Gujarati News

Gujarati News

News of Monday, 16th April 2018

કઠોળના ખેડૂતો દેશભરમાં લૂંટાય છે : ભાજપ સરકાર મૂક પ્રેક્ષક

મુંબઈ : દેશભરમાં હાલ કઠોળના ખેડૂતોની ઉઘાડી લૂંટ થઈ રહી છે. મોદી સરકારની અપીલને ધ્યાનમાં રાખીને દેશભરના ખેડૂતો છેલ્લા બે વર્ષથી કઠોળનું બમ્પર ઉત્પાદન મેળવી રહ્યા છે પણ કઠોળના ખેડૂતોને ખુદ સરકારે નક્કી કરેલા ભાવ પણ ખુલ્લા બજારમાં મળતા નથી. સરકાર દ્વારા નાફેડ મારફત કઠોળની જંગી ખરીદી કરવામાં આવે છે પણ આ ખરીદીમાં બેફામ ભ્રષ્ટાચાર ચાલતો હોય ખેડૂતોને આ ખરીદીનો કોઈ લાભ મળતો ન હોવાની વ્યાપક ફરીયાદ થઈ રહી છે. મહારાષ્ટ્રમાં તુવેરની ખરીદીમાં વ્યાપક ભ્રષ્ટાચાર થયાનું ખુલ્યા બાદ કો-ઓપરેટીવ સોસાયટીના જનરલ મેનેજરની પણ ધરપકડ કરવામાં આવી હતી. આવા જ ભ્રષ્ટાચાર દરેક સેન્ટરમાં ચાલતો હોવાની ફરીયાદ થઈ રહી હોવાનું કોમોડીટી વર્લ્ડના હેવાલ જણાવે છે.

અહીં બતાવેલા કોઠામાં હાલ સરકારે નક્કી કરેલા ટેકાના ભાવ કરતા સાડા છ ટકાથી અઠ્ઠાવીસ ટકા નીચા ભાવ ખુલ્લા બજારમાં ચાલી રહ્યા છે. સરકારનો દાવો છે કે નાફેડ અને તેની સહયોગી સંસ્થાઓએ અત્યાર સુધીની સૌથી વધુ એટલે કે વિક્રમી કઠોળની ખરીદી કરી છે પણ આ ખરીદીનો લાભ ખેડૂતોને કેટલો મળ્યો? તે વિશે બધા જ મૌન છે.

સૌથી નવાઈની વાત એ છે કે ભાજપ સરકાર જયારે સત્તા પર આરૂઢ થઈ ત્યારથી ખેડૂતોને તેમની પડતર કિંમત પર ૫૦ ટકા નફો આપવાની મોટી મોટી વાતો થતી રહી છે અને હવે ખેડૂતોને દોઢી કિંમત આપવાનો લક્ષ્યાંક નક્કી કરાયો છે અને તેને વિશે મોટી વાતો કરાય છે પણ ખુદ સરકારે નક્કી કરેલા ભાવ પણ ખેડૂતોને ખુલ્લા બજારમાંથી સરકાર અપાવી શકતી નથી ત્યારે દોઢી કિંમત મળશે કે કેમ? તે વિશે શંકા - કુશંકાઓ થઈ રહી છે.

સરકારી ખરીદીમાં ખેડૂતોને સૌથી મોટી મુશ્કેલી એ છે કે કોઈ પણ કૃષિ જણસ વેચ્યા બાદ ખેડૂતોના એકાઉન્ટમાં નાણા કયારે આવશે? તેના વિશે ભારે અનિશ્ચિતતા પ્રવર્તે છે. ગુજરાતમાં સરકારે મગફળીની ખરીદી કર્યાને ચાર પાંચ મહિનાઓ થયા છતાં હજુ સુધી અનેક ખેડૂતોને નાણા મળ્યા નથી. આ મુશ્કેલીને કારણે ખેડૂતો સરકારી એજન્સીને પોતાની જણસ વેચતા નથી. કેટલાક વચેટીઓ અને રાજકારણીઓ ખેડૂતોને રોકડા નાણા આપીને સસ્તામાં જણસ લૂંટીને સરકારી એજન્સીને ઉંચા ભાવે વેચીને મલાઈ તારવી રહ્યા છે. આ રીતે મલાઈ તારવવાનો નવો બિઝનેસ  મોટેપાયે ફુલી રહ્યો છે જેને કારણે ખેડૂત લૂંટાઈ રહ્યો છે અને સરકાર પર જોડા વરસી રહ્યા છે.

કઠોળના બજાર ભાવ અને ટેકાના ભાવ વચ્ચેનો તફાવત

કઠોળ

સરકારનો

ટેકાનો ભાવ

હાલનો બજાર

ભાવ

તફાવત

ચણા

રૂ.૪૪૦૦

રૂ.૩૭૦૦

રૂ.૮૦૦

તુવેર

રૂ.૫૪૫૦

રૂ. ૪૨૭૫

રૂ.૧૧૭૫

અડદ

રૂ.૫૪૦૦

રૂ. ૩૮૫૦

રૂ. ૧૫૫૦

મગ

રૂ.૫૫૭૫

રૂ. ૫૨૦૦

રૂ. ૩૭૫

મસૂર

રૂ. ૪૨૫૦

રૂ. ૩૭૫૦

રૂ. ૫૦૦

 

(11:37 am IST)
  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • કેજરીવાલ ફરી ફસાયા : ''ઠોલા'' શબ્દમાં કેજરીવાલ ફસાયા : હાઇકોર્ટે કહ્યું, દરેકની માફી માંગો છો તો પોલીસની ક્ષમા પણ માંગી લો : ર૯મી મે એ વધારે સુનાવણી access_time 12:50 pm IST

  • અફઘાનીઓએ પાંચ પાક જવાનોને ફૂંકી માર્યા : અફઘાન સરહદે ઝપાઝપી : દુબાયેલી લોકોએ પાંચ સૈનિકોને મારીને એકનું અપહરણ કર્યુ : અફઘાન સરહદમાં ઘુસવું પાક.ને ભારે પડ્યું: બીબીસીનો અહેવાલ access_time 11:22 am IST