Gujarati News

Gujarati News

News of Wednesday, 17th February 2021

કભી-કભી મેરે મનમે આતા હૈ !!!

મોદીને જનતાએ બબ્બે વાર કેમ ચૂંટી કાઢયા : પ્રિયંકાએ સીધુ નિશાન તાકયું

૧૬ હજાર કરોડના બે પ્લેન ખરીધ્યા, તેમાંથી દેશભરના શેરડીના ખેડૂતોનું દેણું ચુકવી શકાત

બિજનૌર : ખેડૂત રાજનીતીના સહારે યુપીમાં કોંગ્રેસની નાવને મધદરિયેથી બહાર કાઢવામાં લાગેલ પાર્ટીના મહાસચિવ પ્રિયંકા ગાંધીએ સીધુ જ નરેન્દ્રભાઇ ઉપર નિશાન તાકતા જણાવેલ કે તેમણે દુનિયા ફરવા બે વિમાનો ખરીદયા છે, તેની કિંમત એટલી છે કે તેમાંથી શેરડીના ખેડૂતો અત્યાર સુધીની બાકી રકમ ચુકવણીની વ્યવસ્થા થઇ શકે.

ચાંદપુર ખાતે ખેડૂત પંચાયતને સંબોધીત કરતા પ્રિયંકાએ વધુમાં જણાવેલ કે મોદી એવા વડાપ્રધાન છે કે તમારૂ ચુકવણુ પુરૂ નથી કર્યુ પણ પોતાના માટે દુનિયા ફરવા બે પ્લેન ખરીદયા છે. આ બંનેની કિંમત ૧૬ હજાર કરોડ છે. જયારે ૧૫ હજાર કરોડમાં દેશમાં દરેક શેરડી ખેડૂતોની બાકી રકમ પરત કરી શકતા હતા.

પ્રિયંકાએ જણાવેલ કે નેતા અને જનતા વચ્ચે ખૂબ જ ખાસ સંબંધ હોય છે. જનતા તેને બનાવે છે અને નેતા તેના ઉપર ઉભા રહે છે. તમારી અને અમારી વચ્ચે ભરોસાનો સંબંધ હોય છે. તે જ ભરોસો હોય છે તેના લીધે એક નેતાને તમે આગળ વધારો છો.

કયારેક કયારેક મનમાં આવે છે કે વડાપ્રધાન મોદીને બબ્બે વાર જનતાએ કેમ ચુંટી કાઢયા. એટલા માટે જીતાડયા હશે કે મનમાં આશા રહી હશે. ભરોસો હશે કે તેઓ તમારા માટે કામ કરશે. ગત ચુંટણીમાં મોદીએ ખેડૂતો અને બેરોજગારીની વાત કરેલ. આવી નીતીઓ લાવીશું જેથી ખુશીઓ વધે પણ હકીકતે તેમના રાજમાં એવું કશું નથી થયુ. એકલા યુપીમાં જ શેરડીના ખેડૂતોની ચુકવણી ૧૦ હજાર કરોડ બાકી છે. જયારે દેશભરમાં ૧૫ કરોડની છે.

(3:05 pm IST)
  • દેશમાં કોરોના ધીમો પડ્યો :મૃત્યુઆંક 1.56 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 12,418 કેસ નોંધાયા :કુલ કેસની સંખ્યા 1, 09,49,546 થઇ :એક્ટિવ કેસ 1,34,244 થયા: વધુ 11,750 દર્દીઓ સ્વસ્થ થતા કુલ 1,06,54,706 થયા :વધુ 89 લોકોના મોત સાથે કુલ મૃત્યુઆંક 1,56,038 થયા access_time 1:02 am IST

  • પંજાબ મ્યુનિ.ચૂંટણીઓમાં કોંગ્રેસ અને અકાલીદળ આગળ : આમ આદમી પાર્ટી પણ અમુક જગ્યાએ લીડમાં : ભાજપને ખેડૂત આંદોલન નડ્યું : ભાજપના મહારથીઓ હાર્યા : અનેક શહેરોના વોર્ડમાં ઓછી સીટ મળી : કોંગ્રેસ અને અકાલી દળના વિજેતા ઉમેદવારોના વિજય સરઘસ શરૂ access_time 12:35 pm IST

  • કર્ણાટકના પૂર્વ મુખ્ય પ્રધાન અને કોંગ્રેસના વરિષ્ઠ નેતા સિદ્ધારમૈયાએ કહ્યું છે કે તેઓ રામ મંદિર માટે દાન નહીં આપે. તે જ સમયે, જેડીએસ નેતા અને ભૂતપૂર્વ સીએમ એચડી કુમારસ્વામીના નિવેદનથી વિશ્વ હિન્દુ પરિષદ ગુસ્સે ભરાયું છે : વિવાદિત નિવેદન આપતા સિદ્ધારમૈયાએ કહ્યું હતું કે, 'જો તેઓ મારી પાસે ભંડોળ માંગવા આવે તો હું કહીશ કે હું અયોધ્યાના "વિવાદિત" રામ મંદિર માટે દાન નહીં આપું. હું બીજે ક્યાંક પણ નિર્માણ પામનારા રામ મંદિર માટે દાન આપીશ. આ મામલો થાળે પડ્યો હોવા છતાં વિવાદ હંમેશા રહેશે જ!' access_time 12:20 am IST