Gujarati News

Gujarati News

News of Friday, 16th November 2018

લિવ-ઇન પાર્ટનર પાસેથી મહિલા ભરણપોષણ ભથ્‍થુ માગી શકે છે

સુપ્રિમ કોર્ટનો મહત્‍વનો ચુકાદો

નવી દિલ્‍હી તા. ૧૬ : લિવ-ઈન રિલેશનશિપમાં રહેતી સ્ત્રી પોતાના પાર્ટનર સામે ઘરેલુ હિંસા કાયદા હેઠળ ભરણપોષણ ભથ્‍થા માટે કોર્ટના દરવાજા ખખડાવી શકે છે. સુપ્રીમ કોર્ટે લિવ-ઈન રિલેશનશિપના એક કેસમાં પોતાનો નિર્ણય લઈને કહ્યું છે કે ઘરેલુ હિંસામાં માત્ર શારીરિક, માનસિક નથી પણ આર્થિક રીતે પરેશાન કરવાના મામલામાં લિવ-ઈનમાં રહેલી મહિલા પોતાના પાર્ટનર સામે કાયદાકીય પ્રક્રિયાનો સહારો લઈ શકે છે. આ કાયદા હેઠળ ભરણપોષણ ભથ્‍થા માટે તે હકદાર છે.

અસલમાં લિવ-ઈનનો આ મામલો એક મહિલા સાથે જોડાયેલો છે, જેમાં લિવ-ઈન રિલેશનશિપથી એક દીકરાને જન્‍મ આપ્‍યો હતો. મહિલા અને તેના દીકરાને ફેમિલી કોર્ટે ૨૦૧૦માં ભરણપોષણ માટે ભત્‍થું આપવા માટે આદેશ કર્યો હતો. આ સામે મહિલાના પાર્ટનરે ઝારખંડ હાઈકોર્ટના દરવાજા ખકડાવ્‍યા હતા. હાઈકોર્ટે પોતાના ફેંસલામાં કહ્યું કે જે પરણેલી મહિલા છે, તેમને જ સીઆરપીસીની કલમ ૧૨૫ હેઠળ ભરણપોષણ ભથ્‍થું આપી શકાય છે. તેના પર મહિલાએ સુપ્રીમ કોર્ટના દરવાજા ખખડાવ્‍યા હતા.

કોર્ટે કહ્યું કે જો આ માની પણ લેવામાં આવે તો મહિલા પરણિત નથી, તો પણ ઘરેલુ હિંસા કાયદા હેઠળ મહિલા ભથ્‍થા માટે હકદાર છે. કારણ કે તે પરણિત છે. એવામાં સીઆરપીસી કલમ ૧૨૫ હેઠળ ભરણપોષણ ભથ્‍થુ માગી શકે છે. ઘરેલુ હિંસામાં આર્થિક પરેશાનીનો પણ સમાવેશ થાય છે. જો કોઈને આર્થિક સ્ત્રોતથી વંચિત કરવામાં આવે છે, તો તે આ ક્ષેત્રમાં આવે છે.

(10:47 am IST)
  • નવસારી : અગ્રવાલ કોલેજ રોડ પાસેથી રૂ.૭૦ લાખની જૂની ચલણી નોટો સાથે બે શખ્સો ઝડપાયા :સુરતથી નવસારી જૂની નોટો વટાવવા આવ્યા હતા access_time 3:36 pm IST

  • સાંસદ પ્રભાતસિંહના પરિવારમાં ફરી એકવાર વિવાદઃ તેમના પુત્રએ ભત્રીજા પર કર્યો હુમલો : પંચમહાલ સાંસદ પ્રભાતસિંહના પરિવારમાં ફરી એકવાર વિવાદઃ રેતીના વેપારમાં હરીફાઇની અદાવતમાં કર્યો હુમલોઃ પ્રભાતસિંહના પુત્ર ઉમેશ ચૌહાણે ભત્રીજા સુનિલ ચૌહાણ પર કર્યો હુમલોઃ સુમન ચૌહાણ છે કલોલના ધારાસભ્ય access_time 3:17 pm IST

  • વિનય શાહના કૌભાંડના તાર રાજકોટ સુધી પહોંચ્યાઃ સરધારના લોકોના નાણા ફસાયા : વિનય શાહના કૌભાંડ તાર રાજકોટ સુધી પહોંચ્યાઃ સરધાર ગામના લોકોના પણ નાણા ફસાયાઃ ૫૦૦ લોકોના નાણાં ફસાયા હોવાનું સામે આવ્યું: સરધારના ૪ લોકો બન્યા હતા કંપનીના એજન્ટઃ તેમણે એજન્ટ બન્યા બાદ ગામના લોકોને જોડયા હતા access_time 1:39 pm IST