Gujarati News

Gujarati News

News of Tuesday, 17th April 2018

ઉંદરોના કારણે આગ્રાનું બિલ્ડિંગ ધરાશાયીઃ જુના વિસ્‍તારોમાં ઉંદરોનો ભારે ત્રાસ

આગરાઃ મહાકામેશ્વરના મંદિર પાસે એવી કેટલીય બિલ્ડિંગ્સ છે જે ઉંદરોને કારણે પરેશાન હોય. વિસ્તારોમાં વ્યાપારી વર્ગની કેટલીય બિલ્ડિંગ્સ છે. અહીં હંમેશાથી ઉંદરનો ત્રાસ વધુ છે. છેલ્લા કેટલાક સમયથી ઉંદરોની વસતીમાં પણ વધારો થયો છે. બિલ્ડિંગ પડવાનું મુખ્ય કારણ હતું કે ઉંદરોએ વર્ષોથી બિલ્ડિંગમાં દર બનાવી રાખ્યા હતાં. જેને કારણે બિલ્ડિંગનો પાયો નબળો પડી ગયો હતો.

શનિવારે આગ્રામાં ભારે વરસાદ થયો હતો. જેને કારણે વરસાદનું પાણી ઘરની નીચે બનેલાં દરમાં ઘૂસી ગયું હતું. કમજોર પાયામાં પાણી ઘૂસવાથી ખતરો હોવાનો બિલ્ડિંગના માલિક સુધીર કુમાર વર્માને પહેલેથી અંદાજો થઇ ગયો હતો. જેથી તેમણે પરિવાર સહિત ઘર ખાલી કરી દીધું હતું. કેટલાક કલાકો બાદ બિલ્ડિંગ જમીનદોસ્ત થઇ ગઇ હતી. ઘટના કેમેરામાં કેદ થઇ ગઇ હતી અને આગની જેમ સોશિયલ મીડિયામાં વીડિયો વાયરલ થઇ ગયો.

વર્મા જણાવી રહ્યા છે કે, ‘બિલ્ડિંગના પાયાને નુકસાન થતાં બચાવવા માટે અને ઉંદરોથી છૂટકારો મેળવવા માટે બહુ પ્રયત્નો કર્યા પણ કંઇ કામ આવ્યું. તાજેતરમાં થયેલ વરસાદ અને તેજ પવનોને કારણે દિવાલોમાં પણ તીરાડો પડી ગઇ હતી. અમને ખ્યાલ આવી ગયો હતો કે ખતરનાક સ્થિતિ છે પણ આવી રીતે બિલ્ડિંગ પડી જશે તે અંદાજો પણ હતો.’ આગરાના મેયર નવીન જૈને કહ્યું કે, શહેરના જૂના વિસ્તારોમાં ઉંદરોની મોટી સમસ્યા છે અને ઘરોના પાયા નબળા થઇ ગયા છે. સમસ્યાના સમાધાન માટે કાઉન્સલર્સ અને અધિકારીઓને મળીશ.

(7:28 pm IST)
  • દેશનો બેકારી આંક એપ્રિલમાં 6,75 ટકા જેવો સર્વોચ્ચ સપાટીએ પહોંચશે access_time 10:50 pm IST

  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • આરજેડી પ્રમુખ લાલૂ પ્રસાદ યાદવની મુશ્કેલી ઓછી થવાનું નામ લેતી નથી. ચારા કૌભાંડમાં સજા કાપી રહેલા લાલૂ યાદલ માટે ચૂંટણી પંચે તેની પાર્ટી વિરૂદ્ધ નોટિસ જારી કરતા પાર્ટીની માન્યતા રદ્દ કરવાની ચેતવણી આપી છે. મહત્વનું છે કે, આરજેડીએ વર્ષ 2014/15નું પાર્ટીનો ઓડિટ રિપોર્ટ ચૂંટણી પંચમાં જમા કરાવ્યો નથી. access_time 4:00 am IST