Gujarati News

Gujarati News

News of Friday, 16th November 2018

જમાલ ખશોગી હત્યા કેસમાં પાંચને મૃત્યુદંડ કરાઈ શકે છે

ક્રાઉન પ્રિન્સને ક્લિનચીટ આપી દેવામાં આવીઃ સાઉદી અરેબિયા પર તપાસને લઇ આંતરરાષ્ટ્રીય દબાણ

રિયાદ, તા. ૧૫: પત્રકાર જમાલ ખશોગીની હત્યાના મામલામાં સાઉદીના પાંચ અધિકારીઓને મૃત્યુદંડની સજા ફટકારવામાં આવે તેવી શક્યતા દેખાઈ રહી છે. ઇસ્તાનબુલ સ્થિત સાઉદીના વાણિજ્ય દૂતાવાસની અંદર ખશોગીની ઘાતકી હત્યા કરી દેવામાં આવી હતી. આ સમગ્ર મામલામાં ક્રાઉન પ્રિન્સ મોહમ્મદ બિન સલમાનને ક્લીનચીટ આપી દીધી છે પરંતુ અન્ય પાંચ અધિકારીઓને મૃત્યુદંડની સજા કરવામાં આવે તેવી શક્યતા છે. આ જાહેરાત ખુબ જ મહત્વપૂર્ણ છે. કારણ કે ખશોગીની હત્યાને લઇને દુનિયાના અનેક દેશો સાઉદી ઉપર દબાણ લાવી રહ્યા છે. હત્યાના મામલામાં કુલ ૨૧ લોકોને પકડી પાડવામાં આવ્યા છે. તુર્કી દ્વારા હત્યાના મામલામાં આંતરરાષ્ટ્રીય તપાસની માંગ કરી છે. બીજી વખત મોટુ રાજકીય સંકટ સર્જાઈ ગયું છે. અત્રે ઉલ્લેખનીય છે કે, હાલમાં જ સાઉદી અરેબિયાના પત્રકાર જમાલ ખસોગીના સંદર્ભમાં વધુ એક ચોંકાવનારો  ખુલાસો થયો હતો. તુર્કીના અખબારે આજે એક અહેવાલ પ્રકાશિત કરીને કહ્યું હતું કે ખસોગીના હત્યારાઓએ તેમની હત્યા કર્યા બાદ તેમના અવશેષોને તેજાબમાં સળગાવીને ડ્રેનમાં ફેંકી દીધા હતા. સરકારી અખબારના કહેવા મુજબ કોઈના નામનો ઉલ્લેખ કર્યા વગર કહેવામાં આવ્યું હતું કે ઈસ્તાનબુલના સાઉદી દૂતાવાસના ડ્રેનમાંથી લેવામાં આવેલા સેમ્પલમાં આ અંગેની વિગત સપાટી ઉપર આવી છે. અત્રે નોંધનિય છે કે ખસોગીને છેલ્લી વખતે બીજી ઓકટોબરના દિવસે પોતાના લગ્ન સાથે સંબંધિત દસ્તાવેજો માટે સાઉદી દૂતાવાસમાં જતા જોવામાં આવ્યા હતા. ત્યારબાદથી તેમનો મૃતદેહ મળ્યો નથી. ખસોગીની હત્યાથી અનેક વખત ઈનકાર કર્યા બાદ સાઉદી અરેબિયાએ આખરે આ વાતને સ્વીકારી હતી કે તેમની હત્યા થઈ ગઈ છે.

(9:54 am IST)
  • ભાવનગર :જિલ્લામાં રોગચાળાએ ભરડો લીધો :છેલ્લા ઘણા દિવસથી રોગચાળાનો કહેર યથાવત :સર.ટી હોસ્પિટલમાં સ્વાઈન ફલૂ સહિતના રોગમાં વધારો :જેમાં તાવ, શરદી, ઉધરસ, જાડા-ઉલ્ટી સહિતનાં રોગોનાં દર્દીઓમાં વધારો :સ્વાઇન ફલૂથી વધુ એક મોત access_time 11:14 pm IST

  • વિનય શાહના કૌભાંડના તાર રાજકોટ સુધી પહોંચ્યા : સરધારના લોકોના નાણા ફસાયા : વિનય શાહના કૌભાંડ તાર રાજકોટ સુધી પહોંચ્યાઃ સરધાર ગામના લોકોના પણ નાણા ફસાયાઃ ૫૦૦ લોકોના નાણાં ફસાયા હોવાનું સામે આવ્યું: સરધારના ૪ લોકો બન્યા હતા કંપનીના એજન્ટઃ તેમણે એજન્ટ બન્યા બાદ ગામના લોકોને જોડયા હતા access_time 3:41 pm IST

  • કચ્છ:મહિલા કોન્સ્ટેબલની સાથી કોન્સ્ટેબલે છેડતી કરી:રણોત્સવ પોલીસ બંદોબસ્તમાં માંડવીની યુવાન મહિલા પોલીસ કોન્સ્ટેબલની કાળા ડુંગર ખાતે સાથી પોલીસ જવાને છેડતી કરી :આરોપી શૈલેન્દ્રસિંહ રવુભા જાડેજા નખત્રાણા પોલીસ મથકમાં કોન્સ્ટેબલ મહિલાકર્મીએ કોન્સ્ટેબલ વિરુદ્ધ નોંધાવી ફરિયાદ access_time 3:03 pm IST