Gujarati News

Gujarati News

News of Tuesday, 16th October 2018

મેનેજરે લોન પાસ કરવા માટે કરી શારીરિક સંબંધની માંગ :મહિલાએ જાહેરમાં લમધાર્યો

બે લાખની લોન પાસ કરવાના બદલામાં શારીરિક સંબંધની માંગ ;કર્ણાટકનો કિસ્સો

બેંગલુરુઃ બેન્ક મેનેજરની જાહેરમાં ધોલાઇનો એક વીડિયો સામે આવ્યો છે.જેમાં એક મહિલાએ જાતિય સત્તામણીનો આક્ષેપ લગાવીને એક બેંક મેનેજરને જાહેરમાં દંડા અને ચંપલ વડે ફટકાર્યો હતો. આ વીડિયો કર્ણાટકાના દવાનગીરી જિલ્લાનો હોવાનું કહેવાઈ રહ્યું છે માર ખાનાર વ્યક્તિની ઓળખ દેવૈયા તરીકે કરવામાં આવી છે. દેવૈયા દેવાનગીરી ખાતે આવેલી ડીએચએફએલ લોન એજન્સીમાં મેનેજર તરીકે કામ કરે છે.
   મહિલાના આક્ષેપ પ્રમાણે દવૈયાએ લોન પાસ કરવાના બદલામાં મહિલા સાથે શારીરિક સંબંધ બાંધવાની માંગણી કરી હતી. મહિલાએ બેંકમાં બે લાખની લોન માટે અરજી કરી હતી. મેનેજરની આવી વાત બાદ મહિલાએ જાહેરમાં જ દંડાથી મેનેજરને ફટકાર્યો હતો. એટલું જ નહીં મહિલાએ મેનેજરને લાતો, પંચ અને થપ્પડો પણ મારી હતી. આ દરમિયાન તેણે મેનેજરને ફેંટ પકડીને ફટકાર્યો હતો.
   મહિલા જ્યારે મેનેજરની ધોલાઇ કરી રહી હતી ત્યારે આસપાસના લોકોએ આ અંગેની વીડિયો ઉતારી લીધો હતો. મહિલાના મેનેજર સામે જાતિય સત્તામણીના આક્ષેપ બાદ પણ હાજર લોકો પ્રેક્ષક બનીને જ ઉભા રહ્યા હતા. આથી મહિલાએ એકલા હાથે જ લડી લેવાનું મન બનાવી મેનેજરની ધોલાઇ કરી હતી.

(4:34 pm IST)
  • અંજારના વરસામેડી રોડ પાસે હિટ એન્ડ રનનો બનાવ:કાર ચાલકે ચાર બાઈક સવારોને હડફેટમાં લીધા:બે યુવતીઓ સહિત બે યુવાનોને ગંભીર ઈજા:અકસ્માત કરેલ કારચાલક ગાંધીધામના સ્ક્રેપના વેપારી પુત્ર હોવાનુ બહાર આવ્યુ : એક યુવકની ગંભીર ઈજા પહોંચતા રાજકોટ ખસેડાયો:નાસી ગયેલ કાર ચાલકની કાર રાજવી ફાટક પાસેથી મળી આવી access_time 1:04 am IST

  • અંકલેશ્વરના સારંગપુર ગામના સરપંચ અને તલાટી 10 હજાર ની લાંચ લેતા એસીબીના હાથે ઝડપાયા :સરપંચ ગોપાલ વસાવા અને તલાટી દિનેશ પટેલ સારંગપુર ગામ પંચાયતમાં સ્ટ્રીટ લાઇનના બરોડાના સપ્લાયર પાસેથી બિલ પાસ કરવાના માગ્યા હતા10 હજાર:એસીબીએ છટકું ગોઠવી સરપંચ અને તલાટીને ઝડપી પાડી કાયદેસર ની કાર્યવાહી હાથ ધરી access_time 1:15 am IST

  • જમ્મુ - કાશ્મીરમાં આતંકીઓનો હુમલો :CRPF કેમ્પમાં બે જવાનો ઘાયલ : કંગન વિસ્તારમાં એક આતંકી ઠાર થયા પછી આ હુમલો થયો : કાશ્મીર ખીણમાં નગર પંચાયતોની ચૂંટણી સંદર્ભે અનેક બનાવો બહાર આવી રહ્યા છે access_time 11:38 am IST