Gujarati News

Gujarati News

News of Wednesday, 16th September 2020

દેશમાં કોરોનાએ સ્પીડ પકડી :છેલ્લા 10 લાખ કેસ માત્ર 11 દિવસમાં વધ્યા

કોરોનાના 30 લાખથી 40 લાખ કેસ થવામાં 13 દિવસ અને 50 લાખનો આંક પહોંચવામાં 11 દિવસ થયા

નવી દિલ્હી : દેશમાં કોરોનાના ઝડ્પથી કેસ વધી રહ્યા છે કોરોનાના 10 લાખ પોઝિટિવ કેસ નોંધાયા બાદ કોરોનાએ સ્પીડ પકડી છે છેલ્લા 10 લાખ કેસ માત્ર 11 દિવસમાં વધ્યા છે કોરોનાના 30 લાખથી 40 લાખ કેસ થવામાં 13 દિવસ અને 50 લાખનો આંક પહોંચવામાં 11 દિવસ થયા  હતા

 આ પહેલા 30 જાન્યુઆરીએ પહેલો કેસ આવ્યાના 109 દિવસ બાદ દેશમાં સંક્રમિતોનો આંકડો 1 લાખ પહોંચ્યો હતો. બાકી 9 લાખ કેસ 69 દિવસમાં મળ્યા. પછી દર્દીઓનો આ આંકડો 10થી 20 લાખ થવામાં 21 દિવસ, 20થી 30 લાખ થવામાં 16 દિવસ લાગ્યા. ત્યારબાદ 30થી 40 લાખ કેસ થવામાં 13 અને 40થી 50 લાખ સંક્રમિત થવામાં 11 દિવસ લાગ્યા છે. અત્યાર સુધી દેશમાં 5.90 કરોડથી વધુ લોકોનું કોરોના ટેસ્ટિંગ થઈ ચુક્યું છે. તેમાંથી 8.47 ટકા લોકો પોઝિટિવ મળ્યા છે.

(12:00 am IST)