Gujarati News

Gujarati News

News of Saturday, 16th June 2018

કાનપુરમાં બેકાબુ ડમ્પર ઘરમાં ઘુસી જતા નિંદ્રાધીન એક જ પરિવારના છ લોકોના કમકમાટીભર્યા મોત

નશાખોર ડમ્પર ચાલક ફરાર : ઈદની ઉજવણીની તૈયારી કરી હતી પરંતુ શોકનું મોજું ફરી વળ્યું

કાનપુર: કાનપુરમાં બેકાબુ ડમ્પર એક ઘરમાં ઘુસી જતા નિદ્રાધીન એક જ પરિવારના છ લોકોના કરૃણમોત નિપજ્યા છે આજે સવારે સર્જાયેલા ગમખ્વાર અકસ્માતમાં પૂરપાટ ઝડપે આવતું એક ડમ્પર રોડ નજીકના ઘરમાં ઘૂસી જતાં મકાનમાં સૂતેલા એક જ પરિવારના છ લોકોના કમકમાટીભર્યાં મોત નીપજ્તા અરેરાટી વ્યાપી જવા પામી છે પોલીસે અકસ્માત ગુનો દાખલ કરી વધુ તપાસ હાથ ધરી છે.

 અલાહાબાદ હાઈવેના મહારાજપુર પોલીસ મથકની હદમાં બનેલી આ ઘટના અંગે પોલીસના જણાવ્યા મુજબ ડમ્પર ચાલક નશો કરેલી હાલતમાં હતો.અને અકસ્માત સર્જીને ફરાર થઈ ગયો છે ડમ્પરના ચાલકે કાબૂ ગુમાવતાં ડમ્પર રોડ નજીકના એક ઘરમાં ઘૂસી જતાં એક જ પરિવારના બુઝુર્ગ મહિલા સહિત છ લોકો પર ડમ્પર ફરી વળતા પાંચ લોકોનાં ઘટનાસ્થળે જ મોત થયાં હતાં.જ્યારે અન્ય એકનું સારવાર દરમિયાન મોત થયું હતું.

 મૃતકો ગઈ કાલે રાતે જ ઈદ માનવવાની તૈયારી કરી હતી. પણ આ ઘટનામાં ઘરના માલિક કલ્લુ કુરેશી સાથે તેની બે પુત્રી અને એક પુત્ર, પત્ની અને ભત્રીજાનાં મોત થતાં આ વિસ્તારમાં ઈદના પવિત્ર દિવસે જ શોકનું મોજું ફરી વળ્યું છે.

 આ ઘટના બાદ સ્થાનિકોએ આક્ષેપ કરતાં જણાવ્યું હતું કે આ વિસ્તારમાં છેલ્લા ઘણા સમયથી ગેરકાયદે માટીનું વહન કરતાં અનેક ડમ્પર અને અન્ય વાહનની અવરજવર થઈ રહી છે. છતાં તંત્ર દ્વારા તેમની સામે પગલાં લેવામાં આવતાં નથી. આજે દારૂ પીધેલા ડમ્પર ચાલકની બેદરકારીથી આ વિસ્તારના એક જ પરિવારનાં છ સભ્યનાં મોત થતાં સ્થાનિકોમાં ભારે રોષ જોવા મળી રહ્યો છે.

(11:48 am IST)
  • જમ્મુ-કાશ્મીરઃ ઇદની નમાઝ બાદ શ્રીનગરમાં પત્થરમારોઃ આઇએસઆઇએસ અને પાકિસ્તાનના ઝંડા દેખાડાયા access_time 11:27 am IST

  • અંબાજીમાં પ્લાસ્ટીકના પાઉચ ઉપર પ્રતિબંધ : ભાદરવી પૂનમના મેળામાં પ્લાસ્ટીકનો ઉપયોગ નહીં કરી શકાય access_time 5:54 pm IST

  • ઈન્દોરમાંથી ૩૦ કરોડનું ૩૦૮ કિલો ડ્રગ્સ ઝડપાયુ : અમદાવાદ, વડોદરા, મુંબઈ, ગોવામાં સપ્લાય કરતાં હતા : ડીઆરઆઈ ટીમે ઈન્દોરમાંથી ડ્રગ્સની સપ્લાય કરતા ૧૧ શખ્સોની ધરપકડ કરી છે : આ શખ્સો પાસેથી ૩૦૮ કિલો ડ્રગ્સ જપ્ત કરાયુ છે : આ શખ્સો રેવ પાર્ટીમાં અમદાવાદ, વડોદરા, મુંબઈ, ગોવામાં ડ્રગ્સની સપ્લાય કરતા હોવાનું ખુલ્યુ છે access_time 5:55 pm IST