Gujarati News

Gujarati News

News of Wednesday, 17th February 2021

નિર્મમ પતિનો પત્ની અને બે પુત્રીઓ ઉપર કુહાડીથી હુમલો : પત્નિનું મોત

સિવાન : બિહારના સિવાન જીલ્લામાં મુફસ્સિલ વિસ્તારમાં પતિએ પત્ની અને બે પુત્રીઓની કુહાડીથી નિર્મમ હત્યાની કોશિશના બનાવે ચકચાર જગાવી છે. આ ઘટનામાં પત્નીનું મૃત્યુ થયેલ. જયારે બંને પુત્રીઓનો ઇલાજ ચાલી રહ્યો છે. જેમાંથી એક ગંભીર છે. પોલીસે પતિની ધરપકડ કરી છે.

પોલીસના જણાવ્યા મુજબ મંગળવારે ટંડવા ગામ નિવાસી શશીકાંત યાદવ ઉર્ફે રાજુ પોતાના પરિવાર સાથે ઘરે હતો ત્યારે  વહેલી સવારે પત્ની અને બંને પુત્રીઓ ઉપર કુહાડીથી પ્રહાર કરેલ. જેમાં પત્ની રીટા દેવીનું મૃત્યુ થયેલ અને પુત્રીઓ નિકકી (૧૬) અને સોની કુમારી (૧૨) થયેલ. પોલીસને હત્યાનું કારણ મળ્યું નથી પણ પ્રાથમિક તપાસમાં જમીન વેચવાને લઇને પતિ પત્ની વચ્ચે માથાકુટ હોવાનુ જાણવા મળેલ. રાજુ સ્થાનીક કોલેજમાં વર્ગ ૪નો કર્મચારી હતો.

(3:06 pm IST)
  • ૨૨ પ્રધાનો અને ૧૧૦ સાંસદો મેદાનમાં ઉતારશે ભાજપ : આગામી એપ્રિલ મહિનામાં આવી રહેલ પશ્ચિમ બંગાળની જબરદસ્ત રસાકસીવાળી ચૂંટણીમાં ભારતીય જનતા પક્ષે તેના ૨૨ જેટલા કેન્દ્રીય પ્રધાનોને બંગાળમાં ઉતારવાનો નિર્ણય લીધો છે. ભાજપે પશ્ચિમ બંગાળમાં ૧૧૦ જેટલી મહત્વની બેઠકો અલગ તારવી છે અને આ બેઠકો માટે સાંસદ સભ્યો પણ નક્કી કરવામાં આવ્યા છે જે આ બેઠકો માટે પ્રચાર કાર્ય કરશે અને છેવટ સુધી પશ્ચિમ બંગાળમાં કેમ્પ કરી રોકાશે. access_time 2:53 pm IST

  • એમ.જે. અકબરનો બદનક્ષીનો કેસ અદાલતે ફગાવી દીધો : પ્રિયા રામાણીને છોડી મૂકવા આદેશ : દિલ્હીની અદાલતે સુપ્રસિદ્ધ પત્રકાર એમ.જે. અકબરે મહિલા પત્રકાર પ્રિયા રામાણી વિરૂદ્ધ કરેલ બદનક્ષી કેસમાં પ્રિયા રામાણીને નિર્દોષ છોડી મૂકવાનો હુકમ કર્યો છે : ન્યાયાધીશ રવિન્દ્રકુમાર પાંડેએ કહયુ હતું કે અકબર દ્વારા કરવામાં આવેલ ફરીયાદ પુરવાર થતી નથી અને એક મહિલાને દાયકાઓ પછી પણ પોતાને થયેલ અન્યાય અંગે રજૂઆત કરવા પૂરો અધિકાર છે : અદાલતે ભરચક્ક કોર્ટ રૂમમાં ચુકાદો આપતા કહેલ કે સ્વાભિમાનના હક્કની કિંમતે પ્રતિષ્ઠાના હક્કનું રક્ષણ કરી શકાય નહિં access_time 4:40 pm IST

  • દક્ષિણ કોરિયાની ગુપ્તચર સેવાએ દાવો કર્યો છે કે ઉત્તર કોરિયન હેકરોએ કોરોના વાયરસ રસી અને સારવારથી સંબંધિત માહિતી ચોરી કરવાનો પ્રયાસ કર્યો છે. જો કે દક્ષિણ કોરિયાના એક સાંસદે દાવાને નકારી દીધો હતો, જે મુજબ રસી ઉત્પાદક ફાઈઝર કંપની હેકરોના નિશાના પર હતી. access_time 12:20 am IST