Gujarati News

Gujarati News

News of Sunday, 17th January 2021

ભારતમાં એક્ટિવ કેસનો આંક બે લાખની નજીક પહોંચી ગયો

દેશમાં નવા ૧૫,૧૪૪ કેસ નોંધાયા : ભારતભરમાં નવા કેસની સામે સાજા થનારા દર્દીઓની સંખ્યાનો આંકડો વધી થઈ રહ્યો છે : મૃત્યુઆંકમાં ઘટાડો

નવી દિલ્હી, તા. ૧૭ : ભારતમાં સતત કોરોના વાયરસની સ્થિતિ કાબૂમાં આવતી દેખાઈ રહી છે. પાછલા કેટલાક દિવસથી નવા કેસ ૨૦,૦૦૦ની અંદર અને ૧૫,૦૦૦ની આસપાસ નોંધાઈ રહ્યા છે. આ સાથે એક્ટિવ કેસનો આંકડો ૨ લાખની નજીક પહોંચી ગયો છે. જ્યારે મૃત્યુઆંકમાં પણ સતત ઘટાડો નોંધાઈ રહ્યો છે.

કેન્દ્રીય સ્વાસ્થ્ય મંત્રાલયના જણાવ્યા પ્રમાણે ભારતમાં પાછલા ૨૪ કલાકમાં ૧૫,૧૪૪ નવા કોરોના વાયરસના કેસ નોંધાયા છે અને ૧૮૧ લોકોએ કોરોનાના કારણે જીવ ગુમાવ્યા છે. આ સાથે ભારતમાં કોરોના વાયરસના કેસનો કુલ આંકડો ૧,૦૫,૫૭,૯૮૫ પર પહોંચી ગયો છે. જ્યારે એક્ટિવ કેસની સંખ્યા ૨,૦૮,૮૨૬ પર પહોંચી ગઈ છે.

પાછલા ૨૪ કલાકમાં ભારતમાં ૧૭,૧૭૦ દર્દીઓ કોરોનાને હરાવીને સાજા થઈ ગયા છે. દેશમાં કુલ મૃત્યુઆંક ૧,૫૨,૨૭૪ થઈ ગયો છે.

હાલ દેશમાં સૌથી વધુ કોરોના કેસ કેરળમાં નોંધાઈ રહ્યા છે, જ્યારે દેશના સૌથી વધારે ૬૮,૬૩૩ એક્ટિવ કેસ છે જ્યારે મહારાષ્ટ્રમાં આ આંકડો ૫૩,૧૬૩ છે.

ICMR (Indian Council of Medical Research)ના આંકડા પ્રમાણે અત્યાર સુધીમાં ૧૮,૬૫,૪૪,૮૬૮ કોરોના ટેસ્ટ માટે સેમ્પલ લેવામાં આવ્યા છે, જેમાં ૧૬ જાન્યુઆરીએ ૭,૭૯,૩૭૭ સેમ્પલ ટેસ્ટ કરવામાં આવ્યા છે.

ભારતમાં શનિવારે કોરોના વાયરસની રસીની ડ્રાઈવ શરુ કરી દેવામાં આવી છે. ભારતમાં રસીકરણનું અભિયાન દુનિયાનું સૌથી મોટું અભિયાન છે, ભારતમાં શનિવારે રસીકરણનો પ્રારંભ કરવામાં આવ્યો જેમાં હેલ્થકેર અને ફ્રન્ટલાઈન વર્કર્સને રસી આપવામાં આવી. પહેલા તબક્કામાં ૩ કરોડ લોકોને રસી આપવામાં આવી.

(9:48 pm IST)
  • પ્રજાસત્તાક દિવસે આઉટર દિલ્હી રીંગ રોડ ઉપર ખેડૂતો પરેડ કરશે : પોણા બે મહિનાથી કૃષિ કાનૂનોના વિરોધમાં આંદોલન ચાલવી રહેલા આંદોલનકારી ખેડૂતો ૨૬ જાન્યુઆરીએ દિલ્હી આઉટર રિંગ રોડ પર કરશે પરેડ: કિસાન નેતાઓની જાહેરાત access_time 8:33 pm IST

  • આજે દિલ્હીમાં કોરોના રસીકરણ બાદ આડઅસરોના કુલ 52 કેસ નોંધાયા છે, જેમાં 51 કિસ્સાઓમાં સામાન્ય આડઅસર સામે આવી છે જ્યારે 1 ગંભીર કેસ સામે આવ્યો છે તેમ દિલ્હી સરકારે જાહેર કર્યું છે. access_time 11:03 pm IST

  • વિશ્વભરમાં કોરોનાનો હાહાકાર યથાવત ચાલુ : અમેરિકાને કોરોના સતત નચાવે છે: આજે સવાર સુધીમાં બે લાખથી ઉપર કેસ નોંધાયા : અમેરિકામાં પોઝિટિવિટી રેટ ૧૦.૭ ટકા, સવા લાખ કોરોના દર્દીઓ હોસ્પિટલમાં, ૨૩ હજારથી વધુ આઈસીયુમાં અને ૨૪ કલાકમાં લગભગ ૩૭૦૦ નવા મૃત્યુ થયા છે : અત્યાર સુધીમાં ૧.૩૭ કરોડ લોકોને કોરોના સામે રક્ષણ આપતી રસી અપાઇ ચૂકી છે: બ્રાઝિલમાં સવાર સુધીમાં નવા ૬૨ હજાર, ઇગ્લેન્ડમાં ૪૧ હજાર, રશિયામાં ૨૪ હજાર, ફ્રાન્સમાં ૨૧ હજાર, ઇટાલીમાં ૧૬ હજાર અને ભારતમાં નવા કોરોના કેસ ૧૫,૧૪૪ નોંધાયા છે: આ ઉપરાંત જર્મનીમાં ૧૪ હજારથી વધુ, ઈઝરાયેલમાં ૮ હજારથી વધુ અને જાપાન- કેનેડામાં છ હજારની આસપાસ નવા કેસ નોંધાણા: યુનાઇટેડ આરબ અમીરાતમાં પણ ૨૪ કલાકમાં ૩૪૦૦થી વધુ કોરોના કેસ નોંધાયા છે: ભારતમાં આજે 181 નવા કેસ નોંધાયા છે જ્યારે ૧૫,૧૪૪ નવા કેસો સામે ૧૭ હજારથી પણ વધુ લોકો સાજા થયા છે. access_time 3:30 pm IST