Gujarati News

Gujarati News

News of Tuesday, 16th October 2018

CBIને પ્રથમ સફળતા : ભારત લવાયો વિદેશ ભાગેલો મોહમ્મદ યાહ્યા

બેંકો સાથે છેતરપીંડી કરી ભાગી ગયો હતો

નવી દિલ્હી તા. ૧૬ : બેંકો સાથે છેતરપિંડી કરીને વિદેશ ભાગી ગયેલા લોકો પર સરકાર કડક થઈ રહી છે. જે અંતર્ગત સરકારને એક મોટી સફળતા મળી છે. ૯ વર્ષ પહેલાં કેટલીક બેંકો સાથે કૌભાંડ આચરી બહેરીન ભાગેલા શખ્શ મોહમ્મદ યાહ્યાને CBI ટીમ પકડીને ભારત લાવી છે.કૌભાંડકારો પર કડક પગલા લેવા માટે ઓગસ્ટમાં બનાવવામાં આવેલા સખત કાયદા બાદ આ પ્રથમ ઘટના છે જયારે સરકાર કોઈ ભાગેડુને દેશમાં પરત લાવી શકી છે. આ અપરાધી નીરવ મોદી, મેહુલ ચોકસી અને વિજય માલ્યા જેવા કૌભાંડીઓની સરખામણીમાં ઘણો નાનો છે. છતાં તેનું પકડાવું એ એજન્સી માટે સકારાત્મક સંદેશ છે.

મોહમ્મદ યાહ્યાને બહેરીનથી પકડવામાં આવ્યો છે. ગત ઘણા સમયથી ભારતીય તપાસ એજન્સીઓની તેના પર નજર હતી. બહેરીનથી તેની ધરપકડ કરી જરુરી કાર્યવાહી પૂર્ણ કરી તેને ભારત લાવવામાં આવ્યો છે. મોહમ્મદ યાહ્યા વિરુદ્ઘ CBIએ વર્ષ ૨૦૦૯માં તપાસ શરૂ કરી હતી. ત્યાં સુધીમાં તે દેશ છોડીને ભાગી ગયો હતો.

(3:19 pm IST)
  • યુપીના ગાઝિયાબાદ રેલવે સ્ટેશન નજીક કાલકા એક્સપ્રેસ અને ઇએમયુ ટ્રેનની અડફેટે છ લોકો આવ્યા:બેના મોત, ચારને ઇજા access_time 2:48 pm IST

  • અમદાવાદમાં અપોલો હોસ્પિટલના ગાર્ડનમાંથી 5 દિવસની નવજાત બાળકી મળી: બાળકીને સારવાર માટે હોસ્પિટલ ખસેડાઈ: પોલીસે ગુનો નોંધી વધુ તપાસ શરૂ કરી. access_time 1:15 am IST

  • 22મીથી તલાટીઓની રાજ્યવ્યાપી હડતાળ :ગુજરાત રાજ્ય તલાટી મહામંડળ દ્વારા ૨૨ તારીખ થી રાજ્યવ્યાપી હડતાળની જાહેરાત કરી : ગુજરાત રાજ્ય તલાટી મહામંડળની મળેલી બેઠકમાં લેવાયો નિર્ણય :લાંબા સમયથી પડતર પ્રશ્નોનુ નિરાકરણ નહીં આવતા આખરે આ નિર્ણય લીધો :૨૨મીએ રાજ્યભરની પંચાયતનો વહીવટ ઠપ્પ કરવાની ચીમકી ઉચ્ચારી access_time 1:05 am IST