Gujarati News

Gujarati News

News of Wednesday, 17th February 2021

નેપાળ ભારત પાસેથી ખરીદશે ૨૦ લાખ કોરોના વેકિસન :પાકિસ્તાન હજુ રહેમના ભરોસે !

કાઠમંડુ,તા. ૧૭: ભારત પાસેથી ભેટમાં ૧૦ લાખ વેકિસન મળ્યા બાદ નેપાળે વધુ ૨૦ લાખ વધુ ડોઝ ખરીદવાનો નિર્ણય લીધો છે. મંત્રીમંડળે મંગળવારે આ સોદા માટેના એડવાન્સ ચુકવણીને મંજૂરી આપી છે. બીજી બાજુ પાડોશી દેશ પાકિસ્તાનના હાલ એવો છે કે તે હજુ રહેમના ભરોશે બેઠો છે. તેના મિત્ર ચીન સુધી પહોંચ છતાં તેને ફકત ૫ લાખ રસી મળી છે.

નેપાળની અગ્રણી ન્યુઝ વેબસાઇટના એક સમાચાર અહેવાલ મુજબ આરોગ્ય પ્રધાન હૃદયેશ ત્રિપાઠીએ કહ્યું હતું કે, 'આજે કેબિનેટે ભારતના સીરમ ઇન્સ્ટિટ્યૂટ પાસેથી ૨૦ લાખ વધુ ડોઝ ખરીદવાનો નિર્ણય લીધો છે. તેના માટે ૮૦% રકમ તરત જ ચુકવવામાં આવશે.' તેમણે કહ્યું કે નેપાળને એક જ ડોઝ માટે ૪ ડોલર ચૂકવવા પડ્યા છે. એટલે કે પાકિસ્તાની ચલણ પ્રમાણે ૪૬૪ રૂપિયા. ૨૦ લાખ ડોઝનો ખર્ચ ૯૩.૬ કરોડ થશે અને નેપાળ ૭૪.૮ કરોડ ડાઉન પેમેન્ટ કરશે.

ભારતની મદદથી નેપાળમાં કોરોના રસીકરણ અભિયાનની શરૂઆત થઈ ચુકી છે. સૌથી પહેલા ફ્રન્ટ લાઈનના કામદારોને રસી આપવામાં આવી રહી છે. નેપાળની કુલ વસ્તી આશરે ૩ કરોડ છે. જો ૧૪ વર્ષથી નીચેના બાળકોને અલગ કરવામાં આવે છે, તો ૭૨% વસ્તીએ રસી લેવી પડશે. નેપાળમાં ૨૦ ટકા વસ્તી માટે કોવાકસ પહેલ હેઠળ નિશુલ્ક રસી મળશે.

બીજી બાજુ ૨૨ કરોડથી વધુની વસ્તી ધરાવતા પાકિસ્તાને અત્યાર સુધી ચીન તરફથી માત્ર ૫ લાખ કોરોના રસી મળી છે. પાક હજી સુધી ભારત પાસે કોરોના રસી માંગવા માટે હિંમત એકઠી નથી કરી શકયું. ઇમરાન સરકારે ભારતમાં બનાવાયેલી કોવિશિલ્ડને મંજૂરી આપી દીધી છે, જેથી તે કોવાકસ પ્રોગ્રામ હેઠળ રસી મેળવી શકે. અત્યાર સુધી ઇમરાન ખાન સરકાર તેના લોકો માટે કોરોનાનો એક ડોઝ પણ ખરીદી શકી નથી.

(2:59 pm IST)
  • ફાસ્ટેગનું અભૂતપૂર્વ વેચાણ : એક જ દિ'માં ૨.૫ લાખ 'ફાસ્ટેગ' ગઈકાલે વેચાયા : અમલના પ્રથમ દિવસે જ ૮૭.૧૬ કરોડ રૂ.નો ટોલ વસૂલાયો : ફાસ્ટટેગ દ્વારા ટોલ કલેકશન ૮૭% એ પહોંચ્યુ : ૮૫% વાહનો ફાસ્ટટેગ દ્વારા ટોલ ચૂકવી રહ્યા છે : ગઈકાલે પ્રથમ દિવસે જ નેશનલ હાઈવે ઓથોરીટી ઓફ ઈન્ડિયા (એન.એચ.ઓ.આઈ.)એ તેના ૬૩૦ નેશનલ હાઈવે ટોલ પ્લાઝા ઉપર (ફાસ્ટટેગ દ્વારા) ૧૦૦% કેસલેસ ફી વસૂલ કરી access_time 4:19 pm IST

  • વડોદરામાં કોંગ્રેસને બે આંકડામાં પણ બેઠક નહીં મળે પાટીલનો લલકાર: ભાજપના પ્રદેશ અધ્યક્ષ સી.આર.પાટિલે વડોદરા ખાતે ધડાકો કરતા કહ્યું છે કે વડોદરામાં કોંગ્રેસને બે આંકડામાં પણ બેઠકો નહીં મળે. રાહુલ ગાંધીએ ગુજરાતનું અપમાન કર્યુ છે તે જનતા સહન નહિ કરે. access_time 12:45 am IST

  • બ્રહ્મમૂહૂર્તમાં બદ્રીનાથના કમાડ ૧૮મેએ ખુલશે : નરેન્દ્રનગર : સુપ્રસિદ્ધ યાત્રાધામ બદ્રીનાથના કમાડ ૧૮મેના રોજ બ્રહ્મ મુહૂર્તમાં સવારે ૪:૧૫ કલાકે ખોલવામાં આવશે. અભિષેક માટે ૨૯ એપ્રિલે નરેન્દ્રનગર રાજ દરબારમાં સુહાગીન મહિલાઓ દ્વારા તલનું તેલ પૂરવામાં આવશે access_time 11:17 am IST