોગડિયાએ અમદાવાદમાં ઉપવાસ આંદોલન કર્યા છે. ત્યારે હાર્દિકે તેમના ઉપવાસને સમર્થન જાહેર કર્યુ છે. ઉપરાંત તોગડિયાના ઉપવાસ સ્થળે હાર્દિકના પિતા પણ હાજર રહેશે ત્યારે હવે ગુજરાતના રાજકારણમાં ભાજપ સામે લડવા માટે હાર્દિક અને તોગડિયા એક થઇ રહ્યા છે. જેના લીધે આગામી ૨૦૧૯ની ચૂંટણીમાં ભાજપને મોટો ફટકો પડે તેવી શકયતા સેવાઇ રહી છે. ડો. તોગડિયાની વીએચપીમાંથી હકાલપટ્ટી બાદ ગુજરાતનું રાજકારણ એક નવા જ વળાંકે આવીને ઉભું છે. આગામી દિવસોમાં હિન્દુ પાટીદાર સમાજના આગેવાન એવા ડો. તોગડિયા અને પાટીદાર અનામત આંદોલનના નેતા હાર્દિક પટેલ એક થઇને ૨૦૧૯ની ની લોકસભા ચૂંટણી માટેની નવી વ્યુહરચના ઘડી રહ્યા છે તેવી ચર્ચા છે. આમ બીજેપી સામે હિન્દુત્વ અને પાટીદારનું સામાજિક અને રાજકિય કાર્ડ રમાશે. તે નિશ્ચિતબન્યું છે. ખાસ કરીને આ બંને નેતાઓ ભાજપની વિરૂધ્ધમાં હોવાથી પાછલા બારણે કોંગ્રેસનો સાથ લઇ આગળ વધે એ દિશામાં નવું સમિકરણ રચાઇ રહ્યું છે હોવાનું મનાય છે. ડો. તોગડિયા અને હાર્દિકના સંબંધો સારા રહ્યા છે. હાર્દિકના આંદોલન સમયે તોગડિયાએ પડદા પાછળ રહીને પાટીદાર અનામત આંદોલનને ટેકો આપ્યો હતો. તેવી વાત છે. માત્ર એટલું જ નહીં ડો. તોગડિયાને જે મુશ્કેલીઓ નડી તે દરમિયાન હાર્દિક પટેલ તેની પડખે રહ્યો હતો. ડો. તોગડિયા આમરણાંત ઉપવાસની સાથે નવા સંગઠનની રચનાની દિશામાં આગળ વધવાના છે. ત્યારે હાર્દિક પટેલ પણ તેમના આ નિર્ણય સાથે રહે તેવી શકયતા છે. વિશ્વ હિન્દુ પરિષદના અધ્યક્ષની ચૂંટણીમાં  ડો. તોગડિયા ગ્રુપના પરાજય થયા બાદ તેમણે ૧૭ એપ્રિલે અમદાવાદમાં ઉપવાસ પર બેસવાની જાહેરાત કરી હતી. પહેલાં આ ઉપવાસ કાર્યક્રમ બત્રીસી હોલમાં રાખવાનું આયોજન કરવામાં આવ્યું હતું. પરંતુ અચાનક જ ઉપવાસ સ્થળ બદલાયું છે.

વીએચપીમાંથી પ્રવિણ તોગડિયાની હકાલપટ્ટી બાદ ભાજપ સામે લડવા તોગડિયા અને હાર્દિક પટેલ હાથ મિલાવશે તેવા અહેવાલ હતા. આ અંગે પાટીદાર અનામત આંદોલનના નેતા હાર્દિક પટેલને પૂછતા તેણે જણાવ્યું હતું કે પ્રવિણ તોગડિયા ઉપવાસ આંદોલનને મારૂ સમર્થન છે પરંતુ તેમના ઉપવાસના સ્થળે હું નહીં જાઉં. હા  મારા પિતા ત્યાં જરૂર જશે. વધુમાં તોગડિયા સાથે મળીને ભાજપ સામે લડવાનો નિર્ણય કર્યો હોવા અંગે પૂછેલ પ્રશ્નના જવાબમાં હાર્દિકે જણાવ્યું હતું કે સમય આવશે ત્યારે બધુ સ્પષ્ટ થઇ જશે.(૧.૨)

(11:33 am IST)
  • પ્રમોશન -બઢતીમાં દલિત/એસટી ક્વોટમાં માટે સરકાર સુપ્રીમ કોર્ટમાં જશે તેમ એક કેન્દ્રીય પ્રધાને કહ્યું છે access_time 10:50 pm IST

  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST

  • મોર્ગન સ્ટેનલીની આગાહી :2019માં મોદીનો ભવ્ય વિજય થશે અથવા કોંગ્રેસ બાજી મારશે જે પણ પરિણામ આવે શેરબજાર ઝળહળતું રહેશે :સેન્સેક્સ 41500ને સ્પર્શશે access_time 10:50 pm IST