Gujarati News

Gujarati News

News of Monday, 16th September 2019

સુબ્રમણ્યમ સ્વામીની આગાહી

એક વર્ષમાં પીઓકે ભારતનો હિસ્સો હશે

મોદી કુશળ શાસક, તેમનાથી પાકિસ્તાન ડેરે છે

નવી દિલ્હી તા ૧૬  :   મોફાટ નિાવેદનો આપવા માટે જાણીતા બીજેપીના સાંસદ ડો. સુબ્રમણ્યમ સ્વામીએ હવે આગાહી કરી છે કે એક વર્ષમાં પીઓકે (પાક ઓકયુપાઇડ કાશ્મીર) ભારતો હિસ્સો હશે. અવધ યુનિવર્સિટીના પદવીદાન સમારોહમાં બોલતાં ડો. સ્વામીએ કહ્યું હતું કે ૬૦૦ વર્ષના શાસનકાળ દરમ્યાન મોગલોએ આપણને દબાવીને રાખ્યા હતા.ભારતનું નિર્માણ કરવા માટે ઇતિહાસની સાચી જાણકારી હોવી જરૂરી છે. આઝાદ ભારતમાં જમ્મુ-કાશ્મીરમાં ૩૭૦-કલમ લાગુ પાડવા સામે ડો.આંબેડકરે પણ વિરોધ કર્યો હતો. આ કલમ દૂર કરવામાં કશું ખોટું નથી.

તેમણે કહ્યું કે કાશ્મીર મુદ્દે આખી દુનિયા ભારત સાથે છે. પાકિસ્તાનને યુએનમાંથી પણ ખાલી હાથે પાછા ફરવું પડયું છે. એક વર્ષમાં પીઓકે પણ ભારતનો હિસ્સો હશે. બલુચિસ્તાન પણ મુકત થઇને ભારત સાથે ભળવા માગે છે. હવે ભારતના નકશાને સુધારવાનો સમય આવી ગયો છે.

ડો. સ્વામીએ કહ્યું હતું કે, પીએમ મોદી એક કુશળ શાસક છે અને તેમનાથી પાકિસ્તાન ડરેછે. તે રીતે સરકારે કલમ ૩૭૦ દુર કરી છે એ બહુ જ પ્રશંસનીય બાબત છે.

રામ મંદિર વિશે તેમણે કહ્યું હતું કે મને વિશ્વાસ છે કે, આ કેસમાં કોર્ટનો ચુકાદો મંદિરની તરફેણમાં આવશે. સુન્ની વકફ બોર્ડ આસ્થાની વાત નથી કરી રહ્યું, તે આ કેસમાં દલીલ કરી રહ્યું છે કે, આ જમીન અમારી છે. બીજી તરફ બોર્ડને છોડીને દેશના મુસ્લિમોની ઇચ્છા છે કે આ જમીન હિન્દુઓની રામ મંદિર માટે આપી દેવાય.

(11:46 am IST)
  • સુપ્રીમ કોર્ટે ફારૂક અબ્દુલ્લાની મુક્તિ ને લઈ કેન્દ્ર અને જમ્મુ-કાશ્મીર સરકારને નોટિસ ફટકારી : જમ્મુ-કાશ્મીરમાં કલમ 370 નાબૂદ થયા પછી એમડીએમકે ચીફ વાયકો સહિતના અનેક નેતાઓએ સુપ્રીમ કોર્ટમાં તેની વિરુદ્ધ અરજી કરી છે. જેના પર સુપ્રીમ કોર્ટમાં સુનાવણી ચાલી રહી છે. વાયકોની અરજીની સુનાવણી કરતાં સુપ્રીમ કોર્ટે કેન્દ્ર સરકાર, જમ્મુ-કાશ્મીર સરકારને નોટિસ પાઠવી છે. જોઈએ તો વાયકોએ પોતાની અરજીમાં કહ્યું છે કે રાષ્ટ્રીય પરિષદના નેતા ફારૂક અબ્દુલ્લાનો સંપર્ક થઈ શકતો નથી, જમ્મુ કાશ્મીરમાં કલમ 370 નાબૂદ થયા બાદ તેમને હાઉસ અરેસ્ટમાં રાખવામાં આવ્યા છે. access_time 12:13 pm IST

  • ભારે કરી : રેલવે પોલીસને હેલ્પલાઇન નંબર પર આવે છે પિઝ્ઝા -બર્ગર માટે ફોન : સ્ટાફ પિઝા અને બર્ગરની ડિલિવરી કરે છે કે કેમ ? તેવા પુછાય છે સવાલ : રાજધાની દિલ્હીમાં રેલવેને નવી મુશીબત :યાત્રીઓ પિઝા અને બર્ગરની ડિલિવરી માટે કરે છે માંગણી : હેલ્પલાઇન નંબરમાં 80 ટકાથી વધુ ફોન પીઝા અને બર્ગર માટે આવે છે : મોબાઈલ રિચાર્જ માટે પણ કરાઈ છે પૂછપરછ access_time 12:53 am IST

  • દિવગત વડાપ્રધાન રાજીવ ગાંધીની હત્યાની દોષી નલિનીની પેરોલ પુરી : ફરીથી જેલમાં મોકલાઈ : નલિનીએ મદ્રાસ હાઇકોર્ટમાં પેરોલની મુદત વધારવા કરેલી અરજી કોર્ટે ફગાવી ; નલિનીને તેણીની પુત્રીના લગ્નની વ્યવસ્થા સંદર્ભે 51 દિવસની પેરોલ મળી હતી : હાઇકોર્ટે ગત મહિને 30 દિવસની છૂટી આપી હતી બાદમાં ત્રણ સપ્તાહ વધારી દેવાયા હતા access_time 12:52 am IST