Gujarati News

Gujarati News

News of Friday, 16th November 2018

બીડ જિલ્લા કોર્ટ દ્વારા કિશોરીને

આંખ મારવા બદલ ૩ વર્ષની સજા

મરાઠવાડા તા. ૧૬ : રાજસ્‍થાનના મરાઠવાડાના બીડ જિલ્લામાં આંખ મારવા બદલ આરોપીને જિલ્લા કોર્ટ દ્વારા ૩ વર્ષની સજા ફટકારવામાં આવી છે. બીડ જિલ્લાની રાયમોહા સડક પર ૨૦ એપ્રિલ, ૨૦૧૭ના રોજ એક ૧૬ વર્ષની કિશોરી ચાલતી જઈ રહી હતી. આ કિશોરીનો ટાકલગાંવના એક વ્‍યક્‍તિ પુરૂષોત્તમ જ્ઞાનદેવ વીર (૨૪ વર્ષ) નામની વ્‍યક્‍તિએ પીછો કર્યો હતો અને પછી એ કિશોરીને એકીટસે જોવા લાગ્‍યો હતો તથા ત્‍યાર બાદ કિશોરીને આંખ મારી હતી.

બીડ જિલ્લાના પાટોદા પોલીસ સ્‍ટેશનમાં કિશોરીએ આ અંગે ફરિયાદ નોંધાવી હતી. જેના અંતર્ગત પુરુષોત્તમ જ્ઞાનદેવ વીર સામે પોલીસે કેસ દાખલ કર્યો હતો. પોલીસે છેડતી અંગેની આઈપીસીની કલમ ૩૫૪(બી) અંતર્ગત કેસ દાખલ કર્યો હતો. આ અંગે પોલીસે તપાસ કરીને બીડ જિલ્લા કોર્ટમાં પુરાવા સાથે કેસ દાખલ કર્યો હતો. જિલ્લા અને સત્ર ન્‍યાયાધિશ પ્રાચી કુલકર્ણીની કોર્ટમાં કેસની સુનાવણી થઈ હતી, જેમાં ૭ વ્‍યક્‍તિએ સાક્ષી તરીકે જુબાની આપી હતી.

સાક્ષીઓની જુબાનીના આધારે કોર્ટે આરોપીને ૩ વર્ષની જેલ અને રૂ.૫૦૦નો દંડ ફટકાર્યો છે. જો રૂ.૫૦૦ દંડ ન ભરવામાં આવે તો વધુ એક મહિનો જેલમાં કાપવાનો રહેશે. સરકારી મદદનીશ વકીલ સંગીતા ધસેએ આ અંગે જણાવ્‍યું કે, આંખ મારવાના કેસમાં ૩ વર્ષની જેલની સજા દેશની પ્રથમ ઘટના હશે. તેનાથી મહિલાઓની છેડતી કરનારા લોકોને બોધપાઠ મળશે.

(10:48 am IST)
  • ઉપલેટા ટ્રેન હડફેટે આવી જતા અજાણ્યા વૃદ્ધનું મોત:ઉપલેટાના ડુમીયાણી ગામ અને સુપેડી ગામ વચ્ચેનો બનાવ: ૭૦ વર્ષીય આસપાસની ઉંમરના લાગતા અને ચોરણી-કડિયું પહેરેલ અજાણ્યા વૃદ્ધનું ટ્રેન અકસ્માતમાં મોત:રેલવે સ્ટાફ દ્વારા ઉપલેટા રેલવે સ્ટેશને મૃતદેહ લઈ આવ્યા બાદ PM માટે ઉપલેટા કોટેજ હોસ્પિટલ ખાતે ખસેડાયો: પોલીસ દ્વારા તપાસ ચાલુ access_time 12:21 am IST

  • બિહાર : સપના ચૌધરીના કાર્યક્રમમાં ધમાલ : ૧નું મોત : ૧૨ને ઇજા : એકબીજા પર ખુરશીઓ ફેંકવામાં આવી : પોલીસે કર્યો લાઠીચાર્જ access_time 1:39 pm IST

  • ધોરાજી પોલીસ સ્ટેશનમાંથી આરોપી ફરાર:ભાવેશ કોડિયાતર નામનો આરોપી નાશી ગયો : પોલીસ સ્ટેશનમાં લોકઅપમાં હતો આરોપી: ટોયલેટ જવા સમયે ચકમો આપી ભાગી ગયો: 200 પેટી ગેરકાયદે દારૂના ગુનામાં આરોપી પકડાયો હતો:ધોરાજી અને જેતપુર ડિવિઝન પોલીસે શરૂ કરી તપાસ:CCTV ફૂટેજના આધારે શરૂ કરી તપાસ access_time 2:54 pm IST