Gujarati News

Gujarati News

News of Thursday, 16th May 2019

કાશ્મીરના કિશ્તવાડ અને રામબન બન્યા નવા આતંકવાદના અડ્ડાઃ નવા વિસ્તારોમાં ત્રાસવાદ ફેલાવવાનું ષડયંત્ર

જમ્મુ તા. ૧૬ :.. કાશ્મીરમાં આતંકવાદ હવે દક્ષિણ તરફ આગળ વધી રહ્યો છે. ડોડા જીલ્લાના કિશ્તવાડ અને રામબનનો વિસ્તાર આતંકવાદીઓના નવા ઠેકાણા રૂપે સામે આવી રહ્યો છે. કિશ્તવાડમાં આતંકવાદનો પગરવ સાંભળીને લોકો કાંપી ઉઠયા છે. બે રાજકીય નેતાઓ સહિત ચાર હત્યાઓ અને આતંકવાદીઓનું ફરીથી સક્રિય થવું પ્રશાસનથી માંડીને સુરક્ષા એજન્સીઓ સુધીના વિચાર કરતા થઇ ગયા છે. કિશ્તવાડમાં ૧૯૯૦ ની સાલ જેવું વાતાવરણ બની રહયું છે. બજાર સાંજ થતાં જ સુમસાન થઇ જાય છે.

રામબન જીલ્લાનો ગૂલ વિસ્તાર ર૦૦૭ થી શાંત હતો. આતંકવાદી સંગઠનો દ્વારા ફરીથી આ શાંત વિસ્તારને નિશાન બનાવવાના ષડયંત્રના ભાગરૂપે લશ્કર એ તૈયબાએ પોતાના બે આતંકવાદીઓને અહીં મોકલ્યા હતાં. ખીણમાં ઓપરેશન ઓલ આઉટ હેઠળ આતંકવાદીઓના થઇ રહેલા આતંકવાદીઓના ખાતમાના કારણે તે લોકો નવા વિસ્તારોમાં પોતાના મુળીયા ફેલાવવાનું ષડયંત્ર રચ્યું છે. આના માટે જ ગુલ વિસ્તારને પસંદ કરવામાં આવ્યો છે જેથી ફરીથી અહીં આતંકવાદને જીવતો કરી શકાય. ચિનાબ રીજીયનની સાથે જ પીરપંજાલ વિસ્તારમાં ફરીથી આતંકવાદનો દોર શરૂ કરવાનું ષડયંત્ર પણ હોઇ શકે છે.

સુરક્ષા દળોના સુત્રોનું માનવું છે કે ખીણ વિસ્તારમાં સખ્તાઇના કારણે આતંકવાદીઓએ સુરક્ષિત જગ્યાઓએ આશરો લીધો છે. હવે તેમને ડર સતાવી રહ્યો છે કે મુવમેન્ટની માહિતી મળતા જ સુરક્ષા દળોના હાથે તેમનું મોત થશે. આ કારણે આતંકવાદી સંગઠનોએ જમ્મુ રીજીયન તરફ રૂખ કરવાનું ષડયંત્ર રચ્યું છે. ચિનાબ રિજીયનના કિશ્તવાડમાં આતંકવાદીઓ બે  બનાવમાં ચાર લોકોની હત્યા કરી હતી. હવે પીર પંજાબ વિસ્તારમાંથી પણ લશ્કરના બે આતંકવાદીઓ પકડાઇ ગયા છે.

(3:53 pm IST)
  • નકલી બિયારણકાંડઃ કૃષિ વિભાગે તપાસ શરૂ કરી :ગાંધીનગરના માણસામાં બિયારણની દુકાનમાંથી મળી ૧૦ બિયારણની નકલી થેલીઓ મળી આવી હતીઃ ખાતરકાંડ બાદ સૌથી મોટો ઘટસ્ફોટ access_time 3:56 pm IST

  • મહેસાણાની દુધસાગર ડેરીના ૪૫ કર્મચારીઓની બદલીઃ ત્રણ દિવસથી હડતાલ ઉપર : કર્મચારીઓ મહેસાણા ન આવવા મકકમઃ ૩ દિવસથી મહેસાણાના કર્મીઓ હડતાલ ઉપર ડેરીએ કામ બંધ કરતા કર્મચારીઓની કરી બદલીઃ દુધસાગર ડેરીના કર્મચારી હડતાલ પરઃ હરીયાણાના માનેસર પ્લાન્ટના કર્મીઓ હડતાલ ઉપરઃ મહેસાણાના કર્મીને ઉપર પર પ્રાંતીયોએ માર્યો હતો માર access_time 3:21 pm IST

  • ઇશ્વરચંદ્ર વિદ્યાસાગરનું નવું પૂતળું બનાવી આપવાની નરેન્દ્રભાઇની જાહેરાત મમતાએ ફગાવી દીધી : અમારે કોઇ મદદ જોઇતી નથી : તમે (ભાજપ) લોકોએ જ પૂતળું તોડ્યું છે : ભાજપે આ કર્યું છે તે વાત બંગાળની પ્રજા કયારેય ભૂલશે નહિ : મમતા દીદી આક્રમૂક મૂડમાં access_time 4:30 pm IST