Gujarati News

Gujarati News

News of Monday, 16th December 2019

નાગરિકતા કાયદાના વિરોધમાં હિંસક પ્રદર્શન બાદ કેન્દ્રીય ગૃહમંત્રાલએ એડવાઈઝરી જાહેર કરી

રાજ્યોએ કાયદો વ્યવસ્થા અને શાંતિ બનાવી રાખવા માટે પગલા લેવા નિર્દેશ : સોશિયલ મીડિયાની અફવા જવાબદાર ગણાવી

નવી દિલ્હી : નાગરિકતા કાયદાના વિરોધમાં આસામથી લઇને દિલ્હી સુધી દેશના ઘણા ભાગોમાં હિંસક પ્રદર્શનોને લઇને ગૃહ મંત્રાલયે એડવાઇઝરી જાહેર કરી છે. હોમ મિનિસ્ટ્રીએ તમામ રા્જયો અને કેન્દ્ર શાસિત પ્રદેશોને એડવાઇઝરી જાહેર કરી કહ્યું કે, હિંસક પ્રદર્શનો પર અંકુશ લગાવવામાં આવે. ગૃહ મંત્રાલયે તમામ રાજ્યોને કહ્યું કે, દેશના નાગરિકોની સુરક્ષા અને તેમના જીવનની રક્ષા મહત્વપૂર્ણ છે.

    અમિતભાઈ  શાહના નેતૃત્વ વાળા ગૃહ મંત્રાલયે લખ્યું છે કે, રાજ્યોએ કાયદો વ્યવસ્થા અને શાંતિ બનાવી રાખવા માટે પગલા ઉઠાવવા જોઇએ. તેની સાથે જ કેન્દ્ર સરકારે રાજ્યોને આ એક્ટના સંબંધમાં ફેક ન્યૂઝ અને સોશિયલ મીડિયા પર જોવા મળતી અફવાઓ પર યોગ્ય પગલા ઉઠાવવા કહ્યું છે. જોકે, કેન્દ્ર સરકારે આ કાયદાની વિરુદ્ધ ચાલી રહેલા પ્રદર્શનો માટે સોશિયલ મીડિયા પર ચાલી રહેલી અફવાઓને પણ જવાબદાર ગણાવી છે.

(9:03 pm IST)
  • મહેસુલ હડતાલ યથાવતઃ મહેસુલ સચિવ સાથે મંત્રણા શરૂ... : રાજયભરના મહેસુલ કર્મચારીઓની બપોરે ૩ વાગ્યે હડતાલ યથાવતઃ મહેસુલ સચિવ ન મળી શકયાઃ મહામંડળના હોદેદારોની મહેસુલ સચિવ સાથે મંત્રણા ચાલુઃ નિવેડો આવે તેવી શકયતા... કર્મચારીઓ પણ રાહ જોઇ રહ્યા છે!! access_time 3:33 pm IST

  • અમદાવાદમાં મેટ્રો રેલના સળીયાની ચોરી કરતો એક યુવાન ઝડપાયો : બીજો ફરાર : મેટ્રો રેલની સાઇટ પર ફરી એક વખત ચોરીનો બનાવ બન્યો : સુપરવાઇઝર મનોજસિંઘ સ્ટાફ સાથે નાઇટ પેટ્રોલિંગમાં હતાં તે દરમિયાન પાલડી જલારામ મંદિર સામે એક યુવાન ચોરી કરતા ઝડપાયો access_time 12:28 am IST

  • રાજકોટમાં વધુ બે નવા ઓવરબ્રીજની જાહેરાત: કાલાવડ રોડ ઉપર જડ્ડુસ રેસ્ટોરન્ટ પાસે અને ૧૫૦ ફૂટ રીંગ રોડ ઉપર ઉમિયા ચોક ખાતે ઓવર બ્રીજ બનાવવાની સ્ટેન્ડીંગ કમીટી દ્વારા સરકારમાં દરખાસ્ત access_time 12:56 pm IST