Gujarati News

Gujarati News

News of Thursday, 16th May 2019

ઉત્તર - પશ્ચિમ ભારતમાં મોસમનો મિજાજ બદલાયો : પંજાબ - હરિયાણા - દિલ્હીમાં ભારે વાવાઝોડા સાથે વરસાદનો વર્તારો

નવી દિલ્હી તા. ૧૬ : ઉત્તર પશ્ચિમ ભારતમાં વેસ્ટર્ન ડિસ્ટરબન્સથી મોસમ બદલાયુ હોવાનું હવામાન વિભાગે જણાવ્યું છે. જેના કારણે પંજાબ, હરિયાણા અને દિલ્હી NCRમાં ભારે વાવાઝોડા સાથે વરસાદની આગાહી કરવામાં આવી છે. ગઇ કાલે દિલ્હી NCRમાં વરસાદ પડ્યો હતો.

ગઈકાલથી ઉત્તર ભારતના કેટલાક વિસ્તારમાં મોસમનો મિજાજ બદલાયો છે. ત્યારે હવામાન વિભાગે આગાહી કરી છે કે આવતીકાલ સુધી દિલ્હી એન.સી.આર, પંજાબ અને હરિયાણા સહિત પશ્ચિમ ઉત્તર પ્રદેશના તમામ વિસ્તારમાં ભારે વાવાઝોડા સાથે ભારે વરસાદ પડી શકે છે.

ગઈ કાલે દિલ્હી એન.સી.આર.માં ભારે વરસાદ પડ્યો હતો. જે બાદ દિલ્હીના અનેક વિસ્તારમાં ભારે ટ્રાફિક પણ સર્જાયો હતો. ત્યારે હવે હવામાન વિભાગે આગાહી કરી છે કે આવતીકાલ સુધી વરસાદી માહોલ જોવા મળી શકે છે. વેસ્ટર્ન ડિસ્ટરબન્સના કારણે મોસમનો મિજાજ બદલાયો છે. હવામાન વિભાગના એડિશનલ ડાયરેકટર જનરલ ડોકટર મૃત્યુંજય મહાપાત્રાના જણાવ્યા મુજબ, ઉત્તર ભારતમાં બદલાયેલા મોસમ બાદ રાજસ્થાન અને હરિયાણા ઉપર સાયકલોનિક સરકયુલેશન સક્રિય થયું છે. ભારે વાવાઝોડા સાથે વરસાદ વરસે તેવી શકયતા છે.

(11:31 am IST)
  • રાજકોટમાં અતુલ મોટર્સનો કર્મચારી પાર્થ ઠાકર ૨૨૫ ગ્રાહકોના વીમા પ્રિમિયમના ૧૯.૬૦ લાખ 'ખાઇ' ગયો!: ઇન્સ્યુરન્સ એકઝીકયુટિવ તરીકે કામ કરતાં વિશ્વનગરના બ્રાહ્મણ શખ્સે ૨૦૧૬ થી ૨૦૧૮ સુધીમાં ગ્રાહકોની વિમા પ્રિમીયમની રકમ ઉઘરાવી જમા જ ન કરાવીઃ કંપનીના સીઇઓ સમર્થ ચાંદ્રાની એ-ડિવીઝનમાં ફરિયાદઃ આરોપી સકંજામાં access_time 11:22 am IST

  • અમિતભાઇ શાહે કોલકતા બહારથી ગુંડા બોલાવ્યા તેનો અહેવાલ, રાષ્ટ્રીય ચેનલો નહિં દેખાડે કારણ કે તેઓ દલાલ છેઃ મમતા બેનરજી access_time 3:49 pm IST

  • હવે વેકેશનમાં શિક્ષકોએ શાળામાં હાજર રહેવું પડશે: અમદાવાદ નગર પ્રાથમિક શિક્ષણ સમિતિનો પરિપત્ર :મુખ્ય શિક્ષક અથવા શિક્ષકને રહેવું પડશે હજારે :વિદ્યાર્થીઓના પ્રવેશ અને વિદ્યાર્થીની સંખ્યા વધારવા માટે સમિતિ દ્વારા લેવાયો નિર્ણંય : શિક્ષકોનું વેકેશન બગડે તેવા એંધાણ ;શિક્ષકોમાં ભારે કચવાટ ફેલાય તેવી શકયતા access_time 11:10 pm IST