News of Tuesday, 17th April 2018

વોટ્સએપમાં ડીલીટ થયેલ ફોટો-વિડિઓ ફરી ડાઉનલોડ કરી શકાશે :યુઝર્સને મળશે નવી સુવિધા

વોટ્સએપમાં ડીલીટ થયેલ ફોટો કે વિડિઓ હવે ફરીવાર સ્ટોર કરી શકાશે હવે ટ્સએપ પર જો કોઈ મીડિયા ફાઈલ ભૂલથી ડિલીટ  થઈ ગયેલી ફાઈલ ફરી રીસ્ટોર કરવામાં આવે. હવે વોટ્સએપ પોતાના યુઝર્સને સુવિધા આપવા જઈ રહી છે.

    હવે WhatsApp યુઝર્સ ડિલીટ કરાયેલા ફોટો, વીડિયો વગેરે ફાઈલ ડાઉનલોડ કરી શકશે. પહેલા કંપની વોટ્સએપ પર શૅર કરાયેલા ફોટો, GIFs, વીડિયો, ડોક્યૂમેન્ટ, ઓડિયો ક્લિપ વગેરેને પોતાના સર્વર પર 30 દિવસ સુધી સ્ટોર કરીને રાખતી હતી પરંતુ થોડા દિવસો પહેલા વોટ્સએપે આવું કરવાનું બંધ કર્યું હતું. હવે કંપનીએ ફરીથી સર્વર પર ડેટા સ્ટોર કરવાનું ચાલું કર્યું છે.

    ફીચર યુઝર્સને WhatsAppના એન્ડ્રોઈડ અપડેટ 2.18.113માં મળશે. અત્યાર સુધીમાં દરેક યુઝર્સને અપડેટ મળી નથી. જો તમને પણ અપડેટ નથી મળ્યું તો થોડી રાહ જોવી પડશે. સૌથી પહેલા પોતાની એપ્લિકેશનને અપડેટ કરો. હવે વોટ્સએપના સેટિંગ્સમાં જઈને નીચે આવતાં હેલ્પ ઓપ્શનને સિલેક્ટ કરો. ઓપ્શન સિલેક્ટ કરતાં નવા ઓપ્શન સામે આવશે. હવે એપ ઈન્ફો પર ક્લિક કરો. અહિ ક્લિક કરીને તમે જોઈ શકો છો કે તમે વોટ્સએપનું કયું વર્ઝન વાપરો છો.

   જો તમે પણ ડિલીટ થયેલા ફોટો, વિડીયો, ઓડિયો ફાઈલ અને ડોક્યુમેન્ટ ફરીથી ડાઉનલોડ કરવા ઈચ્છો છો તો ચેટમાં જાઓ જે ચેટની મીડિયા ફાઈલ તમારે ડાઉનલોડ કરવાની છે. તે યુઝરના નામ પર ટેપ કરો. હવે યુઝરના નામ નીચે Media લખેલું દેખાશે. અહિ તે ફાઈલ પણ જોવા મળશે. જે તમે ડિલીટ કરી છે. હવે જે ફાઈલને ડાઉનલોડ કરવા ઈચ્છો છો તે ફાઈલ ડાઉનલોડ કરી લો.

એન્ડ્રોઈડ યુઝરને સુવિધા જલદી મળશે પરંતુ ફીચરનો લાભ લેવા માટે એપલ યુઝર્સને હજુ થોડી વધારે રાહ જોવી પડશે. ફીચરની મદદથી યુઝર્સ બે મહિના કરતાં વધારે જૂની ફાઈલોને પણ ડાઉનલોડ કરી શકશે.

(12:00 am IST)
  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST

  • સુરતમાં બાળકીના રેપ & મર્ડર કેસમાં પોલીસને આંશિક સફળતા મળી હોય તેમ લાગી રહ્યું છે. આંધ્ર પ્રદેશના દંપતિએ આ 11 વર્ષની બાળકી પોતાની દીકરી હોવાનો દાવો કર્યો છે. જોકે પોલીસે ખાતરી માટે પિતાના અને બાળકીના DNA સેમ્પલ લઈને તપાસ માટે મોકલી દીધા છે. access_time 10:17 pm IST

  • દેશનો બેકારી આંક એપ્રિલમાં 6,75 ટકા જેવો સર્વોચ્ચ સપાટીએ પહોંચશે access_time 10:50 pm IST