News of Tuesday, 17th April 2018

ઉજૈનનાં મહાકાલ બાબાના મંદિરના ગર્ભગૃહમાં એલઇડી લાગી : એક્સપર્ટ કમિટીએ મંદિર સમિતિને આપ્યા સૂચનો

 

ઉજૈન :જ્યોતિર્લિંગનો ક્ષય થવા બાબતે સુપ્રીમ કોર્ટમાં અરજી દાખલ કરાઈ હતી ક્ષયનું કારણ જાણવા માટે અને તેને રોકવાના ઉપાય માટે બનાવાયેલ એક્સપર્ટ ચારવાર મંદિરની મુલાકાત લઈને અનેક તપાસ કરી હતી અને મંદિર સમિતિને અનેક સૂચનો આપ્યાં હતાં. જેમાંથી એક સૂચન મંદિરના તાપમાનને નિયંત્રિત કરવાનું પણ હતું. સૂચનના કારણે બાર જ્યોતિર્લિંગમાંથી એક એવું મહાકાલ બાબાના મંદિરના ગર્ભગૃહમાં નવી એલઈડી લાઈટો લગાવવામાં આવી રહી છે ટૂંક સમયમાં મહાકાલ બાબાનો દરબાર દૂધિયા રોશનીથી ઝળહળી ઉઠશે.

   મંદિર સહાયક પ્રશાસક સતીશ વ્યાસે જણાવ્યું કે ગર્ભગૃહમાં એલઈડી લગાવવામાં આવી રહી છે. જેનાથી ઉર્જા બચત થશે અને તાપમાન પણ નિયંત્રણમાં રહેશે. વર્તમાનમાં ગર્ભગૃહમાં 60 વોટના ચાર અને 18 વોટની 15 સીએફએલ લાઈટ લાગી છે. તેના સ્થાને 15 વોટની એલઈડી લગાવવામાં આવી રહી છે.

   સીએફએલ (કોમ્પેક્ટ ફ્લોરેસન્ટ લાઈટ) 8 હજાર કલાક સુધી ચાલી શકે છે. એલઈડી (લાઈટ એમિટિંગ ડાયોડ) 50 હજાર કલાક સુધી કામ આપે છે. 60 વોટના સામાન્ય બલ્બ જેટલી રોશની મેળવવા માટે 6થી 8 વોટની એલઈડી પૂરતી હોય છેજ્યારે 60 વોટની બલ્બ જેટલી રોશની માટે 15 વોટનો સીએફએલ બલ્બ લગાવવો પડે છે. એલઈડીથી ઉર્જા બચત થાય છે. સીએફએલની સરખામણીએ તેનાથી ઓછી ગરમી થાય છે. જેથી સંબંધિત સ્થાનના તાપમાનમાં પણ અંતર આવે છે.

   ડેપ્યુટી એડમિનિસ્ટ્રેટિવ પ્રીતિ ચૌહાણે જણાવ્યું કે એક્સપર્ટ કમિટિએ ગર્ભગૃહનું તાપમાન 20 ડિગ્રીથી ઓછું રાખવાનું સૂચન આપ્યું હતું. જેને જોતાં સીએફએલના બદલે એલઈડી લગાવવાનો નિર્ણય લેવામાં આવ્યો છે. ગર્ભગૃહમાં ઠંડક પ્રસરી રહે તે માટે પહેલાથી એરકુલિંગ સિસ્ટમ લગાવાઈ છે.

(12:00 am IST)
  • આરજેડી પ્રમુખ લાલૂ પ્રસાદ યાદવની મુશ્કેલી ઓછી થવાનું નામ લેતી નથી. ચારા કૌભાંડમાં સજા કાપી રહેલા લાલૂ યાદલ માટે ચૂંટણી પંચે તેની પાર્ટી વિરૂદ્ધ નોટિસ જારી કરતા પાર્ટીની માન્યતા રદ્દ કરવાની ચેતવણી આપી છે. મહત્વનું છે કે, આરજેડીએ વર્ષ 2014/15નું પાર્ટીનો ઓડિટ રિપોર્ટ ચૂંટણી પંચમાં જમા કરાવ્યો નથી. access_time 4:00 am IST

  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • કાશ્મીરમાં શંકરાચાર્યજીના સ્થાનક શારદા પીઠની અવદશા : પાકિસ્તાન કબ્જા હેઠળના કાશ્મીરમાં આવેલ નીલમ વેલીમાં શંકરાચાર્યજીની મૂળ પીઠ મનાતી શારદા પીઠના અવશેષોની હાલત જોઈ કોઈપણ હિન્દુનો જીવ ઉકળી ઉઠે છે, ચીનના બૌદ્ધ સાધુ શીયાન ઝેંગે ૭મી સદીમાં આ ભવ્ય સ્થળની મુલાકાત લઈ નોંધ લખી છે, ઈન્ડીયાહીસ્ટ્રીપીકના ટ્વીટર હેન્ડલ ઉપર આ વિગતો મુકાયેલ છે access_time 12:50 pm IST