Gujarati News

Gujarati News

News of Wednesday, 17th February 2021

બ્રીટીશ ટાઈપ કોરોનાને લીધે કેસોમાં ઉછાળો

નેધરલેન્ડમાં આકરો લોકડાઉન લાદી દેવાયો

એમ્સ્ટરડેમ :. ગઈકાલે નેધરલેન્ડના આરોગ્ય સત્તાવાળાઓએ કહ્યું હતુ કે, થોડા સમય સુધી કોરોના કેસો ઘટયા પછી દેશમાં બ્રિટીશ વેરીયન્ટના કારણે કોરોના કેસો વધી રહ્યા છે.

પોતાના સાપ્તાહિક અપડેટમાં નેશનલ ઈન્સ્ટીટયુટ ફોર હેલ્થ (આરઆઈવીએમ) એ કહ્યુ હતુ કે ૧૬ ફેબ્રુઆરીએ પુરા થયેલ સપ્તાહ દરમ્યાન ૨૫૨૨૯ નવા કેસો આવ્યા હતા જે આગલા અઠવાડીયા કરતા થોડા વધારે હતા પણ અહીં બરફ વર્ષા અને કાતિલ ઠંડીના કારણે ટેસ્ટીંગ હમણા ઓછું થયુ છે, એટલે ખરેખર પોઝીટીવ કેસોની સંખ્યા વધારે હોય શકે છે. આરઆઈવીએમના અંદાજ અનુસાર નેધરલેન્ડમાં ફેબ્રુઆરીમા આવેલ કોરોનાના કુલ કેસમાંથી ૨/૩ કેસ બ્રીટીશ વેરીયન્ટના હોઈ શકે છે અને તેમા હજુ પણ વધારો થઈ શકે છે.

સરકારે મહામારી શરૂ થયા પછી અત્યાર સુધીનો સૌથી કડક લોકડાઉન ૨૩ જાન્યુઆરીથી લાદી દીધો છે. જેમાં બીજા વિશ્વયુદ્ધ પછી પહેલીવાર લગાવાયેલ કરફયુ અને ઘરે એકથી વધારે મહેમાનને રાખવા પરનો પ્રતિબંધ પણ સામેલ છે.

(12:49 pm IST)
  • ૨૨ પ્રધાનો અને ૧૧૦ સાંસદો મેદાનમાં ઉતારશે ભાજપ : આગામી એપ્રિલ મહિનામાં આવી રહેલ પશ્ચિમ બંગાળની જબરદસ્ત રસાકસીવાળી ચૂંટણીમાં ભારતીય જનતા પક્ષે તેના ૨૨ જેટલા કેન્દ્રીય પ્રધાનોને બંગાળમાં ઉતારવાનો નિર્ણય લીધો છે. ભાજપે પશ્ચિમ બંગાળમાં ૧૧૦ જેટલી મહત્વની બેઠકો અલગ તારવી છે અને આ બેઠકો માટે સાંસદ સભ્યો પણ નક્કી કરવામાં આવ્યા છે જે આ બેઠકો માટે પ્રચાર કાર્ય કરશે અને છેવટ સુધી પશ્ચિમ બંગાળમાં કેમ્પ કરી રોકાશે. access_time 2:53 pm IST

  • હવે પછીના બે દિવસ તાપમાનમાં થોડો વધારો થશે: દક્ષિણ ગુજરાતમાં ક્યાંક વરસાદની સંભાવના : આગામી બે દિવસ દરમિયાન ગુજરાતમાં તાપમાનમાં વધારાની હવામાન વિભાગ તરફથી આગાહી થઈ છે. જ્યારે ગુરુવાર ૧૮ તારીખે દક્ષિણ ગુજરાતમાં અમુક સ્થળે વરસાદની શક્યતા હવામાન વિભાગે દર્શાવી છે. access_time 12:58 am IST

  • ફાસ્ટેગનું અભૂતપૂર્વ વેચાણ : એક જ દિ'માં ૨.૫ લાખ 'ફાસ્ટેગ' ગઈકાલે વેચાયા : અમલના પ્રથમ દિવસે જ ૮૭.૧૬ કરોડ રૂ.નો ટોલ વસૂલાયો : ફાસ્ટટેગ દ્વારા ટોલ કલેકશન ૮૭% એ પહોંચ્યુ : ૮૫% વાહનો ફાસ્ટટેગ દ્વારા ટોલ ચૂકવી રહ્યા છે : ગઈકાલે પ્રથમ દિવસે જ નેશનલ હાઈવે ઓથોરીટી ઓફ ઈન્ડિયા (એન.એચ.ઓ.આઈ.)એ તેના ૬૩૦ નેશનલ હાઈવે ટોલ પ્લાઝા ઉપર (ફાસ્ટટેગ દ્વારા) ૧૦૦% કેસલેસ ફી વસૂલ કરી access_time 4:19 pm IST