Gujarati News

Gujarati News

News of Friday, 16th November 2018

ઓયો દ્વારા ઈન્ડિગોના પૂર્વ અધ્યક્ષ આદિત્ય ઘોષની મુખ્ય કાર્યપાલક અધિકારી (સીઈઓ) તરીકે નિમણુંક

હોસ્પિટલિટી કંપની ઓયોએ ઈન્ડિગોના પૂર્વ અધ્યક્ષ આદિત્ય ઘોષની ભારત અને દક્ષિણ એશિયા માટે મુખ્ય કાર્યપાલક અધિકારી (સીઈઓ) તરીકે નિમણુંક કરી છે. કંપનીએ કહ્યું કે ઘોષની નિમણુંક ચાલુ વર્ષે ડિસેમ્બરથી લાગુ થશે.

  ઘોષ ઓયોના સંસ્થાપક અને સમૂહ સીઈઓ રિતેશ અગ્રવાલને રિપોર્ટ આપશે. ઘોષની પાસે 21 વર્ષનો વ્યવસાયિક અનુભવ છે. તેમણે ભારત, નેપાળ અને દક્ષિણ એશિયાના અન્ય નવા બજારોમાં આયો હોટલ્સના વ્યાપારને જોવાની જવાબદારી આપવામાં આવી છે

 . અગ્રવાલે વિશ્વાસ વ્યક્ત કર્યો કે ઘોષ કંપનીને નવા ધોરણે સુયોજિત કરવામાં મદદ કરી શકશે. ઘોષે કહ્યુ કે તેઓ આ જવાબદારીને સંભાળવાથી ખૂબ ખુશ છે. તેમણે કંપનીના વેપારની દ્રષ્ટિએથી દક્ષિણ એશિયન બજારને ખૂબ મહત્વપૂર્ણ ગણાવ્યું.

 ઓયોના હોટલનું નેટવર્ક ભારત, ચીન, મલેશિયા, નેપાળ, બ્રિટેન, સંયુક્ત અરબ અમીરાત અને ઈન્ડોનેશિયાના 500 શહેર સુધી ફેલાયેલો છે.

(12:00 am IST)
  • સેન્સેકસ-નીફટી ગ્રીન ઝોનમાં : ક્રુડના ભાવ નિયંત્રણમાં રહેતા શેરબજારમાં ઉછાળોઃ ર.૧પ કલાકે સેન્સેકસ ૧પ૭ પોઇન્ટ વધીને ૩પ૪૧૭ અને નીફટી ૩૮ પોઇન્ટ વધીને ૧૦૬પ૪: ડોલર સામે રૂપિયો ૭૧.૭૩ ઉપર ટ્રેડ કરે છે access_time 3:41 pm IST

  • વિનય શાહના કૌભાંડના તાર રાજકોટ સુધી પહોંચ્યા : સરધારના લોકોના નાણા ફસાયા : વિનય શાહના કૌભાંડ તાર રાજકોટ સુધી પહોંચ્યાઃ સરધાર ગામના લોકોના પણ નાણા ફસાયાઃ ૫૦૦ લોકોના નાણાં ફસાયા હોવાનું સામે આવ્યું: સરધારના ૪ લોકો બન્યા હતા કંપનીના એજન્ટઃ તેમણે એજન્ટ બન્યા બાદ ગામના લોકોને જોડયા હતા access_time 3:41 pm IST

  • અમેરીકાએ સાઉદી પત્રકાર જમાલ ખાશોગીની હત્યામાં ભૂમિકા ભજવનાર ૧૭ સાઉદી અધિકારીઓ ઉપર આર્થિક પ્રતિબંધ લાઘ્યો સાઉદી અરબના પબ્લીક પ્રોશીકયુટરે આ મામલે ૫ સાઉદી અધિકારીઓને મોતની સજા આપવાની માંગણી કરી access_time 12:17 pm IST