Gujarati News

મધ્યપ્રદેશમાં એક પિકનીક સ્પોટ પર 11 લોકો તણાયા છે હજુ પણ આશરે 12 જેટલા પ્રવાસીઓ ફસાયેલા છે જ્યારે કે સાત જેટલા લોકોને બચાવી લેવાયા છે

  આ અંગેની વિગત મુજબ મધ્યપ્રદેશના શિવપુરી જિલ્લાના સુલ્તાનગઢ વોટરફોલની.તંત્ર દ્વારા હેલીકોપ્ટરની મદદ લેવામાં આવી રહી છે. આ તમામ પ્રવાસીઓ ગ્વાલિયરના છે. અને તેઓ અહીં સુલ્તાનગઢ ધોધના પ્રવાસે આવ્યા હતા. પરંતુ અચાનક પાણીનો પ્રવાહ વધી જતા આ લોકો નદીના ખડક પર જ ફસાઇ ગયા. જ્યારે કે કેટલાક લોકો પાણીના વહેણમાં તણાઇ ગયા. તંત્ર દ્વારા રેસ્ક્યુ માટે ગ્વાલિયર અને શિવપુરથી ટુકડીઓને બોલાવવામાં આવી છે.

  આ ઉપરાંત એસડીઆરએફની ટીમ પણ ઘટના સ્થળે પહોંચી ચુકી છે. અંધકાર થવાના કારણે બચાવ ટુકડીને મુશ્કેલીનો સામનો કરવો પડી રહ્યો છે. ઉપરવાસમાં પડેલા ભારે વરસાદના કારણે વોટરફોલમાં પાણીનો પ્રવાહ વધી ગયો હતો. અને પ્રવાસીઓ ચારે તરફથી પાણીમાં ઘેરાઇ ગયા હતા. જેમાંથી કેટલાક પ્રવાસીઓએ 100 ફૂટની ઉંચાઇ પરથી ધોધમાં નીચે ખાબક્યા હતા. આ પ્રવાસન સ્થળ ગ્વાલિયર-શિવપુરીની સરહદ પર શિવપુરી જિલ્લાના ભાનગઢ પાસે આવેલું છે.