Gujarati News

નવી દિલ્હી તા. ૧૬: કેન્દ્ર સરકાર સ્વાસ્થય યોજનાના લાભાર્થીઓ માટે એક ખુશ ખબર છે. ટુંક સમયમાં જ તેઓ એમ્સમાં કેશલેસ ઇલાજ કરાવી શકશે ઉપરાંત તેમને ગીરદીથી બચાવવા માટે અલગ કાઉન્ટર પણ ખોલવામાં આવશે.આ સુવિધા માટે સી.જી.એસ.એચ. અને એમ્સ વચ્ચ્ેની વાતચીત છેલ્લા તબકકામાં છે. જો બધું બરાબર થશે તો આવતા મહિનાથી આ સગવડ મળવા લાગશે. એમ્સમાં ઓ.પી.ડી. અને કેટલછલીક તપાસ બધા માટે નિઃશુલ્ક છે. બી. પી. એલ.માં આવતા દરદીઓને મફત સારવર અપાય છે. જયારે સામાન્ય શ્રેણીના દર્દીઓએ લેબોરેટરી તપાસ માટે પૈસા ચુકવવા પડે છે.

કેન્દ્રીય આરોગ્ય અને પરીવાર કલ્યાણ ખાતાના એક ઉચ્ચ અધિકારીએ પત્રકારો સાથે વાત કરતા કહ્યું કે એમ્સ દિલ્હીમાં સૌથી સારો ઇલાજ થાય છે તે નિર્વિવાદ છે. જો કે બીજી સરકારી હોસ્પીટલોની જેમ અહીં પણ કેશલેસ ઇલાજની સગવડ નથી. ઉપરાંત અહીં ખુબ ગીરદી થતી હોવાથી અહીં આવતા લોકો અચકાય છે આ બન્ને તકલીફો દુર કરવા માટે આરોગ્ય ખાતું એમ્સ સાથે એક સમજુતી કરવા માટે વાત કરી રહ્યું છે જો તે સફળ થશે તો સી.જી.એસ.એચ. કાર્ડ કોઇ પૈસા જમા કરાવ્યા વગર ઇલાજ કરાવી શકશે. (૭.૪૦)