Gujarati News

Gujarati News

News of Wednesday, 17th February 2021

આસારામ બાપુની તબિયત બગડી : જોધપુરની હોસ્પિટલમાં ઈમરજન્સી વિભાગમાં લઈ જવાયા

જોધપુર (રાજસ્થાન) આસારામ બાપુની સેન્ટ્રલ જેલમાં તબિયત બગડતા તેમને મહાત્મા ગાંધી હોસ્પિટલના ઈમરજન્સી વિભાગમાં લઈ જવાયા છેઃ બળાત્કાર કેસમાં આજીવન કેદની સજા ભોગવી રહેલા આસારામ બાપુના એકસરે અને બ્લડ રીપોર્ટ લેવાઈ રહ્યા છે : તેમને છાતીમાં દુઃખાવાની અને અસુત થવાની ફરીયાદ કરી હતીઃ ૨૦૧૩માં તેના આશ્રમમાં સગીર વયની યુવતી ઉપર બળાત્કારના ગુનામાં ફરીયાદ દાખલ થયેલ અને ૨૦૧૮માં જોધપુરની સ્પેશ્યલ કોર્ટે આજીવન કેદ ફટકારી હતી : તેઓ ૮૦ વર્ષના છે : આસારામ બાપુને હોસ્પિટલમાં લઈ જવાયા ત્યારે તેઓ સતત પોલીસ કર્મચારીઓને પ્રવચન આપતા રહ્યા હતા.

(3:55 pm IST)
  • ટુલકિટ કેસ શાંતનું બાદ નિકિતાને પણ રાહતઃ બોમ્બે હાઇકોર્ટે આપ્યા ટ્રાન્ઝિટ જામીનઃ ત્રણ દિવસ માટે સ્ટે access_time 4:19 pm IST

  • એમ.જે. અકબરનો બદનક્ષીનો કેસ અદાલતે ફગાવી દીધો : પ્રિયા રામાણીને છોડી મૂકવા આદેશ : દિલ્હીની અદાલતે સુપ્રસિદ્ધ પત્રકાર એમ.જે. અકબરે મહિલા પત્રકાર પ્રિયા રામાણી વિરૂદ્ધ કરેલ બદનક્ષી કેસમાં પ્રિયા રામાણીને નિર્દોષ છોડી મૂકવાનો હુકમ કર્યો છે : ન્યાયાધીશ રવિન્દ્રકુમાર પાંડેએ કહયુ હતું કે અકબર દ્વારા કરવામાં આવેલ ફરીયાદ પુરવાર થતી નથી અને એક મહિલાને દાયકાઓ પછી પણ પોતાને થયેલ અન્યાય અંગે રજૂઆત કરવા પૂરો અધિકાર છે : અદાલતે ભરચક્ક કોર્ટ રૂમમાં ચુકાદો આપતા કહેલ કે સ્વાભિમાનના હક્કની કિંમતે પ્રતિષ્ઠાના હક્કનું રક્ષણ કરી શકાય નહિં access_time 4:40 pm IST

  • ૨૨ પ્રધાનો અને ૧૧૦ સાંસદો મેદાનમાં ઉતારશે ભાજપ : આગામી એપ્રિલ મહિનામાં આવી રહેલ પશ્ચિમ બંગાળની જબરદસ્ત રસાકસીવાળી ચૂંટણીમાં ભારતીય જનતા પક્ષે તેના ૨૨ જેટલા કેન્દ્રીય પ્રધાનોને બંગાળમાં ઉતારવાનો નિર્ણય લીધો છે. ભાજપે પશ્ચિમ બંગાળમાં ૧૧૦ જેટલી મહત્વની બેઠકો અલગ તારવી છે અને આ બેઠકો માટે સાંસદ સભ્યો પણ નક્કી કરવામાં આવ્યા છે જે આ બેઠકો માટે પ્રચાર કાર્ય કરશે અને છેવટ સુધી પશ્ચિમ બંગાળમાં કેમ્પ કરી રોકાશે. access_time 2:53 pm IST