Gujarati News

Gujarati News

News of Monday, 16th September 2019

ગુલામ નબીને ખીણમાં જવાની મળેલ બહાલી

રાજકીય રેલી કરી શકશે નહીં

નવી દિલ્હી, તા.૧૬ : સુપ્રીમ કોર્ટે આજે કોંગ્રેસના વરિષ્ઠ નેતા અને જમ્મુ કાશ્મીરના પૂર્વ મુખ્યમંત્રી ગુલામ નબી આઝાદને જમ્મુ કાશ્મીર જવાની મંજુરી આપી દીધી છે. સાથે સાથે એમ પણ કહ્યું છે કે, ગુલામ નબી આઝાદને જમ્મુ કાશ્મીરમાં કોઇપણ પ્રકારની રાજકીય રેલી કરવાની મંજુરીઆપવામાં આવશે નહીં. મુખ્ય ન્યાયાધીશ રંજન ગોગોઈના નેતૃત્વમાં એક બેંચે જમ્મુ કાશ્મીરના પૂર્વ મુખ્યમંત્રીને જમ્મુ, અનંતનાગ, બારામુલ્લા અને શ્રીનગર જવા અને લોકો સાથે વાતચીત કરવાની મંજુરી આપી દીધી છે. આ પહેલા આઝાદે આક્ષેપ કરતા કહ્યું હતું કે, ૫મી ઓગસ્ટ બાદ તેઓએ ત્રણ વખત જમ્મુ કાશ્મીર જવાના પ્રયાસ કર્યા હતા પરંતુ શ્રીનગર એરપોર્ટથી જ પરત કરી દેવામાં આવ્યા હતા.

         ફારુક અબ્દુલ્લા પહેલાથી જ મુશ્કેલીમાં છે. ઓમર અબ્દુલ્લા સામે પણ કાર્યવાહી થઇ રહી છે. ફારુક અબ્દુલ્લા, ઓમર અબ્દુલ્લા અને મહેબુબા મુફ્તીને પહેલાથી જ નજરકેદમાં રાખવામાં આવ્યા છે. ગુલામ નબીને ખીણમાં જવાની મંજુરી મળ્યા બાદ હવે ગુલામ નબી જમ્મુ કાશ્મીરમાં કેવી રણનીતિ અપનાવે છે તે બાબત ઉપયોગી બનશે. જુદા જુદા વિસ્તારમાં લોકો સાથે વાતચીત કરવાની મંજુરી ગુલામ નબીને મળી ચુકી છે. ગુલામ નબીએ કહ્યું છે કે, તેઓ કોઇપણ રાજનીતિ કરવા માટે ઇચ્છુક  નથી. માત્ર સ્થિતિ જાણવા માંગે છે.

(7:43 pm IST)
  • ૧૩૮II ઇંચ : સાંતાક્રુઝમાં ૬૫ વર્ષનો રેકોર્ડ બ્રેક વરસાદ નોંધાયો : મુંબઇ-સાંતાક્રુઝમાં ચોમાસાની સીઝનનો ૬૫ વર્ષનો વરસાદી રેકોર્ડ તુટયો છે. (૧ જુનથી ૩૦ સપ્ટે. સુધી) આજે ૧૬ સપ્ટેમ્બર સવારે ૮II સુધીમાં મુંબઇના સાંતાક્રુઝ ખાતે ૩૪૬૨.૮ મી.મી. (૧૩૮II ઇંચ) જે છેલ્લા ૬૫ વર્ષમાં પડેલ સૌથી વધુ વરસાદ છે. access_time 4:38 pm IST

  • ભારે કરી : રેલવે પોલીસને હેલ્પલાઇન નંબર પર આવે છે પિઝ્ઝા -બર્ગર માટે ફોન : સ્ટાફ પિઝા અને બર્ગરની ડિલિવરી કરે છે કે કેમ ? તેવા પુછાય છે સવાલ : રાજધાની દિલ્હીમાં રેલવેને નવી મુશીબત :યાત્રીઓ પિઝા અને બર્ગરની ડિલિવરી માટે કરે છે માંગણી : હેલ્પલાઇન નંબરમાં 80 ટકાથી વધુ ફોન પીઝા અને બર્ગર માટે આવે છે : મોબાઈલ રિચાર્જ માટે પણ કરાઈ છે પૂછપરછ access_time 12:53 am IST

  • ઝારખંડના વિપક્ષી નેતા હેમંત સોરેને મુખ્યમંત્રી રઘુવરદાસને ફટકારી લીગલ નોટિસ : પૂર્વ મુખ્યમંત્રી હેમંત સોરેને પોતાના પર ભ્રષ્ટ્રાચારના આરોપ મામલે સીએમને નોટીસ ફટકારી આરોપ પાછા ખેંચવા માંગ કરી : હેમન્ત સોરેને કહ્યું કે મને બદનામ કરવા 500 કરોડની સંપત્તિ ખરીદયાનો કરાય છે આક્ષેપ : સાત દિવસમાં માફી માંગે અથવા કાનૂની કાર્યવાહીની ચીમકી આપી access_time 12:53 am IST