Gujarati News

Gujarati News

News of Tuesday, 16th October 2018

કેજરીવાલનો નરેન્દ્રભાઈને પડકારઃ હિંમત હોય તો રાફેલ ડીલની ફાઈલ બતાવો

નવી દિલ્હી,તા.૧૬: કેન્દ્ર સરકારને દિલ્હીના મુખ્યમંત્રી અરવીંદ કેજરીવાલે પડકાર ફેંકતા જણાવેલ કે મારી સરકારની ૪૦૦ ફાઈલની ચકાસણીના બદલામાં રાફેલ સોદાની ફાઈલ બતાવો.

''આપ''ના ડોનેશન કાર્યક્રમનો પ્રારંભ કરાવતા કેજરીવાલે જણાવેલ કે, મને ફકત ચાર ફાઈલો ચાર દિવસ માટે બતાવો, જેમાં રાફેલની પણ ફાઈલ સામેલ છે. હું તેમને આજીવન જેલ મોકલી દઈશ. તેમણે ભ્રષ્ટ્રાચાર અંગે વડાપ્રધાન મોદી ઉપર આકરા પ્રહાર કરી પોતાની સરકાર છેલ્લા ૭૦ વર્ષના ઈતિહાસમાં સૌથી પ્રમાણીક સરકાર હોવાનો પણ દાવો કર્યો હતો.

કેજરીવાલે પોતાના કાર્યકર્તાઓ અને લોકોને ભાજપ અને કોંગ્રેસ સમર્થકોનો વિશ્વાસ સાથે સામનો કરવા જણાવેલ. તેમણે મોદી ઉપર નિશાન સાધતા જણાવેલ કે દિલ્હીના લોકોની છાતી ૫૬ ઈંચ નહીં પણ ૬૦ ઈંચ ફુલેલી છે કેમ કે તે ગર્વથી ભરેલા છે.

(3:42 pm IST)
  • સોમાલીયાના બેડોઆ શહેરમાં આત્મઘાતી બોમ્બ વિસ્ફોટઃ ૧૬ લોકોના મોત : ૫૦ ઘાયલ : સોમાલીયાના બેડોઆ શહેરમાં શનિવારે બે આતંકવાદીઓએ એક રેસ્ટોરા અને હોટલમાં આત્મઘાતી બોમ્બ વિસ્ફોટ કરતા ૧૬ લોકોના મોત નિપજયા છે. જયારે ૫૦ લોકો ઘાયલ થયા છે. આત્મઘાતી હુમલાવાર શહેરના ભીડવાળા વિસ્તારમાંં ઘુસી આવ્યા હતા અને પોતાની જાતને ઉડાવી દીધી હતી. આ હુમલાની જવાબદારી આતંકી સંગઠન અલ-શબાએ લીધી છે access_time 3:31 pm IST

  • રાજ્યભરમાં સ્ટેટ GST વિભાગના દરોડા: અમદાવાદ, સુરત,વડોદરા,રાજકોટ,વલસાડ,મોરબી, દાહોદમાં પેટ્રોલ પંપ પર તપાસ: પંપના માલિકો વેરો ન ભરી ટેક્સ ચોરી કરતા હતા access_time 1:13 am IST

  • ભરૂચ જિલ્લા પ્રવાસન વિકાસ સોસાયટી અને વહીવટી તંત્ર દ્વારા 28 ઓક્ટોબરે યોજાશે હેરિટેજ વોક:દાંડિયા બજાર વિસ્તારમાં આવેલ નથુ ધોબણની ધર્મશાળાથી સવારે 7 કલાકે હેરિટેજ વોકનો થશે પ્રારંભ:ઐતિહાસિક સ્થળોના વિકાસ માટે તંત્ર દ્વારા એકશન પ્લાન ઘડાયો: 7 કી.મી.ના રૂટમાં આવતા ઐતિહાસિક સ્થળનો કરાયો સમાવેશ access_time 1:13 am IST