Gujarati News

Gujarati News

News of Friday, 16th November 2018

પાક અધિકૃત કાશ્મીરને પોતાનું રાજ્ય બનાવવા માટે પાકિસ્તાનની નવી ચાલ

ઇસ્લામાબાદ તા. ૧૬ : ભારતના વિરોધ છતાં પાકિસ્તાન પોતાના કબજાવાળા કાશ્મીરને સત્તાવાર રીતે પોતાની સરહદમાં ભેળવવા માટે નવા પેંતરા કરી રહ્યું છે. પાકિસ્તાન સરકારે ગુરૂવારે એક સમિતિનું ગઠન કર્યું, જે ગિલગિત-બાલ્ટિસ્તાન (પીઓકે)ની કાનૂની વ્યવસ્થાની સમીક્ષા કરશે. બીજા શબ્દોમાં કહીએ તો આ સમિતિ આ વાત અંગેનો રિપોર્ટ બનાવશે કે ગિલગિત-બાલ્ટિસ્તાનને કેવી રીતે આંતરરાજય તરીકે પાકિસ્તાનમાં સામેલ કરાઇ.

ઉલ્લેખનીય છે કે ગિલગિત-બાલ્ટિસ્તાન વિસ્તાર ભારત જમ્મુ-કાશ્મીરનો જ એક ભાગ છે. જેના પર પાકિસ્તાન દ્વારા ૧૯૪૮માં કબાઇલી હુમલામાં પોતાના કબજામાં કરી લીધો.

ઉત્તરી ક્ષેત્રના નામથી ઓળખાતા આ વિસ્તારને પાકિસ્તાન પોતાના ૫માં રાજય તરીકે જાહેર કરવા માગે છે. જેનો ભારત તરફથી વિરોધ કરવામાં આવી રહ્યો છે. આ વિસ્તારનો મુદ્દો બંને દેશો તરફથી સંયુકત રાષ્ટ્રમાં પેન્ડીંગ છે.

પાકિસ્તાન તરફથી ૧૦ સભ્યોની સમીક્ષા સમિતિનું ગઠન કરવામાં આવ્યું છે. ચીફ જસ્ટિસ સાકિબ નિસારની અધ્યક્ષતાવાળી ૭ જ્જની પીઠે ઓકટોબરમાં આ વિસ્તારને પાકિસ્તાનના રાજય બનાવવા માટે કાનૂની સ્થિતિની સમીક્ષા કરવાનો નિર્દેશ કર્યો હતો.

(2:59 pm IST)
  • સાંસદ પ્રભાતસિંહના પરિવારમાં ફરી એકવાર વિવાદઃ તેમના પુત્રએ ભત્રીજા પર કર્યો હુમલો : પંચમહાલ સાંસદ પ્રભાતસિંહના પરિવારમાં ફરી એકવાર વિવાદઃ રેતીના વેપારમાં હરીફાઇની અદાવતમાં કર્યો હુમલોઃ પ્રભાતસિંહના પુત્ર ઉમેશ ચૌહાણે ભત્રીજા સુનિલ ચૌહાણ પર કર્યો હુમલોઃ સુમન ચૌહાણ છે કલોલના ધારાસભ્ય access_time 1:39 pm IST

  • સેન્સેકસ-નીફટી ગ્રીન ઝોનમાં : ક્રુડના ભાવ નિયંત્રણમાં રહેતા શેરબજારમાં ઉછાળોઃ ર.૧પ કલાકે સેન્સેકસ ૧પ૭ પોઇન્ટ વધીને ૩પ૪૧૭ અને નીફટી ૩૮ પોઇન્ટ વધીને ૧૦૬પ૪: ડોલર સામે રૂપિયો ૭૧.૭૩ ઉપર ટ્રેડ કરે છે access_time 3:41 pm IST

  • વિનય શાહના કૌભાંડના તાર રાજકોટ સુધી પહોંચ્યા : સરધારના લોકોના નાણા ફસાયા : વિનય શાહના કૌભાંડ તાર રાજકોટ સુધી પહોંચ્યાઃ સરધાર ગામના લોકોના પણ નાણા ફસાયાઃ ૫૦૦ લોકોના નાણાં ફસાયા હોવાનું સામે આવ્યું: સરધારના ૪ લોકો બન્યા હતા કંપનીના એજન્ટઃ તેમણે એજન્ટ બન્યા બાદ ગામના લોકોને જોડયા હતા access_time 3:41 pm IST