News of Monday, 16th April 2018

રિલાયન્સ જીયોનો ટીવીની દુનિયામાં ધમાકો :માત્ર 2 રૂપિયામાં HD ચેનલ બતાવશે

યૂઝર્સને 200 SD અને HD ચેનલ માત્ર 400 રૂપિયા પ્રતિ મહિનામાં દેખાડશે.

મુંબઈ :મોબાઇલ ઇન્ડસ્ટ્રીમાં ધમાકેદાર એન્ટ્રી કર્યા પછી રિલાયન્સ જિયો હવે ટીવીની દુનિયામાં ધમાકો કરવા તૈયારી કરી રહી છે  આ સિવાય રિલાયન્સ કંપની બ્રોડબેન્ડ આપવાની તૈયારીમાં છે રિલાયન્સ  જિયો ટૂંક સમયમાં DTH સેટ ટૉપ બોક્સ અને ઇન્ટરનેટ પર આધારિત IPTV લોન્ચ કરી શકે છે. જોકે કંપની તરફથી સત્તાવાર રીતે કોઇ પણ માહિતી આપવામાં આવી નથી.

   અહેવાલ મુજબ  રિલાયન્સ જિયો હવે નવી સર્વિસ પર કામ કરી રહી છે અને તે Jio Home Tv છે.

એક રિપોર્ટ અનુસાર, Jio Home Tv યૂઝર્સને 200 SD અને HD ચેનલ માત્ર 400 રૂપિયા પ્રતિ મહિનામાં દેખાડશે. એટલે કે કંપની 2 રૂપિયામાં HD ચેનલ બતાવશે. પ્લાનમાં માય જિયો એપમાં એડ કરી દેવામાં આવ્યા છે. જોકે હજુ તે અંગે સ્પષ્ટતા નથી કે JioHomeTV સર્વિસ DTH સેટ ટૉપ બોક્સ સર્વિસની જગ્યા લેશે કે પછી એક અલગ જ સર્વિસ હશે.

   જિયો ટીવીને લઇને પહેલા પણ ઘણી ચર્ચા થઇ ચૂકી છે કે જિયો પોતાની ટીવી સર્વિસ ઇન્ટરનેટની મદદથી આપશે, તેની ટેસ્ટિંગ ચાલી રહી છે. ઘણી વખત જિયોના સેટ ટૉપ બોક્સની ફોટો પણ સામે આવી છે, થોડા સમય પહેલા જિયો બ્રોડકાસ્ટ એપને ગૂગલ પ્લે સ્ટોરમાં જોવા મળી હતી, જેમાં હતુ કે જિયો HD ક્વૉલિટી ની સ્ટ્રીમિંગ જિયો બ્રોડકાસ્ટ સર્વિસ આપશે
 ગત વર્ષે જિયોએ કહ્યુ હતુ કે તેઓ ભારતમાં eMBMS બ્રોડકાસ્ટ સ્ટ્રીમિંગ આપશે, જોકે કંપની હાલમાં તેની પર કામ કરી રહી છે.

તમને જણાવી દઇએ કે, તાજેતરમાં એવી ચર્ચા હતી કે રિલાયન્સ જિયો એવું લેપટૉપ લાવવાની તૈયારીમાં કરી રહી છે, જેમાં મોબાઇલની જેમ સિમ કાર્ડ લગાવી શકાશે, એટલે કે ઇન્ટરનેટ ચલાવવા માટે અલગથી ડેટા કાર્ડ અથવા તો WIFI કનેક્શનની જરૂર નહી પડે. રિલાયન્સ જિયો અમેરિકન કંપની ક્વાલકૉમની સાથે મળીને એવું લેપટૉપ લાવવાની તૈયારી કરી રહી છે આ લેપટોપ વિન્ડોઝ 10 પર કામ કરશે.

(10:16 pm IST)
  • મધ્યપ્રદેશમાં જાનૈયાને લઇ જતો મીની ટ્રક સોનનદીમાં 100 ફૂટ ઊંડે ખાબકતા 20ના મોત ;30 ઘાયલ :સીધી જિલ્લામાં દુર્ઘટના:સોનનદીના પુલનું ડિવાઈડર તોડીને ટ્રક ખાબક્યો :જિલ્લાના ઉચ્ચ અધિકારીઓ પહોંચ્યા :રાહત-બચાવકાર્ય શરૂ :મીની ટ્રક જિલ્લાના બાહરી થાણા ક્ષેત્ર અમેલિયા નજીક પુલ પરથી 100 ફૂટ ઊંડે પડ્યો :ગેસ કટરથી કાપીને ફસાયેલ લોકોને બહાર કાઢયા access_time 1:42 am IST

  • દેશનો બેકારી આંક એપ્રિલમાં 6,75 ટકા જેવો સર્વોચ્ચ સપાટીએ પહોંચશે access_time 10:50 pm IST

  • જમ્મુ-કાશ્મીરના શોપિયાંમાં પોલીસ સ્ટેશન ઉપર આતંકવાદી ઓનો હૂમલોઃ ફાયરીંગઃ સર્ચ ઓપરેશન ચાલુઃ ત્રાસવાદી ઓ રફૂચક્કરઃ સંખ્યાબંધ રાઉન્ડ ગોળીબાર કર્યાઃ કોઇને ઇજા નથી લશ્કરની ઘેરાબંદીઃ જો કે સત્તાવાર રીતે પોલીસ ઇન્કાર કરી રહી છેઃ તેમણે કહ્યું કે છત ઉપરથી પથ્થરો પડવાના અવાજને ફાયરીંગ થયાનું સમજી લેવાયેલઃ ગઇકાલે જમ્મુના કઠુઆમાં પણ ર ભેદી આતંકીઓ નજરે પડતા સુરક્ષા વ્યવસ્થા આકરી કરી દેવાયેલ છે access_time 11:21 am IST