Gujarati News

Gujarati News

News of Sunday, 17th January 2021

ઇડીની મોટી કાર્યવાહી : હવાલા રેકેટમાં સામેલ ચાર્લી પેંગ સહીત 2 ચીની નાગરિકોની ધરપકડ

બન્ને ચીની નાગરિકો દિલ્હીમાં રહીને ચીનની કંપનીઓ માટે મોટો હવાલા રેકેટ ચલાવી રહ્યાં હતા

નવી દિલ્હી : પ્રવર્તન નિર્દેશાલય (ED)એ ચીનના બે નાગરિકોની મની લૉન્ડ્રિંગના આરોપ હેઠળ ધરપકડ કરી છે. જેમાંથી એકનું નામ ચાર્લી પેંગ  અને બીજાનું નામ કાર્ટર લી છે. આ બન્ને ચીની નાગરિકો દિલ્હીમાં રહીને ચીનની કંપનીઓ માટે મોટો હવાલા રેકેટ ચલાવી રહ્યાં હતા અને ભારત સરકારની તીજોરીને કરોડોનું નુક્સાન પહોંચાડી રહ્યાં હતા ગત વર્ષે જ ચાર્લી પેંગના  ઠેકાણાં પર ઈન્કમટેક્સ વિભાગે દરોડા પાડ્યા હતા. જે બાદ દિલ્હી પોલીસની સ્પેશિયલ સેલએ પણ તાજેતરતમાં જ ચાર્લી વિરુદ્ધ FIR દાખલ કરી હતી.

, EDએ ચાર્લી  વિરુદ્ધ ઓગસ્ટમાં જ મની લૉન્ડ્રિંગનો કેસ દાખલ કર્યો હતો. આટલા લાંબા સમય સુધી ED ચાર્લી પેંગની તમામ લેવડ-દેવડની તપાસ કરી રહી હતી. તપાસમાં સામે આવ્યું કે, ચાર્લી પેંગે માત્ર ભારતના હવાલા રેકેટમાં જ સામેલ નહતો, તે તિબેટીયન ધર્મગુરુ દલાઈ લામાની જાસૂસી પણ કરી રહ્યો હતો.

 

ચાર્લી પેંગ બોગસ કંપનીઓ બનાવીને હવાલા નેટવર્ક ચલાવી રહ્યો હતો. દિલ્હી-NCRની સાઈબર સિટી ગુરુગ્રામના સેક્ટર-59 ગોલ્પ કોર્સ રોડ સ્થિત પર્મ સ્પ્રિંગ પ્લાઝાના સરનામા પર ચાર્લીએ ઈનવિન લૉજિસ્ટિક્સ ઈન્ડિયા પ્રાઈવેટ લિમિટેડ નામની કંપની રજિસ્ટર્ડ કરાવી હતી. જો કે પ્લાઝાના મેનેજરના જણાવ્યા મુજબ, અહીં કોઈ ચીની કંપની હતી જ નહી.આજ પ્રકારે ખોટા સરનામા થકી ચાર્લીએ  શેલ કંપનીઓ બનાવીને પૈસાની લેવડ-દેવડ કરી રહ્યો હતો. તપાસ એજન્સીએ ચાર્લીને દિલ્હા અને ગુરુગ્રામના એ તમામ સરનામા વિશે પૂછપરછ કરી છે, જેના આધારે તેણે પોતાનું આધાર કાર્ડ બનાવ્યું અને ભારતમાં બોગસ કંપનીઓ રજિસ્ટર્ડ કરાવી.

દિલ્હી પોલીસના જણાવ્યા મુજબ, ચાર્લી પેંગેહવાલા થકી જે પૈસા મંગાવ્યા, તે તિબેટિયનોને આપવામાં આવ્યા અને આશંકા છે કે, તે તેનો ઉપયોગ જાસૂસી માટે કરવામાં આવ્યો.

દિલ્હી પોલીસના સ્પેશિયલ સેલના સુત્રો મુજબ, ઈન્કમટેક્સ વિભાગે તેમને 2 ડઝન જેટલા તિબેટિયનોના નામ આપ્યા છે. જેમાંથી કેટલાક લોકો દિલ્હીના છે, જ્યારે અન્ય સાઉથ ઈન્ડિયામાં રહે છે. જેમની સાથે ચાર્લી પેંગે લેવડ-દેવડ કરી છે.

(7:20 pm IST)
  • પશ્ચિમ બંગાળમાં તમામ બેઠકો ઉપર ઝુકાવશે શિવસેના શિવસેનાએ પાર્ટી બેઠકમાં મોટો નિર્ણય લીધો: પ. બંગાળ વિધાનસભા ચૂંટણીમાં તમામ બેઠકો ઉપર ઉમેદવારો ઉતારશે: શિવસેનાની આજે મળેલ પાર્ટી બેઠકમાં થયો નિર્ણય access_time 8:27 pm IST

  • એક કરોડની લાંચનો મામલો સીબીઆઈ ત્રાટકી: ત્રણની ધરપકડ CBI (કેન્દ્રીય તપાસ બ્યૂરો)એ 1985ના એક વરિષ્ઠ રેલવે અધિકારી મહેન્દ્રસિંહ ચૌહાણ સહિત 3ની ધરપકડ કરી હોવાનું જાણવા મળે છે. ૧ કરોડ રૂપિયાની લાંચ મામલે ત્રણેયને ઝડપ્યા હોવાના અહેવાલો સોશ્યલ મીડિયામાં વાયરલ થયા છે access_time 8:40 pm IST

  • વિશ્વભરમાં કોરોનાનો હાહાકાર યથાવત ચાલુ : અમેરિકાને કોરોના સતત નચાવે છે: આજે સવાર સુધીમાં બે લાખથી ઉપર કેસ નોંધાયા : અમેરિકામાં પોઝિટિવિટી રેટ ૧૦.૭ ટકા, સવા લાખ કોરોના દર્દીઓ હોસ્પિટલમાં, ૨૩ હજારથી વધુ આઈસીયુમાં અને ૨૪ કલાકમાં લગભગ ૩૭૦૦ નવા મૃત્યુ થયા છે : અત્યાર સુધીમાં ૧.૩૭ કરોડ લોકોને કોરોના સામે રક્ષણ આપતી રસી અપાઇ ચૂકી છે: બ્રાઝિલમાં સવાર સુધીમાં નવા ૬૨ હજાર, ઇગ્લેન્ડમાં ૪૧ હજાર, રશિયામાં ૨૪ હજાર, ફ્રાન્સમાં ૨૧ હજાર, ઇટાલીમાં ૧૬ હજાર અને ભારતમાં નવા કોરોના કેસ ૧૫,૧૪૪ નોંધાયા છે: આ ઉપરાંત જર્મનીમાં ૧૪ હજારથી વધુ, ઈઝરાયેલમાં ૮ હજારથી વધુ અને જાપાન- કેનેડામાં છ હજારની આસપાસ નવા કેસ નોંધાણા: યુનાઇટેડ આરબ અમીરાતમાં પણ ૨૪ કલાકમાં ૩૪૦૦થી વધુ કોરોના કેસ નોંધાયા છે: ભારતમાં આજે 181 નવા કેસ નોંધાયા છે જ્યારે ૧૫,૧૪૪ નવા કેસો સામે ૧૭ હજારથી પણ વધુ લોકો સાજા થયા છે. access_time 3:30 pm IST