Gujarati News

Gujarati News

News of Monday, 16th December 2019

નાગરિકતા કાયદા વિરુદ્ધ પશ્ચિમ બંગાળમાં ત્રીજા દિવસે પણ હિંસા ચાલુ : 5 જિલ્લાઓમાં ઇન્ટરનેટ સેવાઓ બંધ

પ્રદર્શનકારીઓએ ઘણા રસ્તાઓને ચક્કાજામ કર્યા : દુકાનો-વાહનોમાં આગચાંપી

કોલકતા : નાગરિકતા સંશોધન કાયદા પર પશ્ચિમ બંગાળમાં હિંસા બંધ થવાનું નામ લેતી નથી સતત ત્રીજા દિવસે રવિવારે નદિયા, ઉત્તર 24 પરગણા અને હાવડા જિલ્લામાં હિંસાની ઘટનાઓ જોવા મળી. ઉત્તર 24 પરગના અને નદિયા જિલ્લામાં અમદંગા અને કલ્યાણી વિસ્તારમાં પ્રદર્શનકારીઓએ ઘણા રસ્તાઓને ચક્કાજામ કરી દીધા અને રસ્તાઓ પર આગ લગાવવાની ઘટનાઓ બની હતી

આ દરમિયાન તંત્રે સોશિયલ મીડિયા પર અફવાઓ અને ખોટા સમાચારને રોકવા માટે માલદા, મુર્શિદાબાદ, હાવડા, ઉત્તરી 24 પરગનામાં અને દક્ષિણી 24 પરગનાના ઘણા ભાગમાં ઇન્ટરનેટ સેવાઓ અસ્થાયી રૂપે બંધ કરી દીધી છે.

મુખ્યમંત્રી મમતા બેનર્જી અને તૃણમૂલ કોંગ્રેસ (TMC) ના નેતાઓની અપીલ બાદ પણ રાજ્યમાં હિંસાની ઘટનાઓ રોકાવાનું નામ લઇ રહી નથી. દેગંગામાં દુકાનોમાં તોડ-ફોડ કરવાની સાથે જ ટાયર સળગાવવામાં આવ્યા.

સ્થિતિને નિયંત્રણમાં લેવા માટે પોલીસના જવાનોને ઘટના સ્થળે મોકલવામાં આવ્યા છે. ગત બે દિવસની તુલનામાં હાવડા-સિયાલદહ અને ખડગપુર ખંડો પર ટ્રેનની અવર-જવર સામાન્ય રહી. બીજી તરફ એક અધિકારીએ કહ્યું, વારંવાર સૂચના આપવા છતા કેટલાક સાંપ્રદાયિક લોકો હિંસક પ્રદર્શન કરી રહ્યા છે. એવામાં તંત્રે રાજ્યના 5 જિલ્લામાં ઇન્ટરનેટ સેવાઓ અસ્થાયી રૂપે બંધ કરવાનો નિર્ણય લીધો છે.

 

(12:00 am IST)
  • જમીન સંપાદન મામલે ખેડૂતોએ સુપ્રિમમાં અરજી કરીઃ ૨૫૦૦ ખેડૂતોએ નથી કર્યો જમીન સંપાદનનો સ્વીકાર : બુલેટ ટ્રેન માટે જમીન સંપાદનનો મામલો : સરકાર સામે ખેડૂતો લડત આપી રહયા છેઃ આગામી દિવસોમાં સુપ્રિમમાં સુનાવણી થશેઃ હાઇકોર્ટેએ સરકારની તરફી ચુકાદો આપ્યો છે access_time 3:54 pm IST

  • પૂર્વ રાષ્ટ્રપતિ પ્રણવ મુખરજીએ લોકસભાની સીટ 543થી વધારીને 1000 કરવા અને રાજ્યસભાની બેઠકોમાં પણ વધારો કરવા હિમાયત કરી : પ્રણવદાએ કહ્યું કે દેશમાં ચૂંટાયેલ પ્રતિનિધિઓ માટે મતદાતાઓની સંખ્યા નિર્ધારિત કરતા ઘણી વધારે છે : પ્રણવ મુખરજીએ ઇન્ડિયા ફાઉન્ડેશન દ્વારા અટલ બિહારી વાજપેય સ્મૃતિ વ્યાખ્યાનમાં સતાધારી પાર્ટીને બહુસંખ્યકવાદ વિરુદ્ધ સતર્ક કર્યા હતા : તેઓએ કહ્યું કે લોકોએ બહુમતી આપી હશે પરંતુ મોટાભાગના મતદારોએ કોઈ એક પાર્ટીને ક્યારેય સમર્થન કર્યું નથી access_time 1:04 am IST

  • અમદાવાદની જુની વાડીલાલ સારાભાઇ(vs)હોસ્પિટલ તોડવા પર સ્ટેઃ વધુ સુનાવણી શુક્રવારેઃ હાઇકોર્ટે વચગાળાનો સ્ટે આપ્યો access_time 11:38 am IST