Gujarati News

Gujarati News

News of Saturday, 16th June 2018

પાકિસ્તાને ઇદ લજવી : નાપાક હરકત : ફાયરીંગ : જવાન શહિદ

પાકિસ્તાનનું હમ નહિ સુધરેંગે : તોડયું સીઝફાયર : LOC પર બેફામ ગોળીબાર

શ્રીનગર તા. ૧૬ : ઇદના દિવસે પણ પાકિસ્તાન તેની હરકતો પર કાયમ છે. સરહદની પાસે જમ્મુ-કાશ્મીરના નૌશેરા સેકટરમાં પાકે. ફરી સીઝફાયરનું ઉલ્લંઘન કર્યું છે. પાક. ફાયરીંગમાં ભારતીય સેનાના જવાન શહિદ સહિત એક નાગરિકનું પણ મોત નિપજ્યું છે. બીજી બાજુ પાટનગર શ્રીનગરમાં પણ અશાંતિનો માહોલ સર્જાયો છે.

એકબાજુ જ્યાં આ સમયે દેશભરમાં ઇદના જશ્નનો માહોલ છે ત્યારે બીજી બાજુ પાકિસ્તાન તેની નાપાક હરકતોથી અશાંતનો માહોલ સર્જાવામાં લાગ્યું છે. જમ્મુ અને અરનિયાની ચિનાઝ પોસ્ટ પર પાકિસ્તાને વહેલી સવારે બે રાઉન્ડ ફાયરીંગ કરવામાં આવ્યું. જ્યારે જરીયાલ પોસ્ટ પરથી પિતલ પોસ્ટ પર પણ બે રાઉન્ડ ફાયરીંગ કરવામાં આવ્યું. બંને પોસ્ટ પર તૈનાત જવાનોએ જવાબી કાર્યવાહી કરી. હાલમાં સ્થિતિ સામાન્ય છે. બીજી બાજુ નૌશેરા સેકટરમાં પણ સીઝફાયરનું ઉલ્લંઘન કરવાનો મામલો સામે આવ્યો છે.

બીજી બાજુ જમ્મુ - કાશ્મીરમાં પાકિસ્તાને સીઝફાયરનું ઉલ્લંઘન કરતા તેમાં સેનાના જવાન વિકાસ ગુરુંગ શહિદ થયા છે. જોકે બીએસએફે જવાબી કાર્યવાહી કરી પાકિસ્તાનને જડબાતોડ જવાબ આપ્યો છે.

ઉપરાંત પાક.ના ગોળીબારમાં એક નાગરિકનું પણ મોત થયું છે. બીજી બાજુ બીએસએફએ જમ્મુ - કાશ્મીરના સાંબા સેકટરમાં કાર્યવાહી હાથ ધરતા બે શંકાસ્પદ પાકિસ્તાઓની ધરપકડ કરી છે. જેમાંથી એકની ઉંમર ૨૨ વર્ષ અને બીજાની ૩૧ વર્ષ છે.(૨૧.૨૫)

(3:45 pm IST)
  • જમ્મુ-કાશ્મીરઃ ઇદની નમાઝ બાદ શ્રીનગરમાં પત્થરમારોઃ આઇએસઆઇએસ અને પાકિસ્તાનના ઝંડા દેખાડાયા access_time 11:27 am IST

  • કાલે શનિવારે પેટ્રોલ-ડીઝલના ભાવમાં કોઈ ઘટાડો થવાની શકયતા નથી ;પેટ્રોલ-ડીઝલના ભાવ યથાવત રહેશે ;છેલ્લા ચાર દિવસથી માત્ર આજે શુક્રવારે પેટ્રોલમાં માત્ર આઠ પૈસાનો ઘટાડો કરાયો હતો : છેલ્લા ચાર દિવસથી ભાવમાં ઘટાડાને બ્રેક લાગી હતી access_time 1:25 am IST

  • કર્ણાટકમાં કોંગ્રેસ - જેડીએસ ગઠબંધનમાં 'એક સાંધો ત્યાં તેર તૂટે' જેવી સ્થિતિ : હવે રાજ્યના નવા બજેટને લઈને બન્ને પક્ષો થયા સામસામે : કોંગ્રેસ પુરક બજેટ લાવવા માટે આગ્રહ કરે છે જ્યારે જેડીએસ નવાજ બજેટની જરૂર હોવાની વાત પર અડી access_time 12:42 am IST