Gujarati News

Gujarati News

News of Tuesday, 17th April 2018

હવે વિદેશમાં નાણાં મોકલવાનું અઘરું :રિઝર્વ બેંકે નિયમો બનાવ્યા કડક

એલઆરએસ હેઠળના વ્યવહાર કર્યા હોય તે બેન્કે રિઝર્વ બેન્કને દૈનિક રિપોર્ટ આપવો પડશે

     ફોટો તા; 16 rbi
નવી દિલ્હી ;હવે વિદેશમાં નાણાં મોકલવાનું અઘરું બનશે  રિઝર્વ બેન્ક ઓફ ઈન્ડિયાએ વ્યક્તિગત ધોરણે વાર્ષિક 2.50 લાખ ડોલર વિદેશમાં ટ્રાન્સફર કરવાની મંજૂરી આપતી લિબરલાઈઝડ રેમિટન્સ સ્કીમ (એલઆરએસ)ના રિપોર્ટીંગગના નિયમો કડક બનાવ્યા છે. વિદેશમાં નાણાં મોકલનાર વ્યક્તિ દ્વારા કરાયેલા એકરારના આધારે બેન્ક એલઆરએસ ટ્રાન્ઝેક્શનને મંજૂરી આપે છે.

  આ મામલે રિઝર્વ બેન્ક દ્વારા જારી કરાયેલી એક અધિસૂચનામાં જણાવ્યા અનુસાર નિરિક્ષણમાં સુધારો કરવા તથા એલઆરએસની મર્યાદાનું પાલન યોગ્ય રીતે થાય તે બાબતને સુનિશ્ચિત કરવા માટે જે બેન્કમાંથી વ્યક્તિએ એલઆરએસ હેઠળ આ પ્રકારના વ્યવહાર કર્યા હોય તે બેન્કે રિઝર્વ બેન્કને દૈનિક રિપોર્ટ આપવાનો રહેશે.

    હવે બેન્કોએ એલઆરએસ હેઠળ તેમના દ્વારા કરાયેલા વ્યવહારો દીઠ માહિતીઓને દૈનિક ધોરણે અપલોડ કરવાની રહેશે. એલઆરએસ હેઠળ સગીર સહિતના તમામ નિવાસી ભારતીઓ દરેક નાણાકીય વર્ષે રૂ.2,50,000 ડોલર સુધીની રકમ વિદેશમાં મોકલાવી શકે છે.

(9:11 pm IST)
  • લાલગેટ વિસ્તારમાં પતિએ પત્નીની હત્યા કરી છે. પતિએ પત્નીનું ગળું દબાવીને હત્યા કરી હોવાની ઘટના સામે આવી છે. હત્યા કરીને પત્નીના ટુકડા ઉધના વિસ્તારમાં આવેલી ખાડીમાં નાખી દેતા સમગ્ર મામલો સામે આવ્યો છે. પોલીસનો દાવો છે કે રવિવારે હત્યા કરીને લાશ સગેવગે કરવા અલગ અલગ જગ્યાએ શરીરના ટુકડા નાખ્યા હતા. યુવતીનું માથું ઘરમાંથી મળી આવ્યું હતું. આ મામલે સામે આવ્યું છે કે પતિએ છરા વડે પત્નીના શરીરના ટુકડા કર્યા અને ત્યારબાદ તેના મૃતદેહના ટુકડાને પ્લાસ્ટિકની થેલીમાં પેક કરી દીધા. ત્યારબાદ ઘરની સાફ-સફાઈ કરી હતી. પત્નીના હાથ અને પગના ટુકડાની થેલી ખાડીમાં નાંખવા જતો હતો ત્યારે પેટ્રોલિંગ કરી રહેલી પોલીસે તેને રંગેહાથ ઝડપ્યો. access_time 4:01 am IST

  • દૂબઇની રાજકુમારી ગાયબઃ શાસક શેખ મહમ્મદ બિન રાશિદ અલ મખ્તુમની દીકરી શેખ લાતિફાએ સામાન્ય છોકરીની જેમ જીવવાનું એલાન કર્યુ હતું: દૂબઇથી ભાગેલી લાતિફા અરબ સાગરમાં એક નાવમાંથી પકડાઇ હતીઃ મારપીટ કરીને દૂબઇ લાવવામાં આવી હતીઃ લાતિફાના મિત્રો કહે છે, તે ફરી જોવા મળી નથી access_time 3:46 pm IST

  • વડોદરાના બહુચર્ચિત ભટનાગર બંધુઓની ધરપકડ : વડોદરામાં રૂ. 2654 કરોડના કૌભાંડમાં પિતા સુરેશ ભટનાગર અને બન્ને ભાઈઓ અમિત - સુમિત ભટનાગરની ધરપકડ : રાજસ્થાનના ઉદયપુરથી કરાઈ ત્રણેયની ધરપકડ : CBI અને ATSનું સંયુક્ત સફળ ઓપરેશન access_time 12:34 am IST