Gujarati News

Gujarati News

News of Wednesday, 17th February 2021

પશ્ચિમ બંગાળમાં જાણીતા અભિનેતા યશ દાસગુપ્તા સહીત અનેક દિગજ્જ કલાકારો ભાજપમાં જોડાયા

પ્રભારી અને રાષ્ટ્રીય મહામંત્રી કૈલાશ વિજયવર્ગીયે વિધિવત રીતે પાર્ટીમાં આવકાર્યા

પશ્ચિમ બંગાળ  વિધાનસભાની ચૂંટણી પહેલા ભાજપ પોતાનું રાજકીય કદ વધારવામાં વ્યસ્ત છે અને જેમાં તેમને સફળતા મળી રહી છે. વિધાનસભા ચૂંટણી પૂર્વે તોડજોડનું રાજકારણ પણ હાલ ચરમ પર છે. જ્યારે હાલ ટોલિવૂડના જાણીતા અભિનેતા યશ દાસગુપ્તા ભાજપમાં જોડાયા છે.

 આગામી મહિનામાં વિધાનસભાની ચૂંટણીઓ યોજાવાની છે. તમામ પક્ષો પોતાની તૈયારીમાં વ્યસ્ત છે. તેમજ ભાજપ પશ્ચિમ બંગાળને લઈને ખૂબ ઉત્સાહિત છે. આની પાછળનું કારણ પણ સ્પષ્ટ છે કે કારણ કે વર્ષ 2019ની લોકસભાની ચૂંટણીમાં 42માંથી 18 બેઠકો પર જંગી વિજય મેળવ્યો હતો. તેની બાદ પાર્ટી રાજ્યમાં પોતાનો રાજકીય પ્રભાવ વધારવામાં વ્યસ્ત છે.

જેમાં ભાજપ રાજયમાં રણનીતિ બનાવીને તેને સફળ બનાવવામાં વ્યસ્ત છે. તેમજ પીએમ મોદી રાજયમાં મુલાકાત માટે આવે તે પૂર્વે ભાજપના રાષ્ટ્રીય અધ્યક્ષ જેપી નડ્ડા અને ગૃહ મંત્રી અમિતશાહ પર રાજયની મુલાકાત લઈ ચૂક્યા છે. તેમજ વિધાનસભા ચૂંટણીની જાહેરાત બાદ રાજ્યમાં મોટાપાયે પ્રચાર ઝુંબેશ માટે પણ ભાજપ રણનીતિ બનાવી રહી છે.

યશ દાસગુપ્તાની સાથે સૌમિની વિશ્વાસ, મલ્લિકા બંધ્યોપાધ્યાય, અશોક ભદ્ર, મિનાક્ષી ઘોષ, પાપિયા અધિકારી અને સૌમિલી ઘોષ વિશ્વાસ સહિત અનેક કલાકારો ભાજપમાં જોડાયા છે. ભાજપના બંગાળના પ્રભારી અને રાષ્ટ્રીય મહામંત્રી કૈલાશ વિજયવર્ગીયે વિધિવત રીતે પાર્ટીમાં આવકાર્યા હતા.

(11:57 pm IST)
  • કાલે રેલ રોકો આંદોલનને સમર્થન : પંજાબમાં હવે કિશાન પંચાયતો નહિં યોજાય ૩૨ જથ્થાબંધ માર્કેટ દ્વારા નિર્ણય : સોનીપત : પંજાબની ૩૨ જથ્થાબંધ ખેડૂત માર્કેટ દ્વારા મંગળવારે યોજાયેલ બેઠકમાં હવે પછી કોઈ ખેડૂત પંચાયતો નહિં મળે : માત્ર સંયુકત કિશાન મોરચો દિશા - નિર્દેશ આપે ત્યારે જ પંચાયત બોલાવાશે : કુંડલી સહિત દિલ્હી અને અન્ય સરહદો પર ચાલી રહેલ કિશાન આંદોલનને વેગ આપવાનો નિર્ણય પણ લેવાયો હતો : કાલે ૪ કલાકનું ‘રેલ રોકો’ યોજાયુ છે તેને સમર્થન આપવા ચર્ચા થયેલ. access_time 11:15 am IST

  • કર્ણાટકના પૂર્વ મુખ્ય પ્રધાન અને કોંગ્રેસના વરિષ્ઠ નેતા સિદ્ધારમૈયાએ કહ્યું છે કે તેઓ રામ મંદિર માટે દાન નહીં આપે. તે જ સમયે, જેડીએસ નેતા અને ભૂતપૂર્વ સીએમ એચડી કુમારસ્વામીના નિવેદનથી વિશ્વ હિન્દુ પરિષદ ગુસ્સે ભરાયું છે : વિવાદિત નિવેદન આપતા સિદ્ધારમૈયાએ કહ્યું હતું કે, 'જો તેઓ મારી પાસે ભંડોળ માંગવા આવે તો હું કહીશ કે હું અયોધ્યાના "વિવાદિત" રામ મંદિર માટે દાન નહીં આપું. હું બીજે ક્યાંક પણ નિર્માણ પામનારા રામ મંદિર માટે દાન આપીશ. આ મામલો થાળે પડ્યો હોવા છતાં વિવાદ હંમેશા રહેશે જ!' access_time 12:20 am IST

  • સગીર બાળા ઉપર બળાત્કાર બદલ જેલવાસ ભોગવી રહેલા આશારામ બાપુની તબિયત લથડી : ગઈકાલ મંગળવારે રાત્રે જોધપુર હોસ્પિટલમાં દાખલ કરાયા : હોસ્પિટલ બહાર સમર્થકોની ભીડ access_time 11:42 am IST