Gujarati News

Gujarati News

News of Sunday, 17th January 2021

કેરળમાં મંગ્લોર-તિરુવનંતપુરમ મલબાર એક્સપ્રેસના પાર્સલ (નૂર) કોચમાં આગ ભભૂકી ઉઠી

તિરુવનંતપુરમ, 17 જાન્યુઆરી (ભાષા) રવિવારે અહીંથી 40 કિલોમીટર દૂર મંગ્લોર-તિરુવનંતપુરમ મલબાર એક્સપ્રેસના પાર્સલ (નૂર) કોચમાં આગ ભભૂકી ઉઠી હતી. રેલ્વે સૂત્રોએ આ માહિતી આપી હતી.તેમણે કહ્યું કે, તમામ મુસાફરોને ટ્રેનમાંથી સુરક્ષિત બહાર કાયા બાદ ફાયર ફાઇટરોએ આગને કાબૂમાં લીધી હતી. પ્રારંભિક માહિતી અનુસાર, ટ્રેન ડ્રાઇવરે સવારે 7.40 વાગ્યે ઇડાવાના વર્કલા અને પારાવર સ્ટેશન વચ્ચેના પાર્સલ ડબ્બામાંથી ધુમાડો નીકળતો જોયો અને તરત જ રેલ્વે અધિકારીઓને જાણ કરી. સૂત્રોએ જણાવ્યું હતું કે આગ પાર્સલના ડબ્બા સુધી સીમિત હતી અને રેલને ઘટના સ્થળે અટકાવી દેવામાં આવી છે.

(12:00 pm IST)
  • વિશ્વભરમાં કોરોનાનો હાહાકાર યથાવત ચાલુ : અમેરિકાને કોરોના સતત નચાવે છે: આજે સવાર સુધીમાં બે લાખથી ઉપર કેસ નોંધાયા : અમેરિકામાં પોઝિટિવિટી રેટ ૧૦.૭ ટકા, સવા લાખ કોરોના દર્દીઓ હોસ્પિટલમાં, ૨૩ હજારથી વધુ આઈસીયુમાં અને ૨૪ કલાકમાં લગભગ ૩૭૦૦ નવા મૃત્યુ થયા છે : અત્યાર સુધીમાં ૧.૩૭ કરોડ લોકોને કોરોના સામે રક્ષણ આપતી રસી અપાઇ ચૂકી છે: બ્રાઝિલમાં સવાર સુધીમાં નવા ૬૨ હજાર, ઇગ્લેન્ડમાં ૪૧ હજાર, રશિયામાં ૨૪ હજાર, ફ્રાન્સમાં ૨૧ હજાર, ઇટાલીમાં ૧૬ હજાર અને ભારતમાં નવા કોરોના કેસ ૧૫,૧૪૪ નોંધાયા છે: આ ઉપરાંત જર્મનીમાં ૧૪ હજારથી વધુ, ઈઝરાયેલમાં ૮ હજારથી વધુ અને જાપાન- કેનેડામાં છ હજારની આસપાસ નવા કેસ નોંધાણા: યુનાઇટેડ આરબ અમીરાતમાં પણ ૨૪ કલાકમાં ૩૪૦૦થી વધુ કોરોના કેસ નોંધાયા છે: ભારતમાં આજે 181 નવા કેસ નોંધાયા છે જ્યારે ૧૫,૧૪૪ નવા કેસો સામે ૧૭ હજારથી પણ વધુ લોકો સાજા થયા છે. access_time 3:30 pm IST

  • દેશમાં કોરોના થાક્યો; નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 14,019 કેસ નોંધાયા :કુલ કેસની સંખ્યા 1,05, ,57,679 થઇ :એક્ટિવ કેસ 2,06,879 થયા: વધુ 15,011 દર્દીઓ સ્વસ્થ થતા કુલ 1,01,93,994 થયા :વધુ 162 લોકોના મોત સાથે કુલ મૃત્યુઆંક 1,52,292 થયા access_time 12:56 am IST

  • એક કરોડની લાંચનો મામલો સીબીઆઈ ત્રાટકી: ત્રણની ધરપકડ CBI (કેન્દ્રીય તપાસ બ્યૂરો)એ 1985ના એક વરિષ્ઠ રેલવે અધિકારી મહેન્દ્રસિંહ ચૌહાણ સહિત 3ની ધરપકડ કરી હોવાનું જાણવા મળે છે. ૧ કરોડ રૂપિયાની લાંચ મામલે ત્રણેયને ઝડપ્યા હોવાના અહેવાલો સોશ્યલ મીડિયામાં વાયરલ થયા છે access_time 8:40 pm IST