Gujarati News

Gujarati News

News of Friday, 16th November 2018

બિહાર : સપના ચૌધરીના કાર્યક્રમમાં ધમાલ : ૧નું મોત : ૧૨ને ઇજા

એકબીજા પર ખુરશીઓ ફેંકવામાં આવી : પોલીસે કર્યો લાઠીચાર્જ

પટના તા. ૧૬ : 'બિગ બોસ'ની એકસ કન્ટેસ્ટેન્ટ અને હરિયાણાની જાણીતી ડાંસર સપના ચૌધરીનાં કાર્યક્રમમાં જોરદાર બબાલ થઈ છે. ગુરૂવાર રાત્રે છઠનાં અવસર પર બિહારમાં તેનો પ્રોગ્રામ હતો. હજારોની સંખ્યામાં લોકો ભેગા થયા હતા, પરંતુ કાર્યક્રમમાં હંગામો થયો હતો. એકબીજા પર ખુરશીઓ ફેંકવામાં આવી હતી.

આ ઘટનામાં એક વ્યકિતનું મોત થયું છે, તો ઘણા લોકો ઘાયલ થયા છે. સપનાનો કાર્યક્રમ બિહારનાં બેગૂસરાયમાં ચાલી રહ્યો હતો. તે ૧૧માં ભરૌલ છઠ અવસર પર પરફોર્મ કરવા માટે સુદેશ ભોસલે અને હંસ રાજ હંસ જેવા કલાકારો સાથે પહોંચી હતી.

મોડી રાત્રે જયારે ૧૨ વાગ્યે સપના સ્ટેજ પર પહોંચી, તો દર્શકો વચ્ચે ભાગદોડીની સ્થિતિ સર્જાઈ હતી. સપના ચૌધરીને નજીકથી જોવા માટે લોકો સ્ટેજ સુધી પહોંચવા પડાપડી કરવા લાગ્યા હતા. આ દરમિયાન ખુરશીઓ ફેંકવામાં આવી હતી. સૂત્રોનાં જણાવ્યા પ્રમાણે આ કાર્યક્રમમાં ૫૦ હજારથી વધારે લોકો પહોંચ્યા હતા. લોકોની ભાગાદોડી વચ્ચે સપના ચૌધરીએ ૨ ગીત ગાયા હતા, પરંતુ સ્થિતિ કાબૂમાં ન થતા આયોજકોએ કાર્યક્રમને ત્યાં જ પૂર્ણ કરી દીધો હતો. ભીડ પર કાબૂ મેળવવા માટે પોલીસે લાઠીચાર્જ કરવો પડ્યો હતો. કાર્યક્રમમાં પોલીસે કરેલા લાઠીચાર્જમાં ૧ ડઝનથી વધારે લોકો ઘાયલ થયા હતા અને એક વ્યકિતનું મોત થયું હોવાના સમાચાર છે. સૂત્રોનાં જણાવ્યા પ્રમાણે મૃતક યુવાનનું નામ સાજન કુમાર છે અને તે બડિયાનો રહેવાસી છે.

(2:59 pm IST)
  • અમેરીકાના સાંસદોએ ઉઈઘર મુસ્‍લિમો પર દમન ગુજારવા બદલ ચીન પર પ્રતિબંધો લાદતુ બીલ રજૂ કર્યુ access_time 12:51 pm IST

  • આલોક વર્મા-રાકેશ આસ્‍થાના વિવાદ ઉપર સુપ્રીમમાં સુનાવણી access_time 12:56 pm IST

  • તામિલનાડુ : ‘ગાઝી' વાવાઝોડાથી ૧૧ના મોત access_time 12:56 pm IST