Gujarati News

Gujarati News

News of Monday, 16th December 2019

સિકંદરાબાદ રેલવે સ્ટેશન પર હવામાંથી તૈયાર કરાયેલું પાણી મળશે, કિંમત ૧ લીટરના ૮ રૂપિયા

હૈદરાબાદ,તા.૧૬: તેલંગણના સિકંદરાબાદ રેલવે સ્ટેશનના એક નંબરના પ્લેટફોર્મ પર હવામાંથી તૈયાર કરવામાં આવેલું પાણી વેચવામાં આવી રહ્યું છે. જલ શકિત મંત્રાલયે આ ટેકિનકથી તૈયાર કરવામાં આવેલા પાણીને સ્વાસ્થ્ય માટે સુરક્ષિત જાહેર કરતાં સાઉથ સેન્ટ્રલ રેલવે (એસસીઆર)એ ગુરુવારે પાણીનું કિઓસ્ક ઇન્સ્ટોલ કર્યું હતું. આ કિઓસ્કનું ઓટોમેટિક વોટર જનરેટર રોજના ૧૦૦૦ લીટર પાણી બનાવે છે જે સ્ટીલની એક ટેન્કમાં જમા થાય છે.

એસસીઆરના અધિકારીઓએ જણાવ્યા મુજબ પર્યાવરણને અનુકૂળ આ મશીન પાણીના કોઈ સ્ત્રોત પર નિર્ભર નથી, વેસ્ટ ઉત્પન્ન કરતો નથી તેમ જ દરેક ઋતુમાં કામ કરે છે. હવામાંથી પાણી શોષીને અનેક તબક્કામાંથી પસાર થયા બાદ પાણી ટેન્કમાં જમા થાય છે. મેદ્યદૂત ટેકિનકથી તૈયાર કરવામાં આવેલા આ પાણીની બોટલ સાથેની કિંમત આઠ રૂપિયા ઠરાવાઈ છે, જયારે ગ્રાહક પોતાની બોટલમાં પાંચ રૂપિયામાં પાણી ભરાવી શકે છે.

(3:32 pm IST)
  • ઉન્નાવ રેપ કેસ પર મોટો ચૂકાદોઃ ધારાસભ્ય કુલદીપ સેન્ગર દોષી જાહેરઃ ૧૯મીએ સજા પર થશે ચર્ચાઃ access_time 4:47 pm IST

  • નાગરિકતા કાયદાના વિરોધમાં જામિયા બાદ અલીગઢ મુસ્લિમ યુનિ,માં હિંસક પ્રદર્શન : ભારે પથ્થરમારો : ગોળીબાર : અનેક પોલીસકર્મીઓ ઘાયલ : પાંચમી જાન્યુઆરી સુધી વિશ્વ વિદ્યાલય બંધ access_time 12:27 am IST

  • જમીન સંપાદન મામલે ખેડૂતોએ સુપ્રિમમાં અરજી કરીઃ ૨૫૦૦ ખેડૂતોએ નથી કર્યો જમીન સંપાદનનો સ્વીકાર : બુલેટ ટ્રેન માટે જમીન સંપાદનનો મામલો : સરકાર સામે ખેડૂતો લડત આપી રહયા છેઃ આગામી દિવસોમાં સુપ્રિમમાં સુનાવણી થશેઃ હાઇકોર્ટેએ સરકારની તરફી ચુકાદો આપ્યો છે access_time 3:54 pm IST