Gujarati News

Gujarati News

News of Tuesday, 17th April 2018

ચંદ્રાબાબુ નાયડુના ૨૦મીના ઉપવાસ પર ભાજપ અને વાયએસઆર કોંગ્રેસની પસ્તાળ

અમરાવતી તા. ૧૭ : આંધ્રપ્રદેશને વિશેષ દરજ્જો અપાવવા માટે મુખ્યમંત્રી ચંદ્રાબાબુ નાયડુએ ૨૦ એપ્રિલના દિવસે ઉપવાસ પર બેસવાનું એલાન કર્યું છે જેની ભાજપ તથા વાયએસઆર કોંગ્રેસે ટીકા કરી છે.

ખાસ યોજેલી પત્રકાર પરિષદમાં ભાજપ સ્ટેટ પ્રેસિડેન્ટ કમ્ભામપતી હરિબાબુ અને વાયએસઆરસી પોલિટિકલ અફેર્સ કમિટી સભ્ય અંબાતી રામબાબુએ મુખ્યમંત્રી ચંદ્રાબાબુ નાયડુની ઉપવાસની જાહેરાતને વખોડી હતી. ચંદ્રાબાબુ નાયડુએ એપ્રિલ ૧૨ના રોજ દેશના વડા પ્રધાન નરેન્દ્ર મોદીના ઉપવાસને વખોડ્યા હતા અને પોતે ઉપવાસનો બહિષ્કાર કર્યો હતો.

બીજેપીના હરિબાબુએ ટીકાત્મક સૂરમાં જણાવ્યું હતું કે વડા પ્રધાનના ઉપવાસને ચંદ્રાબાબુએ વખોડ્યા હતા, ત્યારે હવે પોતે ઉપવાસ પર બેસવાની વાત કરી લોકોને ગેરમાર્ગે દોરી રહ્યા છે. ચંદ્રાબાબુએ સિંગાપોરમાં એક કાર્યક્રમમાં ભારતના વડા પ્રધાન નરેન્દ્ર મોદીની ટીકા કરી હતી. નાયડુના આ વલણને પણ હરિબાબુએ વખોડ્યું હતું. તેમણે સ્પષ્ટપણે જણાવ્યું હતું કે વિદેશની ધરતી પર દેશના વડા પ્રધાનની ટીકા સમગ્ર દેશનું અપમાન છે. નાયડુએ ભાતની ગરિમાને લાંછન લગાડ્યું છે. ભાજપ જેનો ઉગ્ર વિરોધ નોંધાવે છે.

વાયએસઆરના રામબાબુએ પણ ચંદ્રાબાબુની વારંવાર યુટર્ન લેવાની (વાતથી ફરી જવાની) ટેવની આકરી નીંદા કરી હતી.(૨૧.૮)

(10:13 am IST)
  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST

  • દૂબઇની રાજકુમારી ગાયબઃ શાસક શેખ મહમ્મદ બિન રાશિદ અલ મખ્તુમની દીકરી શેખ લાતિફાએ સામાન્ય છોકરીની જેમ જીવવાનું એલાન કર્યુ હતું: દૂબઇથી ભાગેલી લાતિફા અરબ સાગરમાં એક નાવમાંથી પકડાઇ હતીઃ મારપીટ કરીને દૂબઇ લાવવામાં આવી હતીઃ લાતિફાના મિત્રો કહે છે, તે ફરી જોવા મળી નથી access_time 3:46 pm IST

  • મોર્ગન સ્ટેનલીની આગાહી :2019માં મોદીનો ભવ્ય વિજય થશે અથવા કોંગ્રેસ બાજી મારશે જે પણ પરિણામ આવે શેરબજાર ઝળહળતું રહેશે :સેન્સેક્સ 41500ને સ્પર્શશે access_time 10:50 pm IST