Gujarati News

Gujarati News

News of Wednesday, 17th February 2021

ગુરુદેવ રવીન્દ્રનાથ ટાગોરના હ્યુસ્ટનમાં આવ્યાના 100 વર્ષની ઉજવણી : ફેબ્રુઆરી 1921 માં હ્યુસ્ટન ગયા હતા : ટાગોર ગ્રોવ સ્મારક ખાતે કરાયેલી ઉજવણીમાં ભારતના હ્યુસ્ટન ખાતેના વાણિજ્ય દૂતાવાસના શ્રી અસીમ મહાજન સહીત અગ્રણીઓએ હાજરી આપી : ગુરુદેવના કાવ્યોનું ઓનલાઇન પઠન કરાયું

હ્યુસ્ટન :  નોબલ પ્રાઇસ વિજેતા ભારતના સૌપ્રથમ વ્યક્તિ તરીકે નામના મેળવનાર કવિવર રવીન્દ્રનાથ ટાગોર ફેબ્રુઆરી 1921 માં હ્યુસ્ટન ગયા હતા .અમેરિકની રાઈસ યુનિવર્સીટીમાં યોજાયેલા વ્યાખ્યાન સમયે તેમણે હ્યુસ્ટનની મુલાકાત લીધી હતી.

તેમની આ મુલાકાતની યાદગીરી રૂપે હ્યુસ્ટનમાં ટાગોર ગ્રોવ સ્મારક નું નિર્માણ કરાયું છે.જ્યાં ગુરુદેવની પ્રતિમા મુકવામાં આવી છે.આ જગ્યાએ ફેબ્રુઆરી 2021 માં તેમના હ્યુસ્ટનના આગમનના 100 વર્ષની ઉજવણી કરવામાં આવી હતી.

ટાગોર સોસાયટી ઓફ હ્યુસ્ટનના ઉપક્રમે કરાયેલી કોવિદ -19 ના નિયમોના પાલન સાથેની બે દિવસીય ઉજવણીમાં ગુરુદેવના કાવ્યોનું ઓનલાઇન પઠન કરાયું  હતું.

આ તકે ભારતના હ્યુસ્ટન ખાતેના વાણિજ્ય દૂતાવાસના શ્રી અસીમ મહાજન સહીત અગ્રણીઓએ હાજરી આપી હતી તેવું એન.ટી.દ્વારા જાણવા મળે છે

(1:18 pm IST)
  • વડોદરામાં કોંગ્રેસને બે આંકડામાં પણ બેઠક નહીં મળે પાટીલનો લલકાર: ભાજપના પ્રદેશ અધ્યક્ષ સી.આર.પાટિલે વડોદરા ખાતે ધડાકો કરતા કહ્યું છે કે વડોદરામાં કોંગ્રેસને બે આંકડામાં પણ બેઠકો નહીં મળે. રાહુલ ગાંધીએ ગુજરાતનું અપમાન કર્યુ છે તે જનતા સહન નહિ કરે. access_time 12:45 am IST

  • કાલે રેલ રોકો આંદોલનને સમર્થન : પંજાબમાં હવે કિશાન પંચાયતો નહિં યોજાય ૩૨ જથ્થાબંધ માર્કેટ દ્વારા નિર્ણય : સોનીપત : પંજાબની ૩૨ જથ્થાબંધ ખેડૂત માર્કેટ દ્વારા મંગળવારે યોજાયેલ બેઠકમાં હવે પછી કોઈ ખેડૂત પંચાયતો નહિં મળે : માત્ર સંયુકત કિશાન મોરચો દિશા - નિર્દેશ આપે ત્યારે જ પંચાયત બોલાવાશે : કુંડલી સહિત દિલ્હી અને અન્ય સરહદો પર ચાલી રહેલ કિશાન આંદોલનને વેગ આપવાનો નિર્ણય પણ લેવાયો હતો : કાલે ૪ કલાકનું ‘રેલ રોકો’ યોજાયુ છે તેને સમર્થન આપવા ચર્ચા થયેલ. access_time 11:15 am IST

  • ફાસ્ટેગનું અભૂતપૂર્વ વેચાણ : એક જ દિ'માં ૨.૫ લાખ 'ફાસ્ટેગ' ગઈકાલે વેચાયા : અમલના પ્રથમ દિવસે જ ૮૭.૧૬ કરોડ રૂ.નો ટોલ વસૂલાયો : ફાસ્ટટેગ દ્વારા ટોલ કલેકશન ૮૭% એ પહોંચ્યુ : ૮૫% વાહનો ફાસ્ટટેગ દ્વારા ટોલ ચૂકવી રહ્યા છે : ગઈકાલે પ્રથમ દિવસે જ નેશનલ હાઈવે ઓથોરીટી ઓફ ઈન્ડિયા (એન.એચ.ઓ.આઈ.)એ તેના ૬૩૦ નેશનલ હાઈવે ટોલ પ્લાઝા ઉપર (ફાસ્ટટેગ દ્વારા) ૧૦૦% કેસલેસ ફી વસૂલ કરી access_time 4:19 pm IST